Stillen in der Nacht

mona92

Liebe Mamis
ich bruchää drigend ufmunterig. mini chlii isch 9mt alt und chund momentan all 90min i de nacht zum stillä. Ich bi müed! Sie het no nie länger als 4h am stuck pfuussed.
Wie sind euri erfahrige? wenn wirds besser?

Mamelo

liebi mona92

esst dini chli denn schösch no öppis oder werd si voll gstillt?
grundsätzlich benn i de meinig dass jedes mami so lang stille sell wes wett oder ebe ned da goht niemert öppis ah. offesichtlich schiint d stillsituation för de aber nöme z stemme ond i fende da esch en grund öppis z ändere. met 9 mönet esch mer theoretisch jo gli mol i dem alter wo mer z nacht eigentli nüt meh brucht. i denke dis meitli gnüssts eifach wahnsennig al pott dini nöchi z gspüre ond suge esch jo sowiso schön. i chamer schlecht vorstelle das si all 90 minute hunger het.

du chöntsch si i dem sinn jo eifach "ushalte" ond säge du stillsch nor no jedes 2. mol

we gschrebe da esch nor mini meinig ond offesichtlich stemmts so jo ned för de.

alles liebi

snowangel

Denke au dass dini chli es mega gnüsst dini nöchi zspüre..
Vlt macht sie aber au en Schub dure und brucht das?
Min chline het oft so momente wo er plötzlich so viel trunke het bis zum Milchcoma

mona92

De Sprung hemmer grad dure, zäh chömmed glaub au grad kei. Sie cha sit neuem robbä, denke es chönd en zemehang ha,
frög mi eifach wens besser wird

snowangel

Ich han das no gfunde

Eine Studie von Jelliffe und Jelliffe ergab, dass Babys im Alter von 10 Monaten mindestens 25 % ihrer Muttermilchaufnahme nachts zu sich nehmen. Das spricht eindeutig dafür, dass Babys auch nach den ersten sechs Monaten nachts noch hungrig sind.



Was mir de Arzt damals empfhole het, isch am Sohn tags dure me zum esse abüte, so dass er nahts weniger hunger het.
Trinkt sie nur us de brust oder au usm Shoppe?

mona92

Sie wird 100% gstillt. ich still sie scho sehr oft am Tag, finds sooo schwierig

snowangel

Und Brei nimmt sie scho zu sich?
Ich verstah dich guet, es cha wükli müehsam werde 😔

snowangel

Ich chan der no sege dschlaf vo de chline veränderet sich sooo viiel... Mine mit 24 mönet jetzz schlaft immernonig dure. Es git nächt da chunt er bis zu 5 mal zum wasser trinke... Oder bliebt bis zu zwei stunde wach.. denn gits wieder nächt da schlaft er besser als min partner 😂


Ab 1 Jahr chamer ja guet afange abgwöhne milch trinke.. aber kennes nur mitem schoppe und leider nöd mitem Stille.. 🤔

minggi

Hallo Mona, ich chan dier soo nahfühle. E lösig wie richtig hani dier nid, tue dr aber gern verzelle was bi üs gnützt het. Ich han mi sohn 11mt gstillt. Brei het er immer verweigeret, fum tisch nur wenig gässe. Ide nacht bi mier im bett sehr hüfig gstillt. Ich han mier gseit meh als es jahr willi nid stille. Han dänkt er schlaft den scho besser irgendwenn und isst den scho meh. Nix isch passiert. Den hani plötzlich kei energie meh gha, kei lust meh ufs stille. Han termin gmacht bide stillberatig zum mi berate wie abstille. Han de ah ostere fu eim tag ufe anderi abgstillt. Mi sohn het gspührt dasis ernst meine und het den ai plötzlich f fläsche gnu. Jetzt trinkt er 2x tag schoppe und isst susch fum tisch. Schlaft vielfach dure oder chunt 1x und trinkt den wasser. Ich glaub ihm het s stille nüm glanget und het aber wägem stille kei inträssi am ässe gha. Stille isch z besti, findi ai, aber nur solang wes für beidi stimmt. Drucke dume umd hoffe du findsch e lösig wo für dich stimmt.

erie

Hallo @mona92
Weiss wie du dich fühlsch, ich ha mini gross 15mönet gstillt ond sie isch au seeehr hüfig cho i de nacht. Sie het denn ab dere nacht woni sie abgstillt ha ond sie chuemilch trunke het duregschlofe.

Mayla

Hallo @mona92 ich meld mi jetzt au no wils sehr viel abstill empfehlige git. Falls das nöd din plan isch, i ha mini 26 mt gstillt halt au nebetem esse. Es git eifacheri und schwierigeri phase. Falls gueti still berotig möchtisch gits uf facebook e stillgruppe (stillen schweiz) wo dir hunderti chönd sege wies dene au ergange isch, das nöd elai bisch und stillberoterinne wo dir chönd helfe. Findet eue weg. Lg

mona92

@Mayla Ich möcht uf gar kein fall abstille. ich weiss dases villne so gaht, aber mengisch ghörsch eifach nur vo dene wo kei problem hend und grad wend so schlafmangel hesch, irgendwänn zwiflisch eifach so sehr

snowangel

Lueg mona los uf din buchgfühl 🥰 du weisch am beschte was für dich und dini chli guet isch. Schlussendlich sind all kinder soo anderscht...
Ich kenne es paar wo seget ja mis chind het duregschlafe nachem abstille und da kenni die wo seget ich stille mis chind immerno und schind isch bereits 24 mönet und es schlaft immernonig dure... Min sohn het mit 5 mönet brüst verweigert und es isch en uuu huere kampf gsi will ich ich han ihn unbedingt welle stille.. Milch abpumpe isch ja au nöd wükli sgliche sugverhalte wie vomene baby, also hani eso au fascht kei nilch me produziert obwohl ich 12 mal am tag pumpt han und alles ganz streng ufm meleda app itreit han etc..
Denn gits aber au die wo nur pumpet wills ja go schaffe müend und sie krieget gnueg milch...
Irgendwenn nachdem ich mir tusigi tipps gholt han wie ich me milch produziere hani eifach ufgeh wills min körper eifach nöd het welle.... Ich ha mich genau so scheisse gfühlt willich ihn kei Mumi ha chöne abüte..
Bis mir e gueti kollegin gseit het ja die chline werdet au mit Pumilch gross, ich söll mich nöd wahnsinnig mache, hani denn mit dem thema abgschlosse...

Also wasi damit wet sege mir sind all seehr verschiede und schlussendlich weisch es nur du was die wükli hilft und mach der kein Druck, ja aber ihri tochter schlaft dure sit nachem abstille oder schlaft besser während stille...
Du machsch das guet 🥰 dini chli liebt dich glich ob du stillsch oder nöd, hauptsach du bisch au gsund und fit für sie da 🙏❤️

AnDu88

@mona92 i füehle mit dir, es isch soo asträngend teilwiis…aber es wird besser ❤️

Mini Chlini wird bald 2 und si chunnt au no 2-5x ide Nacht, es git besseri und schlächteri Nächt.. aber mittlerwile verstoht si sehr vill und ig cha ihre ide Nacht säge, das d Mamimilch jetzt e Pause het und schloft… meistens akzeptiert sis nach churzem Protest und de trinkt si bitz Wasser und schloft denne witer. Mir hets gholfe die Situation z akzeptiere, z dänke es isch absolut normal… ha au aufghört ufd Uhr zluege, mir stille au liegend da si bi üs im Bett schloft. So wirdi gar nid ganz wach, wenn si wett trinke… si „bedient“ sich selber mittlerwile. Es zit lang hani si usquartiert gha zum Brüeder is Zimmer, willi denkt ha es hilft - aber nei, i bi nach dene Nächt fix und fertig gsi. Ufstoh, zimmer wächsle, warte bis si fertig isch und schloft, denne wieder retour is Bett und chum hani i schlof gfunde, het si sich wieder gmeldet 😩😂 Wäge däm schloft si wieder bi üs und das so lang wie si möcht.

Aber i dem Alter wie dis müüsli isch, chöme si teilwiis no sehr hüüfig was absolut normal isch… jedes Chind isch andersch und mit 9mt muess keis Baby düreschlofe und es git Babys wo meh nöchi oder Nahrig bruche ide Nacht als anderi. Klar si überläbe d Nächt ohni Nahrig, was aber nid heisst, dass si kei Hunger hei 😅

Aber isst si de momentan würklech gar rein nüt tagsüber, Brei oder Fingerfood? Also au nid probiere oder ähnlich?

Mayla

@mona92 jo den würi würkli die fb gruppe empfehle. Wasi ano letschthin glese ha isch, dass di chline all 90min ufwachet und ebe amel nüm selber in schlof chömet. Den isch halt für gstillti kinder eifach zum nomel trinke und ischlofe, irgendwie vo de zit her chönts au das si..

mona92

liebi mamis
Danke für euri Erfahrige und zuesprüch❤️ich bi i de fb gruppe stille schweiz und trotzdem ich weiss dases es stuckwit normal isch frögi mich glich, wie lang ich das so no schaffe

AnDu88

Und wärs vilicht e Option ide Nacht abzstille? Das isch aber leider kei garantie das si denne länger schloft aber de chönnte di Partner und du abwächsle mit schoppe mache vilicht 🤔I weiss i dene situatione gseht me oftmals kei Liechtblick und lauft uf de letschte reserve 😔 aber wer weiss, vilicht gseht alles i de nöchschte täg/ wuche scho wieder andersch us.

Schicke der ganz e liebi Umarmig.

Lyaa

Wie stillsch dänn znacht?Ich bi au immer unzähligi mol wach, aber dä chli (au nüm so chli mit 1,5😄) schloft bi mir im bett und ich stille liegend im halbschlof, so bin ich glich einigermasse erholt

mona92

Mir hend sit geburt es familiebett, die chli het no kei nacht vo mir trennt gschlafe. ich stillä im liggä.

Lyaa

Ah guet😊cha dir nöd helfe aber vilicht hilfts dass andere au so goht😊 mini händ beidi bis 1,5 / 2 nie länger als 3 stund am stuck gschlofe😊für mich ischs äs normals verhalte

kaattiiaa

Hoi Mona
Ich fühle so fest mit dir! Genau s gliche han ich au duregmacht. ich schwöre uf Muettermilch ❤️ d Muettermilch macht eifach nöd lang satt. Hesch dir schomal gedanke gmacht mit mene „Guetnacht Schoppe“ wo chli länger sättige duet und du dich chli länger erhole chasch? Ich han amigs i minere abpumpte Muettermilch 1-2 EL Hirseflocke dezuemmische oder dur de Tag langsam in chline Portione (Eiswürfelform) s Breili izfüehre? Babys bruchet abem alter wo Sie langsam Mobil werdet extra Kalorie. Das mues aber no lang nöd heisse das du nüm Stille muesch, denn wie gseit Muettermilch isch s best und en gueti Kombination isch für dich und dis Bebe sehr hilfrich.

Gruess Katia

momofgilrs

hm also mini gross het no nie lang am stück gschlofe… mol 1h mol 3h aber viel mehr am stück nid… mit chli mehr als 3j hani se abgstillt und es isch nur schlimmer worde zerscht…
jez mit bald 4j wacht si immer no all 2-3h kurz uff, chunnt go kuschle (familiebett) odr muess ufs wc odr will zuedeckt wärde 🤷🏼‍♀️ ha mi glaub eifach dra gwöhnt…
die mittler 2j stillt no, bi ihre ischs ab 1.5j öppe immer besser worde… jez chunnt si no so 2-3x/nacht…
dr chlinscht isch jez 2mt und schloft vo afang aa viiiiiel besser wie sini schwöschtere und chunnt au nur ao 2-4x /nacht 🤷🏼‍♀️schlofe alli im familiebett, alli liegend gstillt, nix anders gmacht und si schlofe so unterschiedlich…
ich dänk s liggt sehr viel eifach am kind…
ha mi dra gwöhnt und drum ischs für mi ok….

Jessica1983

Hoi Mona

Es wird besser! Sie nabled sich wenn sie bereit sind ganz voneallei ab. Häsch scho mal im ligge versuecht zstille? Han das bi minere erste Tochter igfüehrt gha will so gern gnuggelet. So hani dänn chöne wiiterschlafe… jetzt bi minere zweite Tochter han ich das vo Afang a gmacht.

Viel Chraft 🌺

mona92

@Jessica1983Ja mir hend es FB und ich tue im liggä stillä🧡Ich weiss dasi d Situation glaub eifach akzeptiere muess & s wird verbi gah. aber mengisch isches echt härt