Baby November 2022

SiMe84

@Trini Druck der fescht de dumme.

Trini

esch alles guet gange. s herzli hed gschlage, be eifach 5 täg retour datiert worde… ha i 2 woche weder e kontrolltermin zom luege obs guet wachst…

SiMe84

Gratuliere 🥰🥰 Schön, gsehts au bi der guet us. Jetzt chasch beruhigt id ferie!
Ich han min nächschte Termin erscht am 04. Mai

Mayla

@Trini gratuliere au dir. Wen hesch jetz et?

Clöidi

Hallo zämä, ich chumä gern au i euri Gruppe! I bi 36i und ha en 2 Jöhrigä Sohn! I ha leider voreme Johr e Fehlgeburt gha i dä 7. Wuche😢! Aber jetzt heds wiedr klappet und ich bi wiedr schwanger! Ha hüt gad Untersuach gha! Gseht alles guet us und i ha s Herzli gse schloh❤️! I bi ez 8 + 4! ET isch 6. November

Mayla

Hoi @Clöidi super gratuliere 🥰 interessant e gruppe wo scho alli kind hend ☺️

Trini

@Mayla ha jetzt glaub de 22.11.2022☺️

Trini

@Clöidi willkomme i de groppe ond gratoliere zor ss🥰

Clöidi

Danke eu vielmol😊

mari91

Gratuliere 🥰

Trini

wie gohts euch?

Mayla

@Trini hoi. Es goht mir guet, e bizeli unwohl is mir hüt nomittag glaub gsi wili hunger gha han und momentan en komische buch wils glaub am dehne isch 🙈, fühl mi doch langsam schwanger.. jo no 1 wuche abwarte und den hani au min untersuech 😊. Wie gohts dir?

SiMe84

Hallo zäme. Es gaht mer ganz guet. Han ergendwie grad s‘gfühl, das min buuch explodiert und ichs nüm lang chan gheim halte.
Bi de Kontrolle hät mer Fraueärztin gseit, das mer de nipt tescht vor em erscht Trimester tescht chan mache. Mer sind eus am überlegge, eb mer de sölled mache und halt de tescht selber zahled. Wie mached ehr das? Mached ehr zerscht de erscht Trimester und wen det es risiko usechunnt de nipt?

Mayla

@SiMe84 mir hen bim erste de 1. Trimester untersuech gmacht und meh nöd. Ich glaub mir machets wieder so, falls döte wür öpis usecho, chömers nomel überlegge..

Trini

@Mayla schön z ghöre, dass der guet god! mer gods zom glöck au besser, ha bi de magedarmgrepp lang s gfühl gha, dassi weder die blöd übelkeit ha, aber es hed sech mega bessered. ech be am morge eifach gschacksempfendlech ond cha au mol chötzle, aber das esch ned so schlemm. mer send grad z spanie i de ferie ond hends do i de familie gseid, well mer erscht im november weder cho währed ond das werd jetzt au verschobe… dänke chömed de immene johr weder.☺️

esches der nomol onwohl worde? regelmässig öbis ässe helft secher betzeli….

Trini

@SiMe84 das gheim bhalte esch jo eigentli scho doof… ech ha mer mega es gwösse wg gschäft gmacht ond drom hanis mim chef gseid gha. er cha so sache guet för sech bhalte ond hed sech au sehr för eus gfreut.☺️

ech ha de chli bluettest gmacht ond well dä onter 1000 gheit esch, hani de nipt chöne mache ond kk hed zahlt. jetzt beni au chli am öberlegge obi grad de nipt sell mache oder wie bim letschte mol. esch eifach es doofs warte dezwösche…

__Yamila__

@SiMe84 falls ihr en abbruch mache würet bimne trisomie fall den würi di 600.- uf euri kappe neh und i de 10ssw mache. sust ide 12ssw all die test no mache brucht ziit und es got gfühlt ewig.
falls ihrs kind nehmet wies isch würi nu die ide 12ssw mache.

SiMe84

Danke für euchi hilf.

Mayla

Hoi zeme. Wie gohts eu? Ich ha sit paar täg nüm gross appetit.. ha vorher amel chöne gefühlt s dopplet esse, jetz hani schnell kei lust meh und fühl mi volle vome halbe teller 🙄. Kenni nödso vo mir, aber übel isch mir nöd..

SiMe84

Hallo Zäme.
Mer gahts soso lala. Kämpfe mit de Übelkeit. Han zwar na nie müesse erbreche, aber es isch grad mega müehsam. Bim schaffe hani ergendwie müeh zum mich konzentriere.
Am abig hani amig s‘gfühl, das min buuch explodiert, es wunder, das mi na niemert gfraget hät, ebi schwanger bin.
Wie gahts euch so?

mari91

Aso i merke was mi buch scho afe chli gwachse het emu am abe!! Aber schlächt isch mir gäng no nid u o süsch gats mir eigentli guet👍

Trini

sali zäme
ha am morge vorallem es onwohl si ond mängisch god das wäg weni z morge gässe ha. ech darf ned z lang nüchtern si… ech gspörre d ss scho rächt. ech schlofe zwar ned schlächt, aber weni mech de dreie am morge, chas sie das mer schlächt werd🙈

mer hend höt de götti gfrogt🥰🥰🥰 er freut sech riesig🥰 well mer ehn nöme gsänd bis noch de gebort….

Celeste

❤️ hallo zäme ❤️ gselle mich au zu oi ❤️

ich bin 36 [sie/ihr] und chume us züri. mit ET isch vorussichtlich am 26.11 (wink zu @Mayla 😉 bisch nüme di letscht!) und han am 11.04 de ersti FÄ-termin, am geburtstag vo mim partner 😌

mis erste chind isch vo 2009, 2012 han ich e eileiterschwangerschaft gha. jetzt wettis nomal wüsse! usser brüscht und muetterbänder hani eilech kei beschwerde... das blibt hoffentlich so 🤞🏻

Mayla

@Trini oh so schön. Demfall öper vo spanie? Isches warm döte?
@Celeste yeh gratuliere 🥰 i dörf gad au am 11. Goh, wilmer am 13. Sus no en termin hen hanis chöne verschiebe 😊

Celeste

yay @Mayla! musch denn brichte 😍 bin gspannt ob mer nomal umdatiert werded. ehrlichgseit machts mi scho au chli anders, dass ich fasch kei beschwerde han? i de erste SWS isch mer mega schlecht gsi. also wart: ich bin natürlich dankbar 😅 aber würklich entspanne chani mi glaub erscht, wenni bi de FÄ gsi bin. spille au mitem gedanke, alli tests durez'mache.

__Yamila__

willkomme @Celeste und gratuliere zur Ss.

ich han immerno en mulmige mage und mag nid esse. es wird mir schlecht wennis esse gseh. aber meist ohni erbreche. han scho 3kg abgnoh🙈

Celeste

ich han vor! de schwangerschaft fasch 6 kilo zuegnoh gha und versuech die jetzt no losz'werde. 4 sind scho dunne 💪🏻 i de letschte SWS hani über 30 kilo zuegnoh gha... das wett ich dasmal nüme, au demit ich für d'geburt gschmeidiger bin. mached ihr sport?

Mayla

@Celeste hihi nei.. ich schlof meh, ha nöd so viel appetit.. i gang nu mitem hund go laufe 😅. Ha i de letschte Ss 15kg zuegnoh, isch no okay gsi.

Trini

@Celeste gratoliere ond herzlech wellkomme i de groppe🥰

Trini

@Mayla genau esch öber vo spanie. bi jedem chind öber us spanie ond öber us de schwiz🥰höt hemer mega schöns strandwätter gha. de junior hät am liebschte welle dede bliebe😅 Mo ond Di hemer mega räge & wind gha, esch a*chalt gsi🥶

Trini

@SiMe84 hesch höt din ontersuech gha? alles guet gange?

SiMe84

@Trini Ich han min nächste Termin erscht am 04. Mai.

Trini

uf, be jetzt scho froh, wenn d ss de döre esch. wem gohts au so?

Mayla

@Trini was wieso? Die fangt jo erst ah 😅. I wett zerst mol min erste termin ha 🥰

Trini

@Mayla mer esches zor zyt de ganz tag komisch ond muess au es paar mol erbräche… dezue bröscht wo weh dönd ond ech fühle mech eifach schitter… wörd am liebschte eifach is bett lege ond nüd mache… cha ned emol im sohn sini windle wächsle ohni das mech löpft🙈am Do hani weder ontersuech, hoffe das alles guet esch metem zwärgli.
höt hani no s gotti gfrogt😍 well sie för 8 woche weg god… sie freut sech mega ond heds öberhaupt ned erwartet☺️

Mayla

Ohje jo soviel uf eimol isch anöd schön, do chan i nöd so mitrede. Den isch bi dir letschmol im 2. Trimester besser gange? Bi mir isch gege endi unagnehm gsi mit wasseri de bei und ha en riiese buch gha..

Trini

@Mayla s zwöite esch besser gange ond im dritte hani mega wasser gha, ha s karpaltunnelsyndrom i bedne händ becho. e grosse buch hani ned emol gha, aber d zwergli lueged scho för ehre platz☺️

Mayla

Ohje wa chasch degege mache bi de händ? I ha en kampf gha mit dene strumpfis und de buch im weg.. bin ebe chlii do hets sus nöd viel platz 🙈

Mayla

Hoi zeme. S herzli schloht, min termin isch 25.11.22 🥰

Trini

@Mayla oh so schön🥰🥰🥰 mer send jo jetzt öbe glich wit. met de vordatierig beni bim 22.11.22😅

wäg de händ, ha leider ned vell chöne mache. ech ha met chüehle, chalt abdusch öbis chöne bewerke, ha zwöi handschene becho, wo d händ ruhig gstellt hend, ha die de hauptsächlech zom schlofe agleid, welli döre tag ned demet ha chöne schaffe…

Trini

@SiMe84 wie gohts der?

SiMe84

Ich bin eifach froh, wen morn abig isch und ich e wuche Ferie han.
Leider hani immerna mit übelkeit z‘kämpfe und han s‘gfühl, dasi immer chönnt schlafe. Ide nacht verwachi aber mindestens einisch, weli ufs wc muen und nacher chani nüm würklich ischlafe. Isch grad chli müehsam.

Trini

@SiMe84 du armi! hoffentlech werds bald besser!

Trini

be höt nomol i de kontrolle gsi, wells jo s letscht mol nonig so gross gsi esch. jetzt esches aber schön gwachse ond s härzli schlod au schön🥰 am 17.5 hani die grossi kontrolle…😅

Mayla

Ah super 👍 i ha am 16. Die gross kontrolle 😊

SiMe84

Ich wünsche euch allne schöni und erholsami ostere. 🐰🐣

mari91

Danke o schöni Ostere😀🐰

Trini

Wie gohts euch? so ruhig☺️

__Yamila__

mir gots guet. nu no wennig en flaue mage. morn hani mini erste undersuechig mit nipt test. bin kli ufgregt🙈😬

mari91

Hallo mir gats o guet eifach scho ä mega Buch chame fasch nüm verstecke🙈I ha morn o grosse Ultraschall Nackefaltemässig mega nervös schowider!🙈