Januar-Chnöpfli 2023

JoysLife

Hallo zämme, nachdem ich jetzt e chli still mitgläse han, meld i mi au mol no offiziell in d gruppe

Mir erwarte au e januar 2023 wunder ind es isch unsers erste <br>
Aktuell bi i öppe in d 7e wuche und s härzli hän mir bim fa scho dörfe gseh. Jetzt heisst abwarte und mit dere doch recht unagnähme dauerübelkeit lerne umgo

Andisaga

👋joyslife, gratulation!
Habt ihr (vor allem mit der 2. SS) auch schon jeden Abend ein Bauch wie im 5. Monat? Es ist ja sowieso schon schwierig aufs verplappern zu verzichten und das verräterische Büchli macht es jetzt nicht grad einfacher... janu, nur noch 3 Wochen, dann kanns jeder wissen :-)) beim 2. ist es mir irgendwie sowieso nicht mehr so wichtig, das Geheimnis zu wahren.

zuzu

@Mamelo Ja bin schon ganz aufgeregt und kann es kaum abwarten 🤩

@JoysLife Gratulation! 🎉 mir ist auch recht übel und kann mich morgens kaum bewegen. Übergeben musst ich mich gott sei Dank noch nicht, aber mir ist sehr schwindelig 🥴

zuzu

@Andisaga Es ist meine erste SS und ich habe schon einen Bauch in der 7. Woche. Wobei die Ärztin meinte dass es evtl. Ödeme sind und eben ein Blähbauch 😵‍💫 ich wurde auch schon von Kollegen angesprochen 🥹
Irgendwie habe ich auch schon 4kg zu viel obwohl ich mich ganz normal ernähre 🥴

Habt ihr tipps dazu? Hab Angst dass die Kilos mehr werden 😅

Celine 😄

Hallo zäme
Ech be ide 10 SSW, chond öber vo euch au zwilling öber?

Kringel

Hallo zäme
Bi 9&1 und mir hend hüt dörfe üses Knöpfli luege, hend sHerzli gseh u ghört schlah ❤️❤️❤️
Denn isch üsere Tochter (5j) au s20gi abegheit u si het gschnallt dass si grossi Schwester wird. Si isch völlig usem Hüsli gsi derna. 🥰
So herzig gsi. Aber i befürchte si wird das Gheimnis nid lang chönne wahre 🙈

Mamelo

jö so härzig gratuliere!
jo mer hends eusem chline nonig gseit aber denke au ned das ers begriffe wörd, i begriffes jo ned emol 🙈

Kringel

@Mamelo Si wünscht sich scho lang es gschwüsterti. Jetzt knutscht u striichlet si immer wieder mi buch. 🥰

Kringel

Wie gats üch Fraue?

Ich ha gester bim schaffe (sitzend) es steche ir Vagina gha. Später bini ufs WC u ha hellrosa Schmierbluetig am WC Papier gha. Ha grad voll panik übercho u i Spital aglüte. Mache chöng me nüd, usser abwarte u entspanne.
Bi de frühner hei u chli go ligge. Es het ner de au ufghört u isch brünlich schliimig worde. Aber nur wenig, auso nur ufem Papier.
I lüte morn glaub nomau im Spital ah u frage obi darf go zeige u si chönd luege obs am chliine guet gat.

Bi grad zersch völlig am Bode gsi. Ha im 2020 ir 6.ssw eis vetlore u jetzt mega schiss gha dass ichs wieder verlüre.

Mamelo

also hesch so en rechtige schmerz gha?
i ha oft en rechtige schmerz bem nüse oder hueschte. ansonste send mini "symptom" verschwunde. öb da positiv oder negativ esch wösse mer ines paar woche. i be sehr froh chani beni mega guet abglänkt ond vergesse oft das i schwanger be ond es chend em buch han.

i hoffe fest dim chline gohts guet ond d ärzt chöne der sicherheit geh🙏

Kringel

Auso i ha kei Buchkrämpf gha sonder ide Vagina.
Es isch so doof zum beschriibe. Viilicht als ob es zgrosses OB wo au no spitzig isch dinne hesch. U bim sitze unbequem isch u stüpft u sticht.

Aber vor 2 Jahr bim Abgang hani nüd vorher gmerkt. Bi denn ufem WC gsi u de isch plötzli no Bluet cho. Ohni Vorwarnig.

Kringel

Da mir hüt wieder schlecht gsi isch u i sid gester Abe nüd meh gmerkt ha vo Schmierbluetig, gang ich fest devo us, dass es dHormon gsi sii. Und hoffe ganz fest dasses am Chline Wunder guet gat.

Kringel

@Mamelo i wellere Wo bisch de?
Auso das es hurti zwickt bim hueste/niesse kenni vode 1.ss das isch glaub normal.
U je nach dem wennd scho um di 12.ssw bisch chas guet sii dass d Symptom wie übelkeit u so langsam verschwinde u sich d Hormon langsam iipändlet hey.
Wenn hesch de de nöxt FA Termin?
Glg

Mamelo

@kringel anfangs juli dörfi weder go luege

Satsuma

Hallo Zäme

Herzliche Glöckwonsch no a alli wo au hend dörfe positiv teste ond es Januarchnöpfli bechömed 🥰🥳🍀

Also mer gohts sowiet guet. Übelkeit hed abgno ond müdigkeit esch au chli besser worde, deför hani scho e riese buch 😜🤰 ech be jetzt ide 12 Woche ond ha am Mittwoch de 1. rechtigi ultraschall, be sooo gspannt 😃

@Kringel jo do wäri also au chli verschrocke 😬 weisch scho me?

Kringel

@Satsuma hallo. Oh uf das wenn dÜbelkeit ufhört freui mi scho.
Ich has nid chönne go zeige. Ha per Mail es Rezept für Magnesium übercho u es Zügnis für 3 Täg um mich chli zschone u erhole.

Mamelo

@Satsuma oh s erschte mol da werd beatemmt sehr spannend aber so en wachsende riese buch esch jo es guets zeiche. mer macht d hebamme suechi no bez sorge. so termin afangs johr esch sogseh ned sooooo ideal

Satsuma

@Kringel jo übelkeit hani vo de erste ss her gar ned könnt ond be froh esches hoffentlich öberstande, vorallem jetzt wos au no heiss worde esch 😅
Ah ok, emmerhin. Stemmts denn so för dech oder machsch der sorge?
Wie wiet besch du?

Satsuma

@Mamelo vorallem erkönnt mer denn scho en rechtige mönsch ond das fendi onglaublech beidrockend 🥰
Jo denke au dasses keis schlechts zeiche esch, be eifach bez öberrascht, dasi jetzt scho so schwanger usgseh 😂
Ech ha mi au noni definitiv för eini entschede. Aber ech hät eini zueteilt becho aber mer hend üs noni troffe ond jetzt hani eifach nüt me ghört. Werde mech de nochem US nomol bi ehre melde.
Hesch denn nor Absage öbercho wells en "doofe" zitponkt esch zom gebäre? 🤔

Mamelo

i ha mini us de erschte schhwamgerschaft ahfrogt aj aber gwösst das es wohl schwer so werd wege winterferie. si chont genau am et zrogg. ond för vorher suecht si mer en ersatzlösig esch aber selber au nonig föndig worde... @Satsuma

Mamelo

aber jetzt beni de au zersch mol gspannt ufe 2. ultraschall ond hoffe weder uf es herzli. da esch jetzt zersch mol s wechtigste

Kringel

@Satsuma ja bits unsicher bini scho no. Aber i bi no zimli zuversichtlich dass es am wunder guet gat.
Mir isch eifach ständig schlecht. Ha Itinerol usprobiert, Cariban, u jetzt Paspertin Tropfe, zudem leggi Sea Bänder ah. Aber irgendwie hilft nüd würkli. Hoffe dass es bald ufhört mit Übelkeit.
Wegem steche ir Vagina hani jetzt no Magnesium. (nime 1 Bütel am Tag).

Ich bi hüt genau 9&6 😊

Am 8.7.22 darfi wieder i US u de wird dNackefalte gmesse.

C&C&

Guede Abeg Zäme . Ich ha eui gad entdeckt 🤗
Mi hend ET am 10. Januar . Es isch euses 2ti Wunder. Freu mich mid eui e chli chene usduusche . Hoffe es gahd eui allne gued ( nebst de Ss-Beschwerde 🙈🤢🥺😩🍕🍑🍔🥰❤️Liebi Grüessliii 🌻

Kringel

Hallo @C&amp;C&
So schön. Mir gats eigentli guet usser meega übelkeit u erbreche trotz medis.
Jetzt het mi de FA krankgschribe für 2 Wo.

U wie gats dir?

Mamelo

puh Frauen, mittlerweile in der 13. Woche angekonmen hat sich die Lage wieder geändert. Mir ist wieder übel, ich habe Rückenschmerzen und bin extreeeeeem müde. Weiss teilweise kaum wie ich so den Altag bewältigen soll. Ich drück mir selbst die Daumen, das der nächste Wandel bald eintritt.
Ich hoffe euch und euren Chnöpflis geht es gut.

Kringel

@Mamelo oh jee... Du machsch mur nid grad Hoffnig.
Drückdee dDume dass es bald wieder änderet.
Geg Soodbrenne hilfts übrigens ab u zue es paar Mandelkerne kaue 👍

Satsuma

Hallo Zäme
Morn chomi scho i die 14. woche 😃 ond es goht mer sowiet guet. Eifach weder vermehrt sehr müed, wie au mamelo gschrebe hed. 😴
Letzt woche hani mis 1. Trimester screening gha es esch alles tip top bes det here. Sbaby esch mega aktiv gsi. Es esch sone schöne Moment gsi 🥰🥰🥰
Ech hoffe, dass euchi symptom bald besseret ond mer dann alli chli es angnähmers 2. Trimester dörfet gnüsse. 🍀

Kringel

Und wie gsehts bi üch so us?

Mamelo

so schön! be mer gseht mer no so guet we nix, han au no niemert informiert🙈

C&C&

Huhu 🤗 hoffe es gahd allne gued, oder besser mit müed, Rugge und schlechd siii. Ihr mached das super Fraue 💪🏼!!
Mir hend de Untersuech gha gester , isch alles gued so wiid 🥰 . @Kringel I ha au scho es Büchli 😆

Satsuma

Do wär no mini chogle 🥰

Satsuma

@Mamelo din buch wachst denn scho no. 😉🤰🥰 Üsi Körper send alli so verschede.

Mamelo

@Satsuma
ah i ha garkei problem demet, momentan beni sogar sehr froh dröber de chani s gheimnis nochli wahre.
nöchscht woche gohts zor nackefaltemessig de hoffi das alles sowiit so guet esch ond de löhmer d chatz de au ausem sack. esch aber ned grad mini spezialität...

Satsuma

@Mamelo das esch eso ond de öberraschigseffekt för alli andere omso grösser 😉😍

Mamelo

@Satsuma jo da esch secher so aber i ha so situatione ned so gern, liiit mer mega ufem Mage, weiss ned wieso esch s erschte mol scho so gsi ond jetzt esch au ned besser. Be de froh wens informiert send ond mi de hoffentli en rueh löhnd 🙈

Satsuma

@Mamelo wieso de das? Hesch schlechti Reaktione erläbt?
Ech ha au chli es onguets gfühl gha zoms minere Chefin säge. Sie esch bekannt deför chli onsensibel uf ss news zreagiere, schlossendlech esches halb so schlemm gsi. 😉
Spannend wär jo au eifach nüt zsäge bes somfeld selber druf chond 😅

Mamelo

i ha 2 kollegine wo au schwanger send ond dene wördis gern säge det hani au kei "problem". aber zerscht chont d familie ond de arbetgäber.
nei ha kei schlechti erfahrige gmacht. abgseh vom arbetgeber wörde sech alli sehr fescht freue, da weiss i.
i cha ders au ned so genau säge was es esch. es esch de halt so ennriese freud ome was natürli schön esch aber es esch de s tjema nummer eis ond alli hend froge usw. ond i stoh garned gern em mettelpunkt. da esch so di einzig erklärig woni selber ha🤷‍♀️
jäno do muessi dore😊

Mamelo

oh man... hatte heute das 1. screening, 1.5h geschallt - ohne ergebnis

Satsuma

Mamelo schrieb: »

oh man... hatte heute das 1. screening, 1.5h geschallt - ohne ergebnis

Was meinsch genau met "ohne ergebnis?" 😳

Mamelo

🙈 sorry
es esch alles guet. s screening selber het eifach ned chöne stattfende well da chline mönschli sech eifach ned so het welle hilegge wies gwünscht gsi wär
@Satsuma

Esperanza

@Mamelo : bi us dr Oktober Gruppe und bi uns isch das bim Organscreening passiert. Bi denn nomol gange und denn hets sich wieder nid zeigt bim dritte Termin hets denn klappt. Mengmol maches die chline knöpfli gern spannend.

Darfsch nomol go ?

Mamelo

nei i goh nöme.
i mein es esch jo en freiwellige test ond mer wörde s chend jo so oder so bhalte welle.

Esperanza

Ok. Bi uns isch es ebe bim Organscreening gsi. Chans guet verstoh, wenn me sich so uf dr ultraschall freut und s baby sich denn versteckt

Mamelo

jo bem organscreening löhnds eimmned so eifach defoh cho, esch aber au rechtig so.

jo ergendwie eschea aber au härzig gsi da z beobachte. glaub am afang hets gschlofe. de chkibaktiv worde ond einisch hets so rechtig "usgrüeft" ond "töbet" glaub es hets extra gmacht😉

ha gseit so chli ond scho de eiget wille da chont jo guet.

Esperanza

Das isch sehr härzig & freut mich für dich

Stephanie1987

Mir hend hüt nomitag de gross undersuech gha! Es isch alles guet bi üsem würmli. Bin ide 12 + 3 wuchä. Gohts eu allne au guet?

Mamelo

hallo @Stephanie1987 da freut mi sehr. wiiter so!
mer hend s 1. screening letscht woche gha leider esches ned so toll gsi ond mer münd am donnschtig no zom spezialist🙏

Stephanie1987

Ou nei, das tuet mir leid… was isch denn usächo?

Mamelo

jo d bluetergebnis vo de nackefaltemessig send leider ned so toll gsi. jetzt mümer nomol go luege...
er hend de test demfall ned mache loh? em nochhinein wärs mer au lieber gsi...
@Stephanie1987

Stephanie1987

Also bim ultraschall het sie schomol zu 70% chönä sägä das guet isch. De rest erfahred mir am mittwuch per telefon. Aber ich denke positiv.wünsch eu viel glück und dänk a eu