2 Fehlgeburten hintereinander

Lauraannah

hallo zäme, het öpert vo eu d’Erfahrig gmacht und zwei Fehlgeburte hinderenand gha? zB dass de Embryo eifach nöd witer gwachse isch (missed abort). mini FA seit leider wird d Ursach erst nachem 3. mal abklärt.. schwanger werdemer mega schnell, aber es wachst nöd witer. danke für eui Hilf

Füxli

i han 2 FG ka zwüschet dene 2 jani mo eh Eileiter SS ka. i ha druf bestande zums kläre. mini FA het den dELSSann als 3 FG ahgeh. usecho isch nüt. bi den drufabe erfolgrich schwanger worde. i has wölle kläre weli nüm di jüngst bin. ha sbr scho es gsunds kind davor grbärt.

Lauraannah

danke 😘 freut mich dasses denn doch klappt het. das git Hoffnig

SiMe84

Ich han ebefalls zwei FG gha. Eini im Dezember 21 und eini im April 22. han nach de erschte FG d‘fraueärztin gwechslet. Jetzt fühl ich mich chli besser ufghobe, han aber mega angscht, das es namal passiert. Bi mer händs bluetwert abklärt, isch aber alles guet. Mal luege, ebs weder klappet.

lachuli

I han 2 Fehlgeburte ka. Die ersti im Dezember 2020 in de 12 Wuche die 2 Fehlgeburt im Juli 2021in de 9 Wuche...
Han am 30.12 positiv testet und bin jetzt in de 29 Wuche schwanger 🥰
Gebet nit uf 🥰
Mir het Akkupunktur sehr gholfe 😍👌

Lauraannah

@lachuli oh so schön, gratuliere🤗 ischs dis erste chind? Hesch kei tests gmacht a wases chönt ligge? Mega schön hets klappt.
das mir de akupunktur hani ez scho paar mal glese. kenni mi gar nöd us.🫣

corina

Han 4 fg gha, zerst 2 fg dänn hani mi sälber ide kiwu klinik agmäldet gha zum abkläre, händ nüt gfunde, dänn bini erfolgriech schwanger worde, min bueb isch jetzt 5.5, dänn hani nomal 2fg gha und mir händ dänn entschiede, dass mer sie lönd und es stimmt jetzt für eus so

Lauraannah

@Corina oh man das tutmer echt leid dass das 4 mal hesch müsse duremache. so schön hets aber klappt mit dim bueb🤗 das gitmer au hoffnig. einzelchind sii isch au schön, rede us erfahrig🤗

SiMe84

Tuet mer mega leid, das so vel git, wo das händ müesse mitmache.
Schad, isch es so es tabu thema zum drüber rede. Es git glaub vel meh, wo das händ müesse mitmache.
Schön, das ehr so offe chönd drüber rede. Das git mer hoffnig, das es glich na chönnt klappe.

lachuli

I han nur gluegt mini Schilddrüsewert und die sind top gsi. Min FA het gseit dass i eifach Pech ka han und dass es leider vielne Fraue passiert. Akkupunktur han i gmacht damit sich mi Zyklus ipendlet und es het bestimmt au gholfe 🥰😍

Lauraannah

@lachuli hani au müsse bluet geh zum schilddrüese kontrolliere, aber bis ez nüt ghört, das heisst nüt uffälligs
ah okay 👍 en regelmässige zyklus hani zum glück😊

lachuli

@Lauraannah en regelmässig Zyklus Han i au ka aber Akkupunktur hilft zum alles guet ufbaue und zum au de Usglich im Körper zbecho... I chas Euch nur empfehle 🥰👌

Lauraannah

ps. mini Ärztin het grad aglütet wegem bluettest - bechume medikament weg liechter schilddrüeseunterfunktion. bitzli neui hoffnig🤞🏻

lachuli

@Lauraannah super 🥰 druck dir ganz fest Dume 🍀

Vermiculita

Ich hatte auch 2 FG. Die erste war ein Windei (man hat im US gar nie etwas gesehen und ich hab's nur gemerkt da ich leicht geblutet habe). Die 2. FG war gleich anschliessens und dort hat man das Herz schon schlagen gesehen. War ca. in der 9. SSW. Abgeklärt wurde noch nichts. Ich habe mir, meiner Psyche und meinem Körper dann 6 Monate Zeit gegeben, bevor wir es erneut versuchen wollten. Bin dann anschliessens schwanger geworden, komplikationslose Schwangerschaft und der "Kleine" ist nun bald 4. Alles Gute wünsche ich dir 🍀

Ninilida

Ich han weg PCO müh gha zum schwanger werde und han den mit Hormontablette s erste Kind becho. S PCO isch denn weg gsi nach de erste Geburt und ich bin natürlich wieder schwanger worde. Han dena 2 Fehlgeburte gha, wo ned untersucht worde sind. Bim 3.Mal hani zur Unterstützig mitere Sprütze de Eisprung usglöst, zum gnau wüsse wenn de Eisprung isch und denn Progesteron ziemlich lang gnu. Denn hets ghebed und min chlinere Sohn isch jetzt 2.5 Jahr und vollkomme gsund.
Ich wünsche dir ganz viel Kraft i dere Situation und es guts Umfeld wo dich unterstützt.

Lauraannah

@Ninilida Tuetmer mega leid z ghöre was du duregmacht hesch, aber umso schöner hesxh ez zwei gsundi chind🤗 danke viel mal für din bitrag. es gitmer viel hoffnig