Angscht Kaiserschnitt/normale Geburt

Nalan83

I ha en kaiserschnitt gha bi de erschti geburt das isch im mai 2020 gsi, jetzt hani vor zwei sache angscht. das ich weder en kaiserschnitt chönt ha, den de erschti isch net so toll gsi..megaaa schmerze gha mega lang..! würd gern en normali geburt ha, wiederum hani au angscht bi de normalo geburt das kaiserschnitt narbe chönti risse ect…

wie sind euchi erfahrige so?

snowangel

Ich ha au die ängst und ha sogar oft träum drüber wie ich mich zmitzt während wehe glich entschiede für en Kaiserschnitt obwohl wie bi dir au kei schöne Erlebniss gsi isch.
Ich ha mer aber fest in kopf gsetzt ich verdräng das thema, es bringt nüt.. schlussendlich chunts wies chunt..
Tönt mega blöd, aber das chamer so schlecht plane. (Usert en feschte termin für en Kaiserschnitt)
Ich gah fescht davo us dass ich wieder en Kaiserschnitt wird ha.
Ich wirds versueche normal chöne gebäre aber ich folge dratt vo de ärzt. Hauptsach sbaby chunt gsund uf dwelt 🥰

samira.

Hoii kenne viel wo ohni problem hend chöne nach KS normal gebäre wiederum au söttigi wos den nid hend chöne mache am beste vode ärzt berate lah und im zwifelfall 2meinige ihole wünsche dir aber viel Glück und gueti ssw witerhin

Primeli

I ha uf dr geburtshiuf gschaffet u mir hei ganz viu gha wo nach ks spontan gebore hei u i has nie erläbt das d‘narbe wär grisse😉 red mit dire ärztin u hebamme über dini ängst, di chöi di o guet ad rueh bringe😘We nüt gäge ne spontan geburt spricht, bini überzügt das di körper das schafft😉🙏🏻

SHAYENNE

Ich denke, da wirds einigi Bricht ha mitere Spontangeburt nach KS.
https://die-friedliche-geburt.de/erfahrungen/sheila-v/
Ich cha au de Kurs sehr empfehle. Chasch au zerscht mal kostelos teste.

Ich glaube au das mit em riise isch öpis Alts, will hüt wird de KS-Schnitt amene andere Ort gmacht wos weniger Belastig druf git i de SS und under de Geburt. Aber am beschte redisch mit dim Arzt drüber. Und holsch der allefalls e Zweitmeinig.

Verdränge isch minere Meinig nah de falschi Weg. Schaf dini Ängscht uf. Will s Underbewusst sii beiflusst 80% vo eusem Lebe, Handle und Gscheh.

Uf jedefall alles Gueti für eu 🍀

snowangel

Ich meine i dem Sinn nöd verdränge und weg isches... Es bliebt 100% im Unterbewusst. Aber ich bi au scho ganz viel meinige gohole im Spital Uster selber und bi mineri Gynäkologin.
Beidi ört hend gseit e spontani Geburt isch möglich wenn mer nach 2 Jahr erst de Kaiserschnitt kah het. Swissmom erklärt aber au guet dass es nöd "alt" idch das mitem rise. De bricht isch nämlich 2021 aktualisiert worde.
Es Risiko binere geburt gits aber trotzdem immer.
Nöd nur das Narbe da une ufrisst.
Es git jensti Risiko binere Geburt.
Ich han au scho nach all dene gspröch festgstellt (ich sprich für mich) Dass de risiko trotz rede bliebt und es isch nöd eifach weg. Ich wet niemertem Angst mache aber me sött scho realischti bliebe und nöd sache immer schön rede... 😩.
Es geburt chasch plane, obs wie geplant chunt weisst nur Gott.

Ich wet da niemertem sini meinig verletze bitte nöd falsch verstah. Ich rede us mineri sicht. 😏
Wenni so frage hetti wäri so dankbar wenn mer mir ehrlich seit was sach isch, statt das zsege was für mini ohre schön tönt..
So erwartich nüt und han am schluss au kei entüschig. Sundern han damit gerechnet.

Wie primeli seit wenn nüt dagege spricht, schafft das de Körper 🥰

Zireael

Hallo zämme
Da mir warschiendlich e KS bevorstaht hani welle fröge wie isches für eu gsi? Also nöd sEmotionale Erlebnis mich intressiert eher was hen ihr wärend em KS gspührt? Und wie isches fürnwu gsi die Epidural-, Peridural- oder Spinalanästhesie? Het das weh gmacht? Iwie lang isches gange? Ich han am meiste vor dene 2 sache Angst das gfühl vo halbbetäubt zi😅

Fabi88

@snowangel ich find das au will ich kenne doch e paar wo wens uf da mit dene 2 Jahre sich eifach verlah hetet es Drama passiert wär. Ich denke me sött guet uf sin Körper und au uf d Ärzt lose. Meh cha glaub au d Narbe Messe lah aber e Garantie git der niemert.

snowangel

Am 8:40ca.. morge hani mim partner ahlgütet dass er is spital söll cho wills en notkaiserschnitt machet i deri zit hend sie mir die strümpf ahgleit(de Name chunt mer grad nöd in sinn) 😏 han de katheter becho.. de hani sehr stechend und brennend gfunde (aber es gaht meeega schnell) denn hends mich abebracht zur OP rum und min partner isch denn au no grad dete gsi am 09.04 isch euse Sohn scho da gsi . 🥰 Also es gaht wükli seeehr schnell...Ich ha i dem moment spinalanästhesie nöd schlimm gfunde willich vorher wehe ka han, mir isches schnell warm schwindelig und bitz chribelig gworde vo ca zu de brust bis zu de zehespützi... Während sie de chline usegnoh hend hani gwüsst, dass sie mich da wacklet und bitt kraft bruchet, aber ich han wükli überhaupt nüt gspürt... ( du frögsch zwar nöd wegem emotionale ) aber bi mir het das ebe e sehr grossi rolle gspielt, weiss nöd wies bi de anderi mamis usgseht. Ich han mer alles zu seeehr plant ( wasi ebe kei mami empfheli) und Schlussendlich isches total anderscht usecho.. also han die ganz zit wie es chind ghüllt. 😏😁 Aber wos baby da gsi isch hani imfall alles vergesse.. es isch so es brutals gfühl wenn du sbaby i dini arme häsch oder nur scho sin schrei ghörsch.. 😩❤️❤️

Miette

@Zireael ich schaff ih dem bereich, soll ich dier per PN chli erkläre was ablauft?

Es isch eifach zersch mol wichtig zunnerscheide dass es en primäri Sectio (au hufig wunschkaiserschnitt gnannt), sekundäri sectio und en Notfallsectio git.
En Notfallsectio wird immer in Vollnarkose innert de negste 5 min durchgfiert. Papa isch da eigentli nit derbi. Lebensbedrohlichi situation für chind und/oder mama. En sekundäri sectio erfolgt innert 1-2h, der geburtsvorgang het scho gstartet (geburtsstillstand, herztönabfall vom chline…) En primäri sectio erfolgt vorbereitet. Der termin weiss me meist im vorhinein.

Dini primär sectio erfolgt eigentli iner entspannte antmosphäre & du wirsch vorgängig guet vorbereitet und ufgeklärt. Also muesch der kei sorge mache 😉

Zireael

@Miette @snowangel Danke eu, das het mer seh ghulfe.
Ich han mer eifach nöd chöne vorstelle wie das isch oder wie sich das afühlt🙈 De gedanke das sie de Buch ufschniedet isch irgendwie so befremdlich, klar mer gseht nüt aber jetzt in Gedanke isches so komisch das sie das machet🙈. Aber swichtigste isch für mich gsi das ich da absolut nüt gspühr es rüttle isch voll OK.
Bi mir wärs weg de ztüüfe Platzenta jetzt na en Plante KS drum hani leider na biz Ziit zum drüber nadenke bi erst i de 33ssw🙈

AnDu88

Mis erste Chind (2016) isch e Kaiserschnitt gsi wäge BEL, vorher no eis hin und här, obi nid doch spontan cha entbinde etc. Schlussendlich hets gheisse umene KS chumi nid drumume - sprich e emotionali Achterbahnfahrt 2 wuche vorem Termin. Dä KS isch für mi au schlimm gsi, scheiss Situation allgemein, stundelangs Warte uf mi OP Termin wills mehrmols nach hinde gschobe worde isch, s OP Team gnärvt/gstresst hei sich alli irgendwie azickt und ig ligge dört mit todesangst. Niemer het mini Angst wahrgno. Während de OP problem mitem Kreislauf, übelkeit, schwindel 😩 eifach horror gsi. Au deheime, ha sehr lang brucht bisi mi erholt ha, ha nid lang chönne stoh i de erste wuchene, mi Kreislauf isch sehr instabil gsi und zudem hani no e wuchebett depression becho.

Bi minere Tochter (2020) hani s ok gha füre Spontangeburt alles super, aber nach erfolglosem mehrtägigem iileite (bi ET+12) isches glich zumene KS cho. Dasmau isch s OP Team eifach genial gsi, richtig ufgstellt und hei mi total abgholt, si für mi do gsi. Ig muess säge es isch e sones schöns Erläbnis gsi, hätti mer die Geburt nid schöner chönne vorstelle ♥️ e absolut heilendi Geburt gsi, ha so min erste KS jetz komplett chönne verarbeite dur das. Ig ha mit üsere Tochter im OP direkt chönne s Bonding mache und si küsse/kuschle, ha jedi Sekunde gnosse, ihre Gruch chönne gniesse. De hani mi Maa mit ihre ufegschickt das er au sis Bonding het chönne mache mit sinere Prinzessin ♥️ bi au sehr schnell uf de Bei und fit gsi nachher, im verglich zum erste mol. Ca. 4 Täg hani rächt schmerze gha aber meh au wäg de Nachwehe - danach aber alles super gsi.

Es heisst also nid das de zweiti KS genau so schlimm wird, wie de ersti.
I wünsche dir alles Gueti für dini Geburt und hoffe es chunnt alles so wies für di stimmt 🧿♥️

snowangel

@AnDu88 wow das isch ja megaa schön dass szweite so guet glofe isch und super häsch de erst chöne verarbeite eso! Hoffe ganz fescht dasses diesmal bi mir au so viel besser chunt mite heilig und Emotione.

Miette

@AnDu88 Darf ich frage, wie bi dier bim 2. mal igleitet worde isch nachem KS? Ich han gmeint nacheme KS darf nur nu mit Ballonkatheter igleitet werde. Würd mi eifach interessiere. 😉

AnDu88

@Miette Klar darfsch froge 😄 ig ha all 4-6h (glaubs) e sone Vaginaltablette becho, Prostin. Gsamthaft heisi nach total 6mg und ufgrund minere Vorgschicht entschiede glich e KS z mache. Mini Wehe si z schwach und nid Muettermund wirksam gsi.