Baby ist alle 1 - 2h wach/braucht Nuggi

landmäädchen

Hallo mitenand

Vilicht hät öpert vo eu en guete Tipp, Idee was mir chöntet anderst mache 😁

Üsi Tochter (8 1/2 Mönet) schloft sit ca. 1 Monet im eigene Zimmer. Im Biistellbett hät sie so 1-2 x ide Nacht de Nuggi brucht & den wider witer gshlofe. Die erst Wuche wo mir sie 'usquartiert' händ, hämer teils 5-6x möse go Nuggi gäh, strichele etc. Ide 2. Wuche hät sie es mega guet gmacht & teils bis uf 1x dure gshlofe. Jetzt sit öpe 2 Wuche verwachet sie teils all Stund, mengmol au all 2 Stund. Sie brüelet den emel uf & weni is Zimmer chume, hanget sie teils am Gitter (ufrecht), den leg ii sie wider ane, gibe de Nuggi & den shloft sie witers..

Mir ish föllig klar, das es Baby ih dem Alter nonig dure gschloft. Abr ii weis ja, das sie es chönt. Frog mii wora es lieht.. vilicht hät vo eu öpert en Tipp odr au die Erfahriig gmacht.

I dem Sinn, wünsch ii eu e gueti Nacht 😉⭐️

Mayla

Hmm het sie echt gad en schub und brucht i dere phase meh zueneigig? Oder het hunger/durst? Oder wett kontrolliere obs mami no ume isch? Üsi het mit 16monet in ihrem bett gschlofe und die erste 3 wuche bini au 3-5x zu ihre, noher sins den 2x gsi, nochher lang 1x und den halt nur no wenn öpis isch. Brucht aber wuche/monate, dass au kei angst hend. Wenn ihr sie wend elai loh würi würkli immer zu ihre wenn sie dich brucht, sie isch jo no so jung.

landmäädchen

@Mayla danke für din kommentar 😘
Lut app isch sie nöd imne Sprung, aber sie chräslet öbe sit 2 Wuche & stoht öpe sitere Wuche uf ade Möbel. Han hät Morge glich no de Müettereberotig ahglüte & sie hät gmeint das di Chlii alles mös verarbeite.
Bin sho jedes mol übere is Zimmer, wen sie ufbrüellet hät 🙃 nur hani denkt, isch hald komisch, wil sie vorher so guet gschlofe hät. Schoppe chunt sie emel au no eine über ide Nacht, wen sie en brucht. Hans hald au mega komisch gfunde, wil sie emel teils chnünlend im Bett gsi isch🤷‍♀️ aber ii finde, es goht emel ringer, wemer weis wiso es eso chönti sii 😊

snowangel

Oh du armi das isch mega müehsam gäl!?
Min sohn het das au kah und ich has au nöd gwüsst was mache, de KinderArzt het mer de Tipp geh am chline bibringe de nuggi selber id hand zneh. Und i sis bettli müend 5 lüchtendi nuggi sie. 2 obe eine a de site und 2 une.. also ums baby rundume 😁 es brucht es zeitli bis es de nuggi findet aber mite zir schaffts ers selber... Hoffe das chan dir weiterhelfe.

Groan

Mier hend das augha mitem Ufschtah im Bett ide Ziit woners glernt het! S‘het uf mich amel so gwürkt, das wär er halbe im Schlafe ufgstande, es het eifach mit ihm gmacht und denn ischer ufgwacht und het müsse brüäle und ned so cheggt was lauft! Shet sich bi eus denn voneleige wieder gleit nach zwei Wuche!

landmäädchen

@snowangel mercii für de Tipp 😘 momentan hämer 2 lüchtendi im Bett. Aber wen ii ihre de einti id Hand gibe, gotz 2 Sekunde & sie loht en widr los 🤣 aber wirds in Zuekunft sicher widr all chli probiere 😊

@Groan ja ii han au s'Gfühl das sie es im schlof macht & den verwachet.. letscht Nacht isch uu guet gsii, vilicht hämer di streng Ziit überstande 🙃🙂