Ofengemüse

AnDu88

Ig weiss nid wasi falsch mache, aber jedes Mol weni Ofegmües mache, duurets eeewigs bis das züg düre isch. Ide Rezept stoht meistens um die 35 min usw aber ig ha das praktisch immer 1h dinne wenn nid meh😳

Hüt hani dänkt i choches vor e bitz, jetz wieder, das züüg isch jetz knapp e stund dinne und immernoni ganz düre 🤷🏼‍♀️ erlüchtet mi bitte😂🙏🏼 wie machet dirs?
Ha brokkoli, bluemeköhli, härdöpfel, fenchel und Peperoni chli gschnitte, bitz vorblanchiert und denne mit bitz öl und salz ine uflaufform do, bi 200 grad Ober-Underhitz. 20min dinne gha, denne zuedeckt und jetz wieder dri do 30 min si jetz sither vergange und immernoni düre. 🫣

Mamelo

hmm vellecht wörds ringer goh wends ned so gschichtet wer sondern flach ufemene blech legge wörd. i weiss ned öbs a dem liit, i maches uf all fäll ame so

Miette

Oh das gseht lecker us 🥰.
Ich maches immer ufem backbläch. Da luegi au immer, dass nix „überenand“ ligt. Weisch wieni meine? Meistens geits denn so 30-40 min. Wenns schneller muess ga, chochi nur die kartoffel vorer chli. Denn gahts 20 min (mim gmüess). Bruche immer rapsöl & würze au erst churz vorem serviere, dasses schön knackig wird.

Vili isch din backofe au kaputt? Hei mier grat letschthin gha, dasser ufgheizt het & denn gar nüm nahgheizt, dass die temperatur konstant blibt.

Lauraannah

ich mach sehr oft herdöpfel im bachofe, schnide ufm blech verteile und chli öl (ich tuen nachli frischezitronesaft oder rosmarin) drüber und denn 20-30 min denn sinds usse knackig und inne dure
Brokkoli und Bluemechohl eignet sich eig nöd für in bachhofe. Das söttsch im stramer mache oder ide pfanne.
Für im ofe isch eher peperoni oder zucchini oder tomate etc geignet.

Lauraannah

*steamer

AnDu88

Ja i dänke au, dass ds Problem s ufenander schichte isch 👍🏼 s nöchschte mol machis de flach ufem Blech. Ha das gar nid bedänkt 🙈 super merci euch 🥰

Aso i liebes broccoli und bluemekohl usem Backofe eso oder au als Gratin 😋

Fein isches worde, halt eifach chli lang gange bismer hei chönne ässe 🙈😂

Schöne Abe zäme ☺️

snowangel

Hey ich maches genau so wie Mietter ufm Backblech wennis knusprig wet.
Wennis aber chli weicher wegem Sohn wet machis so wie du, ich tues eifach chliner schnide und en gutsch boullion wasser dri und nach gschmack würze eso gahts schneller 😁🤸 hmmmmm und danke jetzt weissi wasses zum znacht git 🤤grad apetit ufgmacht haha

Bell

Ich würde es dünner schneiden, dann geht es schneller z.B. dünne Kartoffel- und Rüeblischeiben