Mami mit Kind sucht Mami mit Kind/er

Shana

Hallo zäme

Ich sueche uf dem wäg es Mami oder Papi mit chind/er zum träffe.

Churz zu eus:
Ich heisse Nadja und be 31gi, mini tochter heisst Shanaya und esch 16 mönet. Mehr wohne sit knapp zwoi johr in Oberwinterthur.

Allgemeini info:
-Mehr würde eus sehr über ungefähr glich
altrigi chind freue oder chind wo gern mit
jüngere spiele
-Super wär natürli wener us Oberwinterthur
würde cho, aber au us de region wär keis
problem
-Mehr händ dihei viel platz zum spiele
-Ganz ide nöchi hetis au en spielplatz
-Da ich es auto ha, chömer au gern zu euch cho
oder sösch irgendwo hifahre
-Ich be offe und flexibel
-Für mich esch wichtig, das chind mitenand
chöne spiele und mehr eltere eus zrug halte (so
chönes viel lerne) und mehr chöne über alles
rede womer wänd, natürli mitem blick zude
chind
-Mehr sind au scho a chrabbeltreffe gsie, aber
das entspricht ned ganz mine vorstellige

Selbstverständlich beni offe für witeri froge.

Liebe Gruess
Nadja & Shanaya

Viola

Hallo Nadja, ich heisse Sabrina und bin 34. ha zwar en grössere Sohn (3.5Jahr) und en chlinere (10Mt), aber wohne au in Oberi ☺️ falls mal lust hesch, mir sind im Quartier uh viel dusse mit anderne Chind. Bi eus hets en grosse Sandchaste, Rutschi, klettergrüst und Gireitzli. Liebs Grüessli