Gueti Erfahrig mit Kaiserschnitt??

BAS

Häts da Fraue wo gueti Erfahrig damit gmacht händ mit Kaiserschnitt?

Schneewittli

Hie🙋🏻‍♀️ ha sowohl dr Kaiserschnitt selber, wie o d Wundheilig positiv erlebt, obwohl eich e Spontangeburt wär planet gsi🙃

Niina

I ha vor 3 wuche mi zwöit kaiserschnitt gha. I muess säge bim erste hani über 2liter bluet verlore u de isches MIR nüm so guet gange bis i ufwachruum. Aber nachher isches sofort wieder besser worde mit auem. Bi schnäu wieder allei uf de bei gstande(am gliche abe no) und d winde isch o guet verheilt. Bim zwöite isch aues ohni problem gange.

BAS

Und suscht no öper?

Groan

Bi mier glich wie bim Schneewittli! Spontangeburt isch ned gange, denn hets en Kaiserschnitt geh. Han mi vo afang a druf igstellt, dases binre Geburt andersch chan cho, als mer denkt. Das het mer ghulfe! Wundheilig isch guet gange! Klar isches müäsam am Afang wils laufe und so na schwieriger isch, aber han gueti Unterstützig gha.

simi99

Ich han au e positive KS gha voreme Jahr OP selber isch schnell verlofe und au nacher bini schnell uf Bei cho und isch alles super verheilt. Am mentig hani min zweite KS bi gspanne wis wird

LaHappy

Hallo @BAS. Ich hatte letztes Jahr im November ein geplanten Kaiserschnitt. Hatte echt mega Angst davor, bin aber im Nachhinein positiv überrascht. Es ging mega schnell und hab mich sehr schnell erholt. Man läuft die ersten Tage ein bisschen langsamer und alles etwas mühsamer mit schmerzen, aber innert 2 Wochen war fast alles beim alten. Die Narbe ist auch mega gut verheilt

Adorable

I cha mi d andere nur aschlüsse ha im Februar 2020 und letscht September 21 e Kaiserschnitt gha und bedi send super gange und au d heilig esch super gse. Bim 1. bini 5 Däg im Spital gse ( hät au vorher hei chönne vo d heilig her aber has detä no gnosse 😂 ) und bim 2. han i noch 3 Däg scho hei chönne.

livjona

1. Notfallkaiserschnitt, 2. geplanter Kaiserschnitt

keinerlei Probleme, keine Beschwerden (ausser natürlich Schmerzen am Anfang) und Wundheilung auch tiptop. Einmal getackert, einmal Faden…. hat alles gut verheilt über die Zeit. Am Anfang etwas „wulstig“, hat sich aber gelegt und die Narbe ist beim 2. KS (der halt in Ruhe gemacht wurde) schöner geworden.

Tipp: Unbedingt sofort aufstehen, nicht liegen bleiben wegen den Schmerzen - sofort probieren wieder selber mobil zu sein, das hilft imens !

eulle116

Es tut gut, solche Berichte zu lesen! 😊Vielen Dank dafür!

Bibi83

ich ha 3 Kaiserschnitt gha, de letscht vor 10 tag und es isch perfekt gsi. Kei Schmerze bim stäche vo de Spinale, praktisch kei Schmerze nachher und e super Wundheilig. Au suscht vo A-Z es wunderschöns Geburtserläbnis gsi.

BAS

Bechunnt mer denn schmerzmittel über nach de op ide nächsti Täg?
Und narbe isch fest gross? Findeder dass de buch genauso zruggaht oder weniger?

Trini

@BAS darfi froge, planned ehr e wunschkaiserschnitt?

Miette

Han en sek. Ks gha. (Also vaginal probiert, aber leider isch de chli mim chopf verkeilt gsi, darum hets en KS ge). Und han echt schnell wieder en „normale“ buch gha. Bi recht uberrascht gsi. Schmerzmittel hesch gnueg zer verfüegig (alles stillfreundlich). Me bluetet gemäss miner FA au dütlich weniger stark. Mini narbe gseht jetzt nach 2.5 jahr super us. Me muess si wirkli fasch sueche & si isch versteckt iner bikinizone. Han chlämmerli gha & darurch hets am afang chli zupft & zoge, isch aber nit unangnehm gsi.

BAS

Wieso meinsch Trini?

eulle116

Wir haben beim Vorgespräch auch bereits über mögliche Schmerzmittel gesprochen, da ich aufgrund einer Vorerkrankung und einer Unverträglichkeit nicht alles nehmen darf.
Da gehen sie aber super drauf ein und sie sagte auch, dass es da gar kein Problem gibt 👍🏻Und zum Bluten meinte meine Hebamme neulich grad, dass man in der Regel anschliessend weniger blutet, da ja ein Teil eh noch ausgekratzt wird während der OP. Klang für mich logisch 😉Zur Narbe kann ich natürlich (noch) nix sagen, da ich meinen Kaiserschnitt erst in knapp drei Wochen haben werde. Aber da ich eh bereits eine sehr grosse Narbe am Bauch habe stresst mich das auch gar nicht 🙈

Schneewittli

@BAS Faus bi dir e Kaiserschnitt nötig isch, du di aber nid so recht demit chasch afründe, chöntsch di vilicht erkundige öb sie ne als Kaisergeburt chöi dürefüehre. Da nähme si im entscheidende Moment, we ds Baby usem Buuch zoge wird, ds Tuech abe u du chasch dä Moment mit eigete Ouge gseh🥹 Das het mi am Kaiserschnitt am meiste gstört, dass i dr eigentlech Moment vor Entbindig nid würd gseh u so hani wük ke Sekunde verpasst, vilech würd dir das ono helfe?🤷🏻‍♀️

AnDu88

Ig ha 2 Kaiserschnitt gha, einisch wäge BEL und s zweite mal will d Geburt nid vorwärts gange isch ufgrund eme vernarbte Gebärmuetterhals. Und ig ha grundsätzlich gueti Erfahrige gmacht drmit. Bi schnell wieder mobil gsi, ha mini chinder selber guet chönne versorge. Tipp: Schrib der alli Ängst und Sorge uf, nimms mit zur Besprächig so das nüt vergissisch z froge. Bim erste Chind hani das nid gmacht und bi nid komplett ufklärt worde was alles mit mir passiert.

Schmerzmittel bechunnsch gnueg über. Vorem KS legge si dir e Zuegang und de bechunnsch de e Fentanyl pumpi über wo selber chasch dosiere. Si hei mir gseit i dörfi grosszügig si, sobald i merke es loht langsam noche sölli sofort wieder drücke. Schmerze wirsch sicher ha au s erste mol ufstoh nachem KS isch happig. D' Buchmuskle werde durchtrennt und es isch e grossi Buch-OP das darfme nid vergässe! Niese und Hueste isch no es paar Täg/Wuche schmerzhaft gsi. Ig bi aber am gliche Tag vor OP scho ufgstande mit Hilf natürlich und bi die erste Schrittli glaufe.
D Fentanyl Pumpi hei si mer am nöchste morge chönne weg ne und denne hani 3-4x am Tag Dafalgan und Irfen becho.

ig bi nach 5 Täg usem Spital usträtte und ha alles wieder chönne mache, ussert meh als s Baby lüpfe nid.

Bi mim erste chind hani nach ca 4 Mönet wieder i mini alte Hose ine passt, de Buch isch recht schnell wieder zrugg gange. Jetzt nach de zweite Geburt hani nach ca. 6mönet wieder i die alte Hose passt aber bis de buch ganz zrugg isch, isches scho länger gange, würd säge es guets Johr hets brucht. Mini zweiti Schwangerschaft isch au länger gange und s Baby isch vill grösser und schwerer gsi als bim erste. Dur das het mi Buch au grisse und ha wäge dem e chlini Hutschürze wo über d Narbe hanget und wo natürlich nümme wäg goht. Aber es stört mi überhaupt nid.

ah und d Narbe isch sehr schön verheilt, me gseht fascht nüt meh.

Trini

@BAS well ech en wunschkaiserschnitt möcht noch minere erscht traumatische gebort…

Miette

@AnDu88 das mit der Fentanylpumpi isch nit in jedem spital glich. Ich han bispielswis subcutan injektione übercho mit Pethidin.
& i dem Spital i dem ich schaffe, wird kei Fentanyl nach der Geburt verabreicht. Da wird aber Lokalanästhesie i die KS Narbe appliziert. So het me dütlich weniger beschwärde und es git no Post-OP je nach Frau anderi Opiate.
Es git aber uf jede fall opiate, da en KS e recht grosse Buchschnitt isch.

AnDu88

@Miette Ah das hani nid gwüsst, bi üs z Solothurn isch das, so vill ig weiss, Standard nachem KS - je nach vorgschicht und verträglichkeit natürlich.
Aber mir isches rächt schwummrig/schwindelig gsi vom fentanyl und de kreislauf au zimmlech schwach. Wege dem hanis au rächt schnell welle weg ha die Pumpi 😄

snowangel

Schneewittli schrieb: »

@BAS Faus bi dir e Kaiserschnitt nötig isch, du di aber nid so recht demit chasch afründe, chöntsch di vilicht erkundige öb sie ne als Kaisergeburt chöi dürefüehre. Da nähme si im entscheidende Moment, we ds Baby usem Buuch zoge wird, ds Tuech abe u du chasch dä Moment mit eigete Ouge gseh🥹 Das het mi am Kaiserschnitt am meiste gstört, dass i dr eigentlech Moment vor Entbindig nid würd gseh u so hani wük ke Sekunde verpasst, vilech würd dir das ono helfe?🤷🏻‍♀️

Wow megaaa guet das hanis gar nöd gwüsst dass es möglich isch, has mer ufnotiert und wirds gern so ha falls es bi mir doch en Kaiserschnitt sött geh.

AnDu88

@snowangel Ig ha bi üs gfrogt im Spital, aber si hend gseit es sig es NoGo bi ihne. Si wend keis risiko igoh, will me nie weiss wieme druf reagiert ufs Bluet de Buchschnitt etc. 🤷🏼‍♀️😩
Mi Maa het au welle zueluege, wie si s Baby hole aber Nö, wenn er metzger wär gsi oder öbbis ähnlichs, hätte si ne evtl. gloh. Aber er isch informatiker und de heisi sofort gseit nei, si heige kei Lust no e zuesätzlichi Person z versorge wenner würd umkippe 😂

Miette

Haha @AnDu88. Das chani bestätige. Ich würds nit empfehle zuezluege. Gseht teilwis recht grusig us (und ich schaffe i dem bereich!). Zbaby wird ja denn immer grat nach der geburt zer mueter bracht. Isch ja so en churze zitruhm (max. 30 sek) & denn erst unnersuecht. Usser es würd jetzt grat zvil fruchtwasser schlücke und het chli „apassigsproblem“.

Es chunt so vil vor, dass die manne umkippe 🙈😂. Isch leider fürs personal recht kompliziert für sich denn au no um de Ma zkümmre.

snowangel

Ja guet min partner isches scho schwindelig gsi wegem OP raum und het us dem hrund bi de tür fascht duse gwartet bis sbaby cho isch. Ich bi mir sicher er wird diesmal nöd wieder dine stah...

Und ich denke us dem liegendewinkel gsehsch du nöd im schnitt ine. Suscht würds das glaubs ja gar nöd mal geh mitem Kaisergeburt...!? 🤔

Ich ha min erst Kaiserschnitt zum chotze und traumatisierend gfunde, ich bi grüttlet worde uf dem tisch und ich ha denn sbaby ghört schreie und die "30 sek" sind mir wie jahre vorcho bis ichs baby endlich emal gseh han ich plane die geburt bestimmt nöd wie bim erste aber wenns ja möglich isch das sie das chöntet mache...wiso nöd..

Ich denke es chunt alles sehr uf Situation druff ah. Wer du bisch, was du verdreihsch, was für erfahrige du scho häsch etc.
Verstönd mich nöd falsch aber das ich schaffe uf dem brich heisst nöd dass alli spitäler glich schaffet und sglichige abütet.

Und de spruch wie haha ja das würi nöd empfehle chunt mer extrem mies vor.
Nöd wills nöd empfhliehsch sunder die art und wis wie es gseit wird.
Wenn e person seit ui mol ich wür das gern eso probiere ich chönts mer zuetraue ich schaffe das und öpert seit ui nei ich empfehls dir nöd chunt so ui nei du schaffsch das nöd hör uf.. das fühlt ner sich grad wie en schwächling. Nur will ihr das bi öperem erlebt hend heisst es nöd es passiert allne glich....
Ich weiss nöd ob mini horomone grad spinnet aber das enttüscht mich eifach so extrem so ussagene..

Verstönd mich biiiitte nöd falsh isch wet wpkli kein stritt da afange oder das öper meint ich tuen blöd ahmache... Wenn mer schriebt tönt vieles mega anderscht als mers meint... Deswege segichs eu...
Ich ha mich eifach grad gfreut woni das gläse han über de Kaisergeburt und woni wieder de app ufgmacht han und das gläse han isches eifach so trurig dass innert paar minute dhoffnig so schnell chönt weggnoh werde.

Ich han als Hebamme gschnuppert will das min traumbruef gsi isch früener und ich ha au scho dörfe debi si bi zwilingsgeburt. Also weissi was ich bi chan zuetraue..

Schneewittli

Liebi Snowangel
Du hesch recht, ig ha o grad chli gstuunet, e Kaisergeburt heisst nid, dass me bir OP zueluegt, o nid dr Maa, dä blibt schön di ganz Zyt bi dim Kopf, dert woner häre ghört😉 Du hesch wük nur im Moment wo ds Baby useghobe wird freii Sicht, aber du gsehsch derbi ke einzige Tropfe Bluet wöu di Buuch ja no sehr gross isch u dr Schnitt wird ja viu witer unde gmacht, bis zu däm Bereich wos bluetig wird gsehsch du gar nid. O ke Instrument oder ähnlechs, da luegt ds OP-Team scho druf🙂 Du starrsch eh nur uf dis Baby, aues rundume würd eh i Hintergrund träte😉I weiss aber, dasses ir Schwiz no nid so verbreitet isch, drum chas guet si, dass gwüssi Spitäler no chli zrüghaltend si, vilech chöi si sechs selber nid so recht vorstelle we si das no nie hei gseh u gmacht. Bi üs het das sowiso nid ds Spital entschide, sondern mini behandelndi Froueärztin womi ja schliesslech när o operiert het, drum würdis am beste grad mit dere Person wo speter dr Kaiserschnitt macht aluege.
Bi mir isch während dr Geburt o schief gloffe was het chönne schief loufe, u.a het mr ds Spital no dr Maa weggno kurz bevor d Geburt isch losgange, drum isch di Kaisergeburt mi einzig Lichtblick gsi, das wenigstens das so klappet het, wie igs mr gwünscht ha.😗Drum hani denkt, gits vilech no anderi Mamis da inne wo das no nid kenne, wo das aber für sich möchte usprobiere…
U es isch auso wük weder traumatisch no bluetig sondern eifach nur wunderschön😍 Dr Ablick vo mire Tochter früsch gschlüpft ir Hand vo mire Ärztin het sech i mis Herz ibrönnt, drum hanis ke Sekunde beröit.
Aber we eim bim Gedanke us irgendwelche Gründ nid wohl isch, chame ja immer no e normale Kaiserschnitt mache🙂

jayfy0413

@snowangel I ha grad vor 3 Mönet sone kaisergeburt gha. Isch der Hammer gsi! So toll gsi s Baby grad dörfe z gseh!
Du gesch nid uf d Narbe abe, nume wie sis Baby ufenähme. Und Bluet hets chum gha.. häts jo bir vaginale Geburt ou?!
I würds der uf jede Fall empfähle das zmache! Los uf di ellei!! Alles gueti Liebs🍀

jayfy0413

@BAS Ig ha zwöi ganz tolli Kaiserschnitte gha. D Schmärze si halt scho nid wenig, aber nach paar Täg geit o das Besser! Eifach grad ufstoh würdi! Wünsche o dir aues aues gueti und liebi🍀

AnDu88

@snowangel I glaube s Haha isch uf min spruch bezoge gsi, dass si min Maa nur hätte lo zueluege wenner metzger oder so wär gsi. Si isch vom Fach und würd sich sicher nid lustig mache über so öbbis ❤️

Die wos möchte Probiere und dörfe sone Kaisergeburt- go for it! Ig häts au gärn erläbt. Ha mol es Video gseh devo uf Instagram. Z Brasilie isch das mittlerwile scho standard 🤷🏼‍♀️Und schlussendlich cha e normalgeburt genauso Bluetig si dänki 🤔

Miette

@snowangel Isch wirkli nur uf die ussag bezoge gsi 😉.
Ich schaffe ihr anästhesie & gseh wöchentlich wie männer kollabiere, ich rede da nit fo de fraue! Ich finde das echt en tolli erfahrig, weme die chance als Frau het. Bi üs wirds üs diverse gründ nimme abote. Ich hätts aber definitiv au welle mis baby gseh, hätti die chance ka (und ich han imne andere spital entbunde, imne andere kanton).

Nur us dem blickwinkel fam ma, isches echt nit empfehlenswert. Nur das hani gseit. Klar gits männer wo das problemlos wegstecke, aber us erfahrig chani sege, dass tufregig, stress, schlafmanfel, wenig gässe… ebe au en rolle spilt. Und sie luege da im stah uf zOP gebiet & das isch die eigent partneri, wa da ligt.

Ich meins ja nit als agriff, isch nur en empfehlig gsi.

BAS

Hey trini han au sehr en traumatische geburt ka (2 täg ileite) überlegge mer au darum en wunschkaiserschnitt aber möchets das au wenn mer sich das wünscht? Also schnitt schmerze werdet sicher ned easy si aber 2 täg lang ileite isch au gar ned so chillig gsi. U im nachinein fangt findi hani sogar mit 2 tägigi müedigkeit gstartet also nie echli erholzit oder biz schlaf ka.

Mimar

Ich han au 2 Kaiserschnitt gha.
De erst hämer nach ihleite und schlechte Herztön vode Tochter notfallmäßig müese mache, de zweit han ich ufgrund vode erste erfahrig gewünscht. En plante KS isch natürlich viel entspannter aber han beid als wunderschöni Geburte empfunde. Schmerze hani nöd gross gha .. bin aber au schnell ufgstande und han mich bewegt.

BAS

Und häts da au fraue wo scho beides gmacht händ also spontan geburt sowie kaiserschnitt u händ kaiserschnitt besser empfunde?

BAS

Und wenn mer sich en Kaiserschnitt wünscht gönd ärzt druff ih oder wird zwrst mal versuecht uf normal geburt zumstimme? Han bim erste mal scho recht de idruck ka dass mer mitem kaiserschnitt wunsch ned umbedingt guet achunnt es versuecht wird zu spontangeburt zumstimme.

jayfy0413

@BAS Auso ig ha ou ganz e traumatischi Erst Geburt gha mit ileite und so..mini Ärztin het mer bim 2. Chind sogar empfohle e Kaiserschnitt z mache, ou wenns medizinisch nid uuumbedingt nötig wär gsi… i würd mau mitem Arzt drüber rede..
D Geburt ah sich, si d Kaiserschnitte besser gsi. Aber d schmärze nochher oder wie schnäu me widr fit isch, isch nach de Vaginal geburt definitiv besser gsi.. trotzdem miech igs immer widr so!

BAS

Okey interessant hät dini ärztin dir sogar kaiserschnitt empfohle! Has gfühl egal was mer wird scho versuecvt immer zu normalgeburt züberrede. Icha au ileitig ka u dass 2. Geburt schneller wür gah überzügt mich halt glich ned.
Findsch also im nachinein trotz de schmerze kaiserschnitt im verglich besser? Was hesch zb besser gfunde im verglich?

jayfy0413

Ja der erst isch blibe stecke mit grad mau 3kg u de het si gmeint aues wo über die drü kilo sig und ou vom chopfumfang här, chönn ig nid normal gebäre. Und ja d chance isch ja sehr höch, das d chind schwerer si. Isch de o wo gsi.. drum es idch so haub medizinisch gsi. Häts äuä scho dörfe probiere aber s risiko wär gross gsi.
Vode gfühl här isch definitiv de kaiserschnitt besser gsi!

Adorable

Also i ha au d Erfahrig gmacht bi d 1. Geburt das mer im Spital unbedingt e normali Geburt hed welle „überrede“ obwohl i ke Fruchtwasser meh gah han und i eifach kes risiko ha welle igha, drum hani uf e ks beharrt jnd sie chönnd fi jo zu nüd zwinge.
I wörd unbedingt mit dinere Fraueärztin drüber rede, du darfsch jo entscheide und wenn du mitemne ks beruhigter besch, d selleds eine mache.

Mimar

@BAS ich han bide 2te Geburt vo Anfang ah gseit ich wet en KS und es isch von allne ärzt sofort akzeptiert worden.
Bin allerletzte untersuech vor de Geburt händs denn gseit ufgrund von minre symphyse wer's eh nöd gange zum spontan gebären, das hät min entscheid au grad nomal bestärkt!

BAS

@Mimar wieso hesch bi de 2. Geburt vo afang ah kaiserschnitt welle? Ja bin mal gspannt druff wie därzt bi mir reagieret

BAS

Und wie lang händer fest schmerze ka? Wie händers gmacht mitem 1. Chind zb wo au ufmerksamkeit etc. Brucht aber mer cha sich chum bewege? Und wie lang sinder im spital bliebe?

snowangel

Bi mir het mer mers au müesse ileite und sbaby het ebefalls fascht kei fruchtwasser kah, han aber unbedingt e wassergeburt welle. Erst nach 9-10 stunde sturmwehe hani dörfe is gebärsaal, vorhwr bini imeneee normal zimmer gsi und alleige wegem corona , also min partner het nöd derfe bi mir si. mini eröffnigsphase isch aber nöd vorwärts cho ich bi immer bi 3 cm bliebe und erst ab 4 cm hetet sie mich is gebärsaal und is wasser bracht. Mir hend denn aber müesse en Kaiserschnitt mache will de chline nüme guet uf dwehe reagiert het und fruchtwasser isch eifach zwenig gsi..
Ich ha bis zwei wuche nöd chöne alleige ufstah vom bett und laufe isch für mich de horror gsi.
Ich bi 6 täg im spital bliebe und danach isch mini mami no zu mir hei mir go helfe. Es het aber det im spital au mamis geh wo 1 tag nach de geburt glofe sind als wär nüt gsi.. ich glaube das het mich ebe au bitz abedruckt willi erwartet han dassi au so laufe wird am nächste tag nach de op 😂😂 no way. !
Deswege plani mal eifach nüt ussert swuchebett betreuig

Jetzt bin zweite wirdi für 2 wuche zu mini muetter gah nachem spital damir ich ihri hilf han mitem erste Sohn und nach dene zwei wuche het min partner 3 wuche Vaterschaftsurlaub.

Ich ha ehner me angst vorem Wuchebett als vor dgeburt selber. Es wär schön wenni diesmal chönt spontan gebäre, das erfahri de fritig bim erstgspröch im Spital. Ich han aber weenig hoffnig, ich gah scho mal davo us dasses wieder en Kaiserschnitt wird geh und ich gah davo us dasses so schmerzhaft wird sie wie bim erste 🙈 so hani danach kei enttüschig wenns nöd eso klappt.

simi99

So ich chan dir jetzt no vo mim zweite KS schriebe ich han am 13.6.22 en plante KS gha hend am morge früeh müsse irucke alles het super klappet OP Termin ca 25 min gange den isch alles verbi gsi. Mir isch nachem zweite KS sxtrem guet gange han bis jetzt sozege kei schmerze bi am erschte Tag am Namittag scho ufgstande und gester abig den heigange… ich bi mich jetzt schonk fliessig am schono schnell laufe chanich natürlich au nöd aber ich chan mich voll bewege baby umeträge und wickle mache und tue bi froh han extrem glück gha es sind all mega erstunt gsi wie fit ich bin und wie guet ich mich chan bewege☺️ aso ich denke das chan so verlaufe oder ganz anderscht da isch hald jede körper au anderscht sowie jedi geburt isch total verschjede…:) Aber ich schwör eufach uf das das hani scho vorem erschte KS gmacht ich bi jede Tag go laufe han mir e gueti Kondition ufbaut au wenni am shluss mich megga muss zwinge so hochschwanger ich seg das het mega viel gnützt dasich zweimal kei problem gha han

snowangel

Oh Simi das tönt ja hammer 🥰🙏 mega schön dass wieder fit bisch und scho dihei! Dihei isches ja e am schönste gäl ?😍
Das tönt au guet dass du viel go laufe gahsch, wo wohnsch du denn? Ich gah au jede tag bis 7-8 km go laufe und es tuet wükli guet, schad hani das nöd scho vor de erst Schwangerschaft gmacht

simi99

Ja danke vielmal! bi u froh scho diheime zii mit mine beide schätz chend mini grösser noned solang alleige lah hange mega a ihre☺️☺️ aber sie ish hald au no chli hehe😊 mir sind vo grüninge und ihr?🙈

Mimar

@BAS bide 1. SS hani vor ET müese ihleite will ich fast kei Fruchtwasser meh gha han und die chli nüme gnueg versorgt gsi isch. Sie hät das aber gar nöd vertreit, ihri herztönli sind mega schlecht gsi denn häts ganz schnell müesee gah mitme KS... Das hani bide 2. SS nöd nomal wele erlebe und mich drum für en KS entschiede.

Mimar

@simi99 gratuliere zum Baby😍😍
Das mitem laufe Hani au gmacht, hät mir au sehr gholfe😊👍

Zireael

Ich ha hüt grad KS gha und es isch mega guet gange, de Katheter isch scho am Namittag zoge worde und ha scho därfe mit Begleitig uf Wc🥰 Ich bi total Positiv überrascht und würs grad wieder so mache🥰❤️Schmerze sind absolut erträglich ha au gar kei Problem gha mit de PDA 🎉

BAS

Wow tönt ja mega guet!! Ischs din erste geburt?

snowangel

Die gueti Feedbacks uf Kaiserschnitt beruhigt mich grad dasses doch no chönd guet gah mitmene ks 🙏😍 gratuliere eu herzlich 😍

Zireael

Danke viel mal🥰Ja bi au mega überrascht das es so guet gange isch. Ich han am Abig den scho allei ufs Wc chöne und Zähputze. Ich han au immer wieder versuecht churz ufstah vom Bett oder eifach a de Bettkante sitze damit de Kreislauf schnell wider chunt, das isch mega wichtig. Den gahts recht schnell. Es gaht würklich bi jedem mal besser bi uuh Happy und würs wieder mache.
Ja isch mini ersti Geburt gsi. Klar wärend em KS wens so umerrumpplet im Buch isches es mulmigs gfühl. Es het aber nie weh ta und sTeam het so guet uf mich glueget. Bluetige hani au nöd stark gha nur direkt nach de OP jetzt isches scho fast wie normali Periode.

Wenn hend ihr KS?