Baby November 2022

Trini

freue mech ufene schöne ustusch☺️

SiMe84

Du bisch super Trini!! 😍

Trini

hoffentlech chömed no es paar zo eus☺️

SiMe84

Ja, das hoffi au. Wär schön, wenn mer es trüppli wäred, zum ustusche und de nächschte wuche entgege bibere

mari91

Hallihallo 😀
Hami jez mau däfür o da ine zcho o wenis gäng no nid so cha glaube ha vor 2 wuche dä erst positiv Test gmacht…😀Ha aber im Dezember ä FG ka u bi darum no chli vorsichtig… u di Zit gat so nid verbi!!🙈

SiMe84

Hallo mari91
Willkomme ide Gruppe. 🥰Ich han im Dezember au e Fehlgeburt gha und chans nanig ganz glaube, das es wedee klappet hät.
Isch es dis erschte?

mari91

Merci😀 de gats dir gad glich dämfau!
Nei han im 2019 o scho eini ka u när 5 Monet speter hets klappet mitem erste Kind🥰U bi dir is di ersti?

Trini

@mari91 wellkomme i de goppe☺️ hesch du afangs dezember de termin? wie gohts der?

Trini

meine afangs november😅

mari91

Merci 🙏
Usgrechnet lut app so dä 7 November Termin …
Mir gats eigentli sehr guet ha eifach viu hunger gfüehl u wärädem ässä bechumi no meh hunger😅aber süsch gar nüt bis jez…
Und bi euch ?

Trini

ech ha eifach emmer es völlegefühl… als obi scho e grosse buch hät😅 ech ha eifach bammel vor de übelkeit…🙈

mari91

Übelkeit kenni gar nid hani no i keire ss ka bis jez😬

SiMe84

Ja, vor de Übelkeit hani au bammel, aber es isch ja jedi Schwangerschaft chli anderscht, velecht hämer ja dasmal glück

Trini

mörgeli zäme, höt beni chorz verschrocke, ha chli buet ufem papier gha nochem wc, aber hed grad ufghört…. cha glaub vorcho i de 5 ssw oder?

SiMe84

Guete morge. So Schock Moment hani also au scho gha. Meistens sind nume paar tröpfli und das sött nüt mache.
Wie gahts euch suscht so? Ich bin luut app 5 + 4, also ide 6. wuche. Händ ehr scho mega azeiche? Ich han chli spannendi brüscht und ab und zue chli es zieh im buuch.

Trini

@SiMe84: do beni betz beruhigt, veronsechered eim jo scho… mer gohts sowit guet, gspörre au d bröst, de buch esch eifach ufbläht ond chli e morgeübelkeit… wens so bliebt, esches ok….😅 ech be 4+4 ond somet i de 5 ssw. bi de erscht ss hed glaub s meischte erscht rechtig noch de 6 ssw agfange🙈

SiMe84

Han jetzt grad de ersti Termin bi FÄ abgmacht. Chan am 30. März gah. Dän bini ide 8. ssw
Ich vertraue mal druf, das alles in ordnig isch und sich de wurm wohl fühlt.
Wen händ ehr de termin planet?

mari91

Morge das verunsicheret eim immer mega so Situatione ha o gäng angst dävor!! Aber wes ja gad wider ghört het isches sicher nüt!
I bi hütt gad i di 7 wuche cho lut app dä Termin hani am 29 märz erst de söti scho afang 9 wuche si bi gspannt obis bis den ushalte😅Gspürä dueni ächt nid viu chli äs zie zwüschdürä u meh hunger…

Trini

ech ha no kei termin abgmacht😅 lüte de am Mi a ond hoffe, dassi am 30.3 oder 31.3 no verbi cha, welli nochhäre före woche i de ferie be.☺️ ergendwie wetti scho wösse, ob alles ok esch bevor mer id ferie gönd…☺️

__Yamila__

hallo mitenand. i ha dörfe positv teste und freu mich uf de ustusch mit eu

Trini

@__Yamila__ oh so schön🥰🥰🥰 wellkomme i de groppe! wenn esch din ET? wie fühlsch dech?

SiMe84

@__Yamila__ Herzlich Willkommen i de November Gruppe. Und natürlich Herzlichi Gratulation zur Schwangerschaft. 🥰🥰Schön, dass s‘grüppli am wachse isch.

__Yamila__

min et isch am 20.11. i ha ka apetit zum esse🙈 und min sohn (3) bringt mi grad dauernd uf palme😂. wie gots den eu so?

Trini

ech merke efach, weni länger nüd gässe ha, dassi de meh met übelkeit z kämpfe ha. bis jetzt esch de schlemmscht momämt am morge, aber esch nonig so schlemm wie i de erscht ss. ech hoffe, dass bliebt so☺️ min sohnemann werd au bald drü😅

mari91

@yamila mi chli bringt mi o gäng wider neue uf Palme🙈

Trini

sodeli, ha jetzt am 31.3 au min erschti termin chöne abmache☺️ be de grad 7+0, cha sie das mer de nonig sovell gseht, aber ech hoffe secher es herzli z ghöre☺️

Mayla

Hallo zeme. Mir sind glaub au in dere gruppe 🥰

SiMe84

Hallo Mayla. Herzlichi Gratulation zur Schwangerschaft und willkomme i de November Gruppe 🥰

mari91

Härzlich wiukomme 😃 mir si am wachse schön🥰

Trini

@Mayla oh wow😍 so schön, gratoliere - herzlech wellkomme i de groppe☺️

Trini

@Mayla was hed din maa gseid?☺️

Mayla

Danke ☺️🤣 er weisses nonig, also er meint es het nöd klappt wil i au nüm demit grechnet han.. seges ihm wenn er heichunt, bzw minre chli hani e tshirt agmolet 🥰

Mayla

Wie isches bi eu woners am partner gseit hend? Familie wüssets scho? Ich weiss nonig obi cha lang warte zums verzelle 😅

SiMe84

Bi mer isch de Partner bim tescht quasi debi gsi. Suscht weiss es bi eus na niemert. Bin chli vorsichtig worde nach de Fehlgeburt. Wot sicher bis i di zwölfti wuche warte und au de zwoiti untersuech abwarte.

Mayla

@SiMe84 oh jo da verstohni, da hoffi notürli nöd, für niemert. Jo i glaub i würs gwüssne au verzelle wenis verlore heti. Mol luege öbi bis ostere mag warte, ha kurz vorher en termin abgmacht 😊

Trini

min maa esch au ome gsi bim teste☺️ ech ha gwössni im enge chreis, wos gliner erfahred, aber wetts hauptsächlech nochem 1.trimesterontersuech mach. ech hoffe, dass ech no e lösig före gross bluettest ha, well de chli test secher weder onter 1/1000 werd si…

__Yamila__

mir möchtet au de nipt test mache und segets den de verwandschaft. ussert es wird vorher bemerkt🙈 min sohn het no vor de ostere geburi und i bi den i de 9ssw und de nipt test chammer erst ab de 10ssw mache

__Yamila__

@Trini wiso meinsch e lösig für de gross bluettest?

Trini

wen de chli test onter 1/1000 esch, de werd de nipt öber kk zahlt. esch eifach doof, die wartezyt dezwösche ond vellecht chamer bedi metenand mache…muess das de d FA emol froge…

SiMe84

Händ ehr de nipt tescht immer gmacht? Bin mer ebe na unschlüssig, ebi ehn söll mache.

Trini

ech ha dä bim junior nor gmacht, well de chli bluettest onter 1/1000 gsi esch… drom werdi dä secher bim zwöite au mache, werd aber erscht vo de kk zahlt, wenn de chli test onter 1000 esch… es muess schlossändlech för jede sälber stemme…

__Yamila__

mini FA het gmeint sie luege bi mir das er vo afang ah zahlt wird, do min letste bluettest 1:2 gsi isch und nach biopsi 99.9%😢. denke do chönd därzt a kli ifluss neh oder kk selber froge.

__Yamila__

@SiMe84 bim erste hämmers nid gmacht. nackefalte isch guet gsi.
denke mer mus a wüsse was mer mache will falls es trisomie isch.

Mayla

Vo wo und wie alt sinder? Ich bin 32 und vom tg

SiMe84

Ich werde im Mai 38 und chume usem ag

mari91

Ich 30 i und us BE…

Mayla

Ich han hüt mini chli öpe 50m treit und gad buchweh übercho. De körper meldets scho mega früeh dases nöd guet tuet, finds no krass

Trini

ech be 38gi ond vo lozärn☺️

Trini

@Mayla ha s gfühl, dassi min buch au scho gmerkt ha, welli rassig ha welle velo fahre🙈

Trini

macht euchi gfühlsbahn au achterbahn? vo juppi bis chan ech das alles🙈 mache mer scho mega gedanke wägem gschäft, wie ech alles vorhäre cha manage etc…🙈

Mayla

Oh was hesch für es gschäft? Nei ich mach mir nonig so gedanke, fühl mich fröhlich und glaub no kei stimmigsschwankige 😅🤷‍♀️. Ich freu mi und hoff das alles guet wird 🥰