Gueti Erfahrig mit Kaiserschnitt??

snowangel

So guet 😁🙏 da ich scho en Kaiserschnitt ka han, werdemer am fritig luege obi denn Normal derr gebäre. Aber de ET wär 22 Juli

BAS

Das tönt alles sehr guet. Wie lang bliebeder so nach KS denn im Spital öpe?

Adorable

Bim 1. ks am 5. Tag hei ( wär au früehner möglich gse, has aber im spital no gnosse 😊 weil niemert dehei gwartet hed, d maa hät eh gschaffed) und bim 2. ks am 3. Tag..

Groan

Ich bin 5 Täg gsi, und shets scho brucht! Han au grad am 1. Tag müsse ufschtah (d‘Hebamme het mi zwunge😂) und bin mer echt vorcho wienen Herdöpfelsack im Spitalbett (nur sich chli ufeschiebe isch müähsam gsi). Aber s‘tägliche bewege het fesch ghulfe! Isch halt en OP und brucht en Moment zum sich erhole nachher. Trotzdem hanis ned als schlimm empfunde, hami au druf igstellt. Denke das isch wichtig.

Zireael

Ich ga su am 5Tag Hei😃 blib aber au eifach länger will ichs da mega gnüsse und Betreuuig super isch und au Wundversorgig etc guet isch☺️

simi99

Ich bin bim erschte KS au 5 Tag bliebe und bim zweite am nexte Tag am Abig hei aber muss scho sege das machsch au eher nur wenn scho es kind diheime hesch s erscht mal hanis guet gfunde 5 Tag bliebe☺️

AnDu88

Bim erste KS bini am 6. Tag hei, mir isches psychisch schlecht gange und dört heisi mi so guet begleitet. Ha aber au e super nachsorge Hebamme gha womi de dehei begleitet und „ufgfange“ het.

Bim zweite KS bini am 5. Tag hei, mir isches super gange und hätt guet ehnder hei chönne aber ig has sooo gnosse. Die Rueh herrlich, s umsorgt wärde, s kuschle und kennelere vo mim Müüsli. Ha wieder die glichi Pflegerin gha wie bide erste Geburt, si isch sone Engel gsi und het so guet und liebevoll zu üs gluegt. Mi Maa und mi Sohn si jede Tag verbii cho fürnes paar Stund. Es het guet do dä ufenthalt und dr Papi het so guet zum Grosse gluegt, de hanis ohni schlechts gwüsse chönne gniesse 🥰

BAS

E frag, wie sind eui rückbildig gsi? Sind eui buch au schnell zrug? Häts weg de narbe anderst usgseh? Zb hani au scho ghört dass de buch chan drüber lampe also de buch scho chli deformiert usgseht u rückbildig u au stille länger brucht. Was heisst das denn?
Händ ihr freiwillig kaiserschnitt welle oder händ ärzt das vorgschlage us medizinischi gründ?

snowangel

Ich merke a mineri linea nigra jetzz dass sie mon Buch biiitzli versetzt zuegneiht hend aber das stört mich nöd ich ha. Mini narbe gern willo weiss min Chline isch vo det use 🥰 es isch sowieso meistens unter d bikini 😁

Ich han wegem laufe jede tag schnell wieder en flache buch ka aber ich han au wükli kei apettit ka zum esse.. also ich bi nonie e gueti esserin gsi. De milchischuss het 2 - 3 täg brucht bi mir bis richtig viel milch cho isch..

BAS

Also ganz wenug versetzt? Okey aber mitem stille isch trotzdem guet gange demfall?

snowangel

Ja also dlinea nigra isch nüme mitenand verbunde bim Kaiserschnitt aber meh ha ja dlinea nigra nöd für immer 😁

Ja ja mitem Stille isches au guer gange nur mit sohn het denn nach 4 mönet Brust verweigert, aber suscht isches guet gange

BAS

U huutüberschuss hät mer denn au oder isch dhuut normal glatt?

snowangel

Hutüberschuss hani jetzz nur bim buchnabel wegem piercing damals.. aaber das isch bi vielne anderscht...

Groan

Aso bi mier isch sie normal glatt, aber weiss ned wies bi anderne isch oder bi mehrere Geburte (han 1 Kaiserschnitt gha).

AnDu88

@BAS Das isch sooo underschiedlich. Es git Fraue die hei nachere normale Geburt Hutüberschuss und risse wo nümme wäg gönd (mis Mami z.B.) und de gits Fraue die hei nacheme KS innert wuchene e komplett flache Buch ohni risse oder Hutüberschuss. Kollegin het e KS gha die het nach 6mönet wieder ihre Waschbrettbuch gha wie vorher, als wär nix gsi… und ig ha jetz nach de 2. SS und KS risse und Bitz führigi Hut 🤷🏼‍♀️ es chunnt sehr druf a wie dini Hut/Bindegwäb isch und wie dini veralagige, dini Gene si…