Rookie Babytrage - ja oder nein?

Summer84

Ist die Rookie Premium empfehlenswert?

Trini

ech cha der zwar kei röckmäldig ghä, aber frog doch emol binere trageberoteri no. us de eiget erfahrig wördi nöm eifach e tragi chaufe ohni probiere… ech be zom bispel fan vo de kokadi (onde schnalle/obe binde). ha die zerscht zom teste bstellt gha ond de occassion kauft… d manduca hani vor de gebort kauft gha, aber förs baby ned geignet gsi, welli d schrettbreiti ned manuell ha chöne istelle…

Mamelo

i ha en Rookie, allerdings glaubi ned d premim variante.

mer send sehr zfrede gsi hend aber au kei verglich. de einzig minuspunkt wördi jetzt säge esch d befestigung um d hüft met dem klett. wenn mer s chend schlofend useneh wett macht de grad bez luut. aber da esch gmeckeret uf sehr höchem niveau 😉

es get em öbrige au paar siite wo mer allgemein tragine zom teste uslehne cha för paar franke

joyy

ich han eini gha, ischmer nöd bequem gsi. bin en mysol fan, absolute tragecomfort für beidi

linskyy

ich han au en rookie gha, aber sehr schnell wider verchauft. sie ischmer ade schultere ned bequem gsi. grad bi schwere chind (und sie werdet ja all grösser und schwerer) druckts u schnell. han denn im zweite alauf tragene usprobiert und bin bide milamai glandet und uuu zfriede.

Summer84

Ha mi jetzz für e anderi entschiede wo mer länger cha bruche