Dezember Babys 2022 🎄❄️

Groan

Ohjee hüt isch ja en Tag gsi! Han ide Nacht all Stund erbroche und Durchfall gha, chum gschlafe! Am Morge sind denn mini Eltere cho und bin zum Arzt. Er het au nanig vill gseh und mier Medis gege s‘Erbreche geh. Mal luege wies isch, mier isch de ganz Tag schlecht gsi und han namal erbroche! Hoffe isch chranketshalber und ned Schwangerschaftssymptom😳

Lili27

@Groan ooo jeee das tönt ned so guet hoffe chunt alles guet momentan bini au ned so zwäg imfal muss mi au irgendwie dure kämpfe

LillyFee

@Groan oije nei wirkli?
Isch der jetzt aber scho chli besser?☺️

minggi

Oje, hoffe fest es gaht dier jetzt scho wieder chli besser??

nic10

@Groan O o gar nid guet! Wünsche Dir ganz gueti Besserig!! Mir isch hüt o dr ganz Tag schlächt🙈

Groan

Ich han etz 3h gschlafe wo min Ma heicho isch und han s‘Gfühl wird besser! Hoffes schwer! Danke eu😘
Aber es isch uh schön z‘ghöre gsi, dasi definitiv schwanger bin (muen ja na nüt heisse), aber nach „nur“ me Test isches scho namal chli en feschtere Nachwis!

Morn chunt de Body, wommer eusem Chline kauft hend, dete schtaht druf „ich schmeisse alles hin und werd Bruder“ 😂 hend denkt mer leged ihm de a, wenn mer mit de Family brunched und mal luege wer‘s als erscht cheggt! Mini Eltere wüsseds ja jetzt!

Groan

@nic10 ja das isch glaub würkli eini vo de unangnehmschte Nebewürkige wos het, find ich🙈

minggi

Ah super gahts chli besser🙏 jöö härzig mit dem Body, so eine oder was ähnlichs wetti den au bstelle.

We wiit sind ier? Ich has usser mim maa nu niemerem verzellt, finds nu biz unreal🙈

LillyFee

@minggi has au no niemertem verzellt☺️ fühl mi nu nit so schwanger 🙈☺️ aber denke nach der erst grössere Untersuechig wärdis denn glaubs miner familie scho verzelle und de andere nach ssw 12🤷🏼‍♀️☺️

Groan

Nach gester hemmer eus entschiede, dass mers eusne beidne Familie a Ostere verzelled. Merke für mich isch die zweit SS namal chli andersch als die erscht. Bruche schneller Unterstützig vo usse wil de Chli na da isch. Aber ebe mer würeds au verzelle, wenn öppis wür schief ga zums ufarbeite. Jetzt freui mi zums verzelle😊Aber e chlini Unsicherheit isch glich na da🙈

nic10

Miner Eutere und mini Schwöschter wüsses u bi dä angere warte mir no ab😊

minggi

Mii maa will dases niemer weiss bis zur 12 wuche, aber ich glaub das chani den öppe nid🤣🙈

Groan

@minggi Mengisch chammers besser für sich bhalte als mers denkt und mengisch rutschts denn eifach use🙈 vlt schaffeders ja😃 und susch machschen Deal wieviel 100 Lüt du‘s vorher döfsch verzelle🤣🤣

LillyFee

Ich han hüt numal Nachkontrolle gha weg de Blüetige.
Han Ufem US z härzli gseh schlah🥰🥰🥰 Mir sind grad die Träne cho 🤩.
Aber ets muessi wieder 3 Wuche warte 🙇🏼‍♀️ hätt stundenlang chenne zue luege🙈☺️Wie gahts euch so?

Lili27

@LillyFee oo so schön ich wot auu, ich muess no 2 wuche warte bis ich endlich de termin han, allso mir gatz gott sei dank viel besser chunt mir so vor als häti nüt meh im buch ao komisch, und wie gatz dir

LillyFee

@Lili27 Fühl di gad aber gaht den schnell um. Hätt eigentli au erst in 2 Wuche Termin gah, wenni kei Bluetige hätti kah☺️

Doch gahtmer rächt guet abgseh dasi nit wirkli hunger han aber susch guet ☺️und dier besser?

Lili27

@LillyFee jah mir gatz viel besser

nic10

@LillyFee Das fröit mi mega isch aus guet🙏🏻🙏🏻 I muess no 6 Wuche wart bis i mis chline Schätzi ändlech darf gseh😂

nic10

A nei no 5 Wuche😄

LillyFee

@nic10 Ja geiht sicher lang aber au das gaht den schnell verbi ☺️ vor allem chacsh di denn umso meh uf d unersuechig freue🤩

Groan

@LillyFee oooh sooo schööön!! 🥰 wow das glaubi! Schön gahtsem Chline sowit guet!

LillyFee

@Groan ja würkli 🤩 ja bi mier is halt nu di erst SS denn is halt glaubs numal gad spezieller so öpis z gseh 🥰
ets hoffi dases eifach so guet witter gaht☺️han immer no chli angst mi z fest freue, wenns denn z mal doch em FG git 🙈

Groan

So ischs mer bim erste Mal au gange, aber glaub bim zweite wirds au wieder so si🥰 eifach es chlises Ding i dier mit Herzschlag😍

LillyFee

@Groan ja stimmt eigentlich is ja jedes emmal es chlises wunder 🥰

Groan

Ooh Fraue, mich hets igholt, momentan ischs mer die ganz Ziit schlecht! Am Liebschte würi gar nüt esse!

sonkaa

Das wird auch bald wieder besser.

nic10

I ha ids o gad ä paar Täg hinger mir wos mir viel schlächt isch gsi🙈 Aber im Momänt isch gad wider guet u i hoffe äs blibt so😄

LillyFee

oh nei iher arme😔 mier gahts eigentli guet
ha aber wieder so bruni schnierbluetige kah.
han chli angst 🥺

Groan

@sonkaa Naja, hatte es in der 1. SS 5.5 Monate, nichts zugenommen in dieser Zeit🤣 aber wäre schön, wenns dieses Mal bald vorbei ist😃

minggi

@LillyFee glaubi dier das Angst hesch. Aber bruns bluet isch ja eig alts bluet. Drum isch sicher alles guet. Hoffe fest für dich🙏

Groan

@LillyFee Oh nei sorry, han din Kommentar gar ned gseh! Verstahs au! Hesch d‘Fraueärztin gfrögt? Glaub es sind normali Symptom oder? Dim Chline gahts sicher guet!

LillyFee

@minggi Danke ☺️

@Groan Has gester Abend gmerkt und somit nümm dr FA chönne Frage. Ja chan normali Symptom si, aber chan glaubs au es ahzeiche vonere FG sii. Verzwifle gad 🙈 und ins Spital willi nit, wills min Arbeitgäber isch und den morn schos alli wüsset 😔

Esperanza

@LillyFee: ich weiss nid vo wo du bisch, aber es git in Zürich en Notfall-Frauenarzt Praxis die hend 365 Tage im Jahr offe.

Muesch mol google. Wie wärs susch mitmne andere Spital?

LillyFee

@Esperanza bin zur zit im wallis und da gits leider nur 1 spital im dütschsprachige rum 😔 ja warte mal ab bis em zischtig

nic10

Hallo zämä
Wie geits öich??

minggi

Hallo 😁 mier gahts ganz guet. Bin mängisch mega müed und ab u d zue chli schwindel. Mag fast nid gwarte ufe 2. Mai bisi den hoffentlich s herzli gseh schlah. We gahts dier?

Lili27

Hello mir gatz super so weit irgendwie ist es komisch ufeinmal am afang so beschwerde gah und plötzlich nüt, usert durchfall hani so komisch mäsgisch chunts mir vor als wäri nöd SSw

nic10

@minggi I bi o viu müed😄 Mir isch viu gägä Abe schlächt u äs zieht scho rächt im Buuch😄 Dr 2. Mai isch ja scho gli👍🏻@Lili27 I mire erschte SS ha i o lang keni Beschwärde ka bis uf chli spannendi Brüscht😊

Groan

Hey zäme! Ich han hüt de Untersuech gha🥰🥰 es isch 3mm gross und s‘Herzli schlaht! Soonen schöne Moment😍Susch hani chli mit Übelkeit z‘kämpfe.. @Lili27 ja gel, wemmer Symptom het, wünscht mer sichs amel weg, aber wemmer kei hett, hettmer gern zum bestätigt si🙈

Lili27

@Groan oo so schön gönss dir, ich hans bald au gschafft nur na die wuche und die nechst, jah esch wüki so wen mehr beschwärde hät denkt mehr sich so gönd weg wen mehr nüt hät denkt mehr sich soo esch alles guet

LillyFee

schön z ghöre, dasses euch alle einigermasse guet gaht ☺️🤩.

bi mier gahts eso. han ja letst wucha blüetige gha und em Di minem FA ahglütet und er het gmeint sig scho I.O und jetzt habi eifach nur nu rächts es zieh im unerlieb. machemer rächt sorge aber will ja au nit hypere 🤷🏼‍♀️🙈

Lili27

@LillyFee verstoh die ich han die nacht treumt gah dasi au bluetige übercho ha bi so schockiert gsieh am morge, aber gott sei dank nüt gsieh, aber mach mir au selber sorge und bald hanis gschaft am Di hani de endlich de termin

Esperanza

@LillyFee: ich han in miner früeh Schwangerschaft au es paar mol bluetige gha. Hans jedes mol bim Arzt untersueche loh, verstoh dini Angst do total.

Ha 1x inere Wuche 3x bluetige gha und me het denn angst ums kind natürlich aber es isch immer alles super gsi. Es het mir drmit glaub eifach wele mitteile:

Mami du muesch es chli ruhiger agoh loh. Sit denn ich krank gschribe bin, hani nie mehr öpis gha.

Bi mir isch es definitiv vom Stress cho

Groan

@LillyFee denk immer dra, wies Herzli gseh hesch schlah! 🥰 dis Chline isch sich am entwickle, ide Pausene zwüsched de Termin mummer sich uf sin Körper verlah! Oder ebe em Frauearzt alüte, aber das hesch du ja gmacht!

minggi

Verstah das dr sorge machsch @LillyFee. Aber isch sicher alles guet🙏 ich bin jetzt meega müed de ganz tag und finds grad rächt sträng niteme chline chind. Er schlaft natürlich nid nur will ich jetzt gärn würd🙈

Admin

Ich hab dem Titel noch einen Christbaum und eine Schneeflocke spendiert.

Schöne Schwangerschaft!

nic10

@LillyFee I verstah di o da würd i mir o Sorge mache aber isch sicher aues guet👍🏻

LillyFee

Mal luege ☺️Aber he verzellet chli wie gahts euch? henders z ostere eue liebe verzellt? ☺️

Kosmea

Hallo zäme! Ich döf mich au zu euch gselle, mir händ an Ostere positiv döffe teste nach eme halbe Johr üebe ha grad die 6. Wuche gstartet und freumi sehr, mich mit euch usztusche. Im Moment zieht mini Gebärmuetter ziemlich und d Brüst spanned mega bi gspannt, was do no alles uf mich zuechunt!

Chrissy

Hallo an die Dezembergruppe. Ich reihe mich mal ein.
Ich bin 36 und komme aus Zürich. Es wird unser erstes Kind und ET ist am 9.12. Bin jetzt schon so aufgeregt… 🤗