Wie lange im Stehen arbeiten?

jessi91

Hallo zemme

Han e frag ich befinde mich ide 15ssw.
Schaffe im Verkauf und mir sind de ganzi tag am umelaufe au ade Kasse bestaht kei möglichkeit mal churz anezhocke. 8-10 h am Tag umelaufe isch echt streng und ich merks eifach langsam. Cha mer da nöd redzuiere wenigstens so uf 70-% ? schaffe 100% Het öpper vo eu erfahrig macht das en Frauearzt? Ahja vom schwer lupfe müemer ja nöd diskutiere wies im Lebensmittel ablauft

Mimi89

Hallo @jessi91😊; ich würd das mit dim FA bespreche,wenns dir zviel isch. Ich ha abem 6.monet no 80% gschafft(Service) ha mi aber sehr guet gfühlt drbi. Ich ha mehr schmerze kha,wenn mol 1 tag nur ume gläge bi😉

LaHappy

Hallo zusammen. Ich hatte das Dilemma letztes Jahr. Habe bis 2 Wochen vor Geburt im Service (Restaurant) gearbeitet. Mir ging es soweit gut und hatte eine traumhafte Schwangerschaft. Allerdings hab ich das Gewicht des kleinen deutlich gespürt ab dem 7. Monat und wollte reduzieren. Mein FA hat aber immer wieder gesagt, dass solange keine gesundheitliche Probleme bestehen er mich nicht krank schreibt und auch nicht mein Pensum reduziert. Dass Ende vom Lied war, dass ich von mir aus auf 80% reduziert habe.

Miette

Es gibt bestimmte „Richtlinien“ für Schwangere. Frag mal beim vorgesetzten nach. Das wären die rechte kurz zusammengefasst.
https://www.unia.ch/fileadmin/user_upload/Arbeitswelt-A-Z/Familie-Beruf/2020-Broschuere_Mutterschaft_dt.pdf

makkkic

Hoi @jessi91, i würds umbedingt mitm FA bespräche! Ha bis vor dr Geburt au im Verkauf gschaffet (Läbensmittu) und s lüpfe, träge, uf und ab isch sehr sträng. Ha abm 3. Monet es 50% Zügnis ka wöus für mi nüm gange isch.
Faus du schwär muesch lüpfe cha dr FA au das "verbiete" mitm Arztzügnis. Ha bir "Schwangerschaftsmäudig" im Betrieb es Formular übercho (Arbeitsschutzgsetzt) und meh us 5 Kg darfsch während dr Arbeit nid lüpfe. Faus no e Frog hesch zu dem chasch mir gärn schribe! 😀🙈

Zireael

@jessi91 Im Verkauf därfsch du abem 4Monat all 2h für 10 minute extra Pause mache. Das isch vom Gesetz us eso. Ich han mich aber au müesse i de 17ssw 50% Krankschriebe la wills eifach im Verkauf amigs nöd machbar gsi isch. Überstunde därfsch au nöd mache. Und aben 6Monat dörfsch nur na 4h Stah 4stund Sitze!
De Arbetgeber isch verpflichtet dir e Sitzendi tätikeit zOrganisiere. Wür umbedingt mal sReglement vom Mutterschutz durelesse z.B bi de SECO das Isch vom Bund us und det staht alles drin.