Nuggi abgwöhne. ❌

snowangel · 17. 05. 2022, 07:28

Wenn und wie hend ihr ahgfange den nuggi abgwöhne ?

ally · 17. 05. 2022, 08:06

Ich lise gern mit , mir sind nämlich au am probiere abgwöhne

Mimi89 · 17. 05. 2022, 08:37

Unsere Bueb wir im oktober 3. Mir hänn ihm gseit,dass er jetz e tolle grosse Bueb wird und viel möcht rede und es wichtig isch dass er ohni nuggi redet,dass mir ihn verstöhn... dass er in dr nacht zum schlofe dr nuggi no dörf ha,aber am tag nüm. Das klappt sehr guet. Er git mir dr nuggi grad ab wenn er ugfstande isch😊

Mimi89 · 17. 05. 2022, 08:47

Das hänn mr vor 2 mönet ahgfange und klappt super

JennyHelin · 17. 05. 2022, 08:52

Also mini isch im Januar 3 wordä ...

Mir händ ihn welle am Oschterhas mitgeh... leider ohni Erfolg.
Ich ha gmerkt sie brucht ihn na ubd de es grad glichziitig mit Trocke werde glofe isch hani ihn de Nuggi ned au na welle neh.

Mir händ zämme eh Nuggichistä bastlet und de isch ufem Nachtisch...

Wennn sie am Morge wach wird wird de Nuggi de dri gleit und sie chunt ihn de im Bett wider über.

Wo sie de Nuggi au na derf ha isch im Auto ... de es isch nüt schlimmer als wenn bim fahre es chind schreit 😆.
De im Auto pfusst sie zu 90% ih .

Ich finde das schnelle weg neh bringt nüt 🤔 also bi eus häts nüt bracht

Es git ja au im ZüriZoo so Nuggibaum, aber au das hät bi eus glaube ich nüt gnüzt.

Jedes Chind isch da anderst.

Ich versuech ufjedefall bim nägste uf de Nuggi zverzichte 😅

sunny82 · 17. 05. 2022, 10:18

Üsi Tochter isch im November 3 gseh. Mer hend ehre scho länger gseit das de oschterhas chund cho de nuggi hole. Das mer es näschtli möchid ond si het de sogar e zeichnig no gmacht vöre oschterhas. Si het a dem zitponkt no sehr vöu gnoggelet. Ide nacht ond am tag deheime hanis eifach ned gschafft das si ned duet.
Si het de voller freud de nuggi is näschtli da. Usgrächnet i dere nacht het si fieber öbercho ond het onbedingt de nuggi wölle. Ech ha de emer gseit ech hane nöme, de oschterhas isch ne cho hole. Ergendwenn isch si de igschlafe. Si het de no es paar mau gfragt aber jetzt isch de nuggi keis thema me. Bi mega froh hanis dörezoge.

JennyHelin · 17. 05. 2022, 10:58

Haha @sunny82 das wär au mi plan gsi 😆😅
Aber leider hanis ned chöned duräzieh ...

Naja hoffe mal bis negst Jahr hani ihn weg 😆

Fabi88 · 17. 05. 2022, 11:52

Min Bueb isch 2 1/2 mir hend scho früeh agfange das de Nuggi nur im Bett bim Auto fahre und mal im Kiwa geh het im Moment isch er chrank und brucht en meh. Da no OPs bi ihm astönd lahn ich ihm de no

snowangel · 17. 05. 2022, 18:38

Min sohn het ebe am Sunntig de nuggi zerkaut und sit dem hanis ihm nüme geh..
Es machts am tag dure super ohne nuggi, am abig frögt er aber ab und zue danach und wird bitz trurig. Ich sege ihn immer nein nuggi isch kaputt mir hend kei nuggi meh.. und ebe am tag dure verstaht ers super usert i de nacht nonig eso..
Fühl mich chli zu härt 🙈 er wird erst 2 aber sit 2 täg simmer nuggifrei

sunny82 · 17. 05. 2022, 18:47

De wördi imfau keine me gäh. Mini Kollegin het mer gseit gha, blieb hert di erschte Nächt send am schwerigschte. Wener jetzt scho 2 täg nuggifrei isch chond das secher guet.

snowangel · 17. 05. 2022, 19:23

Guet.. demfall heissts für mich wuuuuusssa bis er sich nüme dra errinert 🙈

Fabi88 · 17. 05. 2022, 22:23

Wow isch doch scho super 2 Täg ohni

snowangel · 18. 05. 2022, 11:24

Hets scho mal de fall geh wo denn die chline wieder de nuggi hend welle nachdem sie gar kei nuggi meh gnog hend, will sie vlt gschwösterti mitem nuggi gseh hend?
Ich bechume im Juli min zweite sunneshi, aber han immer wieder sgfühl de min erste wird denn wieder en nuggi welle .. isches denn nöd unfair? 😓

minggi · 18. 05. 2022, 11:33

Bi mim göttibueb isches so gsi. Er het eig gar nie en nuggi gha. Wo den de chlii brüeder eine becho het, het ar au welle. Es nuggelet jetzt bedi🤷‍♀️ de gross het also erst mit 2i ahgfange nuggele...

Füxli · 18. 05. 2022, 14:27

@snowangel chsn sicher passiere. bi üs isch so das dikli kain nuggi nint und de gross immer no ein het. abr waisch isch jo nöd nu de Nuggi chönt schoppe sie Windle, Wage ect. i han 4 neui nuggis kauft für di kli und si luegts nöd ah. 🤣

November22 · 18. 05. 2022, 20:49

Gar nid - irgendwenn heisinä säuber nüm wöuä u hei dörfe entscheide wenn sinä nüm bruche & was mitim passiert. Tochter hetne am Samichlous wöue mitgäh u dr Sohn hetsä im Europapark a Nuggiboum ghänkt ❤️🙏🏼.
Die besti Entscheidig xsi so ohni Druck 😊.

November22 · 18. 05. 2022, 20:50

Gar nid - irgendwenn heisinä säuber nüm wöuä u hei dörfe entscheide wenn sinä nüm bruche & was mitim passiert. Tochter hetne am Samichlous wöue mitgäh u dr Sohn hetsä im Europapark a Nuggiboum ghänkt ❤️🙏🏼.
Die besti Entscheidig xsi so ohni Druck 😊.

JennyHelin · 18. 05. 2022, 21:09