Arbeitsweg 🚙

Tanja87

Hej Ladies,

We lang isch euche Arbeitsweg und wie lang dörft er für euch max. sii?
Nimmt mi mega wunder, da ich es tolls Jobagebot hetti, Arbeitsweg mit Auto isch aber öbbe 35 Minute 🙄

lunapiena

Mine isch 50 Minute. Bi aber mitem ÖV unterwegs. Nach de Trennig hani s'erst beste Jobagebot müesse ane.
Wenni hett chöne wähle wärs maximal 30'. Aber da hesch leider sehr schnell mitem ÖV.

Sti

Momentan 20 Minuta, ab em Mai de 10 Minutä mit em Outo. Max. wär für mi 30 Minutä. Eifach wäg dä Kids holä u bringä.

snowangel

Ich ha früener bis 1 stund 30 ka mitem ÖV.. Temporäri Stelle..
Wenni jetzt wieder wür schaffe nimmi au max.40 min.

•Elefäntli•

Vor em Kind hani en Arbeitswäg vo 35 min ka mitem Auto hetti zwor nie wele aber wel s Team Arbet und alles so guet passt häd hani dä wäg i kauf gnoh 👍🏻 und isch fö mi schlussentlech usgliche gsi 😁

AnDu88

I fahre für is Büro rund 40-60min je nach verchehr und das sit 14 Johr. Vor de Chinder 100% und jetz 1x pro Wuche und 1 tag schaffi im Homeoffice.
Ig nime de weg gärn in chauf, wills mer sehr gfallt und ig gärn is Büro gange.

passonita

Woni vor de Kids no 100% gschaffet ha beni metem ÖV 75 Min. pro Wäg ungerwägs gsi. Seti 60% schaffe gohni metem Auto und ha 40 Minute. Eg gniesse die Zyt im Auto 🤩 Glücklecherwiis stohni praktisch nie im Stau und cha grössteteils Autobahn fahre🙂

walischi

Mine isch im winter mitem outo ca 10 min. Im summer 5 mitem velo.

Miette

50 min mit ÖV vo tür zu tür pro Weg

Vermiculita

Von Tür zu Tür habe ich 1h. 35min. mit dem Auto finde ich total easy. Es können nicht alle in der Nachbarschaft arbeiten 🤷‍♀️ bei einem tollen Jobangebot würde ich bei 35min. Weg keinen Gedanken an den Arbeitsweg verschwenden. Klar ist ein kurzer Arbeitsweg viel wert und erhöht die Lebensqualität aber eben, wir sprechen von 35min., nicht 1h35min. 🙃

Tanja87

@Vermiculita da gib ich dier vollkomme rächt😊

An alli, merci für euchi Antworte💞

Vermiculita

Dann hoffentlich viel Spass im neuen Job! 😉