Abstillen bei Flaschenverweigerung

minggi

Hallo zäme. Ich würd langsam gärn abstille. Ich merk eifach dases für mich nid immer meh so stimmt. De chli, 10mt, verweigeret sit 6mt de schoppe. Brei isst er nid, nur blw, aber da nid wirklich viel. Ich würs gärn schritt für schritt uf die sanfti art, befürchte aber dases so bi ihm nid gaht. Het mier epper tipps? Erfahrige?

laura99

Also ich bi iz grad mi Sohn (13 Mönet) am abstille. I maches eso er het am Anfang eifach no am abe und am morge brust becho und ir nacht nüt meh. Und am tag eifach we er sie selber wot, aber abote vo mir us hanis ihm nid. Jez gibi ihm brust fast garnüme, eif eh schoppe zum ischlafe. Isch jez eh Wuche her sit i agfange ha und es klappt recht guet. Er schlaft lenger am stück, allerdings isches müehsamer ide nacht we er ufwacht. Er het ca. die erste 4 Mönet au dr Shoppe verweigeret, aber het ne de gno weni nid da bi gsi. Würd halt luege das er würk hunger het und das du evt. nimal da bisch. Würd au eher mit abpumpter Muettermilch afah, um ihm dr Schoppe schmackhaft zmache.
Da er ja recht wenig isst würdi aber zerst luege das es würk klappt mitem schoppe und meh esse. Also ab 10 mönet het mine scho langsam vom tisch afah esse und wo dsache den halt au meh gwürzt si gsi het er den au meh und lieber gesse.😊

minggi

Ok, danke dier. Er isst eig ab tisch, aber eifach zwenig. Schoppe hani bis ez kei chance. Ich merk eifach dasi nüm mag stille, aber wie kei anderi wahl han. Das belastet mi scho biz😔 han das eig uf die sanfti art welle, gseht aber nid us as hätti den erfolg....

Kalici

Hallo,
Also ich han leider müese wo min chline 6 Mönet gsi isch us gsundheitliche Gründ (Medis müesse ne) sofort abstille.

Mir händs denn so gmacht, dass min Ma mit ihm zu mine Eltere gange isch füres Wucheend. Er het sich dänn de Schoppe so under de Arm klämmt.

Vorher het min Sohn au de Schoppe verweigeret gha. Nach dem Wucheend ischs gange. Aber ich han den natürli gar nüm gstillt. Weiss nöd ob das au gange wer wenn ich no bitzli gstillt hetti.

Und min Sohn het au mega wenig gesse am Afang. Vorallem kei Gmües. Mir hend denn am Morge Dinkelvollkorngriess mit vertruckter Banane, en löffel naturJoghurt und chli Rapsöl ge. Chame natürli au mixe. Das het er richtig gern gha. Und denn halt langsam am namittag immer probiert und probiert. Herdöpfel het er denn gern gha und jetzt tuemer ihm zude herdöpfel no zuchini, broccoli usw. Spinat het er au gern. Aber ja es isch en rechte Kampf gsi. Halt au luege das er Hunger het, aber nonig so hunger das er brüelt und toibelet 🙈 ah ja und öpfelmues. All hend immer gseit er muess gmues esse. Euise hets eifach nöd wele am afang und mir hend denn halt fruchtsache ge. So het ers wie glernt. Und ebe jetzt isst er au gmues guet.

Viel Glück!

minggi

@laura99 wie hesches gschafft das idr nacht kei brust meh chasch gäh?

laura99

die erste 2 nächt si recht astrengend gsi, bi eifach konsequent gsi aber ner hani sofort eh besserig festgstellt mit jedere Nacht. Ha ihm eh schoppe geh zum ischlafe und ir nacht nume wasser und am morge ca. am 5i nomal eh schoppe. Bi echt froh hanis düre zoge es het sich glohnt🙏🏼