Kopfschmerzen und Schwindel während Schilddrüsentherapie

flamingo

Hallo Zämme,
ich han en latenti schilddrüeseunterfunktion und muess eltroxin/tirosint tablette nä.

Ich han letscht jahr ide ss eltroxin 50-75mcg gno und han keinerlei nebewirkige gha . Nachher nach de geburt massivi kopfschmerze und schwindel. Bis ich usegfunde ha dases vo de tablette chund. Ha si denn abgsetzt und beschwerde sind weg gsi. Jedoch bini denn wieder u müed gsi und ha extrem chalt gha.

Jetzt isches so dasi nur 13mcg verträge, ha ez sit 3 wuche gsteigeret uf 25mcg und ez fangt das theather mit kopfweh schwindel wieder a. Tsh wert isch mit 13mcg 4.5 gsi und ez mit 25mcg uf 3.3 abe.

Kennt irgendöber die problematik au?
Mini husärztin seit das cha nid vo de tablette cho..sobaldi tbl aber reduzier gad das eweg, defür halt wieder müed chalt etc

Ich weiss nid wasi sell mache. Tsh 4.5 isch au nid super....
Beschwerde so oder so. Finds uh müehsam. Und das alles erst sit de geburt. Vorher kei beschwerde..

I hoff öber cha mer en tipp gä...

Danke

Juli88

Hallo
Bisch de ned bemene Endokrinolog?
Wichtig isch, dass du ned nur de TSH aluegsch, sondern au FT3 und FT4.
I ha amigs au im Wechsel gnoh gha. Oder nume all zwei Täg. Wiso steigerisch vo 13 uf 25? Gahts der denn mit 13 ned guet?
Wie sind sust so dini Vitamine? Iise au guet? Chopfweh und Schwindel chan au vomene Iisemangel cho und het vellecht nome indirekt mit em Euthyrox ztue. Ah jetzt merki grad, dass du anderi Tablette nimmsch. Vellecht wördbau en Tablette wechsel öpis bringe ☺️☀️

flamingo

Danke für dini nachricht. Ich bin bide husärztin in behandlig. Aber sie kennt die beschwerde nid und seit das chieng nid vo dem si. Aber ez hani wieder 2 täg pause gmacht vode tabl und die beschwerde sind weg.
Mit 13 hani ds wenig, d wert sind alli ds tüf und ich bi de so müed und ha chalt. Und mit 25 isched ds viel mit kopfweh und schwindel.
Ich ha ds gfühl ich muss au das irgendwie im wechsel mache.
Hesch de du demfall au en tag die chliner dosierig gno und de ander tag die höcher?

Ich han bereits eltroxin, tirosint und euthyrox probiert, ha aber d beschwerde bi allne 3 marke.

Mini vitamine sind susch alli guet, isch alles kontrolliert oder behandlet.

Ich finds eifach mega tricky mit dene schilddrüesetablette..