Kind 3 Jährig isst mega wenig

BAS

Mis chind isch 3 jährig. Ide letscht 2 jahr selte mal en Teller fertig gesse worde.
Wenn er morge biz und znüni gesse hät wird gant sicher zmittag nüt gesse. Wenn er zvieri gesse hät isst er nüt znacht. Er hät selte mal hunger u sehr selte wird mal würkli hungrig gesse. Meistens nur es paar biss. Dra bliebe findich bis jetzt häts ned würkli bracht. Zwüschet ine isst er au schoggi. Also wenn er mal öpis isst würkli nur 2-3 biss. Ich kenne suscht kei chinde wo so wenig esse düend. Wachse duet er ganz normal. Aber vitamine chanich mer so nöd vorstelle dass er gnueg bechunnt. Händrr tipps oder sind eui chinde au so?

AnDu88

Es git chinder, die bruche nid vill. Mi Sohn isch 5i und foht erscht jetzt mit bitz grössere Portione a. Vorher het er wienes Vögeli gässe 🤷🏼‍♀️ uf sim teller hets z.B. e löffel Teigware gha mit bitz sauce, oder de mol 4-5 pommes, fleisch het er lang gar kei gässe. Solang er guet wachset und süsch fit isch, denn würdi säge isches absolut normal.

BAS

Fehlet denn aber kei vitamine? Ja mine issz au wie en vogel. Au nur 5 pommes znacht zb

AnDu88

Ig has bim Kinderarzt agsproche und si hend gseit solang er fit isch, nid müed, normal aktiv isch und d entwicklig guet isch, denn muess me nüt kontrolliere 😅

Aber wie gseit jetzt isst er guet. Zum ässe zwinge chasch si nid und bewürkt nur s gägeteil. Mini Tochter isch 4 Johr jünger als mi Sohn und cha jetzt scho fascht mit de Portione mithalte vom Brüeder. 😂

Mamelo

mis chend esch zwar ersch 2.5 aber esst au praktisch nüt. vom schoggibrötli am morge heter nor s schoggistängeli gesse, zmettag hani es birchermüsli gmacht er het de aber nor s joghurt gesse.
znacht hemmer chalt hesse er het es halbs kochets ei gha.
das wars ond da esch tag för tag so. i has fang akzeptiert

erie

Mini Tochter, im Okt 3, isst genau so. 4 Teigware, 2 löffel joghurt oder es halbs würstli, das wars 🤷🏻‍♀️ egal öb zmorge zmittag znacht. Ha mi au demit abgfunde ond glaube das chonnt denn plötzlech.

snowangel

Bi mir isches genau so wie bim AnDu88, bi au scho zu de ernährungsberatung gange weg ihm will er in /- 7 mönet nur 500 Gramm zuegno het. Seeehr anstrengend aber es isch wie andus arzt seit😊 plötzlich gits en Sprung

BAS

Also mine wachst u u nimmt normal zue. Er isch scho eher en schlanke. Milch trinkt er eifach no gern u suscht lebt er scho fast vo luft hanich sgfühl😂 aber ja demfall gits viel so chinde

minggi

Hallo zäme. Der bricht tuet mr grad irgendwie guet. Min chli, zwar erst 13 mönet brucht glaub ai kei nahrig🤣🙈 er ist wene spatz. Het aber nu schoppe 2x am tag, drum so vilicht ai chli nährstoff. Ernährig isch bi ihm sit geburt es thema, de mussich mier demfall aber ai nid z viel sorgä machä...

Füxli

@BAS was mir gholfe het isches glase azgo. druck mache hilft garnöd. i loh min 3.5 esse soviel er wet. i finde so lernen si au mit ihrem sättigungsgfühl umzgo. mine chs au nu 5 pommes esse und sus nüt. es git gueti und weniger gueti täg. im moment hemer grad wieder eh gueti phase woner guet isst. muss abr au säge er isch sehr haikel wases no erschwert mengisch

BAS

Ja also min sohn isch au sehr heikel. Isst au nur teigware, brot, pommes. Fast kei gmües u max gurke oder öpfel. Mini schwiegermuetter meint ebe dass er wenn er dete isch mega viel isst. Und au scho selber gseh dass er en ganz en volle teller gesse hät. Darum frögich mich halt au möngisch obich öpis falsch mache. U ihn is bett tue mit paar biss git mer irgendwie au no schlechtes gwüsse. Immer wieder neues esse usprobiere azbüete bini scho sit 1,5 jahr dra u es nützt nüt. Finds au no demotivierend kochte furtzschmeisse.

JennyHelin

Isch na mega luschtig 🤗 mini chli isch jetzt 3½ und au immer ned so eh gueti ässerin gsi ... sie isch aber vom Arzt her au mal zliecht gsi und sie händ mir de welle eh Drink geh zum zuehneh... aber das hani ned welle 🤔 sie isch ja sust fit gsi ... jetzt isch sie immer na sehr eh fiini aber alles im guete Rahme.

Jetzt isch sie aber au extrem Heikel ... bi mir wot sie fascht immer nur sgliche... und ja kei Teigware und öppis wo sie ned kennt 🤔 duet sie ned emal probiere.

Aber sobald sie bim Grosi isch, isst sie alles und probiert au gern mal öppis neus 👌 jetzt isst sie au mal fisch und Teigware was sie vorher nie hät welle.

Hauptsach bim Mami verweigere und bim Grosi inähauä👌😆

BAS

Mega unfair oder😂 mino schwiegermuetter verzellt mer jedes mal wie viel er duet amel esse😂 darum hani langsam afange zwiefle obi öpis falsch mach aber interessant dass es anderne au so gaht

snowangel

Hahah kenni guet ich ha min sohn au so en thund sandwich gmacht und er het nur gwürgt. Mini muetter het ihn genau de glich gmacht und er hets gässe!
Genau so wie mitem rest wenni bi ihre bin und ich ihm sesse gibe isst er nöd, aber vo mini muetter isst er chuchi Leer. 😂 Schad wohni so wit vo ihre suscht würi jedetag de sohn übere bringe 😂

Tanja87

Es gids no viel das Chind "usswerts" besser essid. Warum weiss ich au ned🤔 spannend. Au üsi mit bald 3,5 jährig isch momentan am "faste". Chönnt das ächt au irgendwie en zämähang miteme Schuub ha?

Mamelo

grad au jetzt be dene temperaturen. be eus weds sett 2.5 täg nor chuehmilch trunke. gesse garnüt🤷‍♀️

Maryon

Also ich mach mir da 0 Gedanke i dem Alter...sie hend wemmer denket 1 Portion vu 3 pro Tag mit einere Handflächi vu ihne gesse und sie sind satt. Ned d Handflechi vu üs sondern vu üse Chind 🙂 drum 1 Portion chlini Handflechi sind wenig und i dem Alter voll ok. Machet eu da ned z fest Gedanke. S Chind nimmt sich da was s brucht