Baby Pancakes-Rezept

Dana

Hallo zämä!

Ich würd gern minere Chlynä (9. Mönet) Pancakes zum z'Morgä abütä. Han im Internet scho paar Rezept probiert, aber irgendwie überzüügt mich (und sie) keis.

Wenni Beeri so chly zermantsche und driirüähre hets sie lieber gha. Aber konsitenz vo dene woni mit Haferflockä usprobiert han isch eifach nöd so toll.

Händ ihr gueti Rezept woni cha usprobiere?
Ohni Banane.. die isst sie mer nämli egal i welle Form gar nöd.

Danke etz scho für eui Antwortä!

Liebs Grüässli und schöns Pfingst-Weekend!

AnDu88

I würd ganz normali mache 🤔 so ha igs bi mine chinder gmacht gha.
-mehl
-1 Ei (s ei trenne und am schluss de Eischnee drunder zieh, so wirds schön fluffig)
-milch
-bitz backpulver
-e priise salz (chame aber guet au wegloh)

Und eifach nachem koche verschiedeni toppings abiete.
Mini hei gärn öpfelmues druffe. Erdnussbutter oder Nussmuss chasch au druf due 👍🏼 oder süsch es beeri kompott dezue mache. 😋

snowangel

Ich machs ohni ei, mit 1 banane, Milch, mehl und Backpulver. Gaht au wie en chline chueche uf und er isch süess und bruchsch eso kei zucker 😁 mit Haferflocke het ers au nöd gern... Ich has ab und zue mit dinkelmehl gmacht, au sehr guet

Dana

und was für milch händ ihr gna? de KiA empfiehlt ja im 1. Lebensjahr kei Vollmilch. Sölli da eifach e Hafer oder Mandelmilch neh?

Danke Vielmal für eui Rezept😊

AnDu88

@Dana Do hani nid so genau druf gluegt ehrlich gseit. Ig ha normali Milch gno mit wasser verdünnt. Es isch jo nid vill wo dri chunnt. Es goht jo ums Eiwiss wo enthalte isch, dases nid empfohle wird. Aber wenns dir wohler isch chasch sicher au Pflanzemilch neh 👍🏼

snowangel

Has au so wie AnDu88 gmacht 😁

Groan

Wennd Milch verarbeitet isch, hani gmeint sigs keis Problem, eifach ned pur zum trinke. (Pancakes machsch ja warm. Mier hend au Brei gmacht mit normaler Milch, halt kochet.)

Dana

danke eu vielmal😊 mega toll!