Milchschorf erst mit 3½

JennyHelin

Hallo Zämme
Ich ha mal wider eh frag 😃
Mini Tochter isch jetzt 3½ und hät als Baby nie Molchschorf gha ... jetzt isch mir aber letscht Wuche ufgfalle das Sie plötzlich eh stell uf de Chophut hät wo usgseht wie Milchschorf 💁‍♀️ ich weiss ned obs würklich das isch und obs das würklich gah das es erst mit 3½ mal chunt ?

Wird sicher mal en Termin mache bim Arzt.

Ich ha ebe Neurodermitis aber nur uf de Chopfhut und besunders im Summr isch es schlimm.. aber es gseht bi Ihre ganz anderst us ..

Miette

Min chli het sit Geburt Kopfgneis. Isch jetzt 2.5 jahr alt & het immer wieder stelle, wos uftaucht. Ich mache denn meistens vorem Bade Mandelöl druff & denn chames nahm Bade/Dusche wie usbürste. Ihn störts gar nit.
Wenns Milchschorf wäri, würds recht starch jucke, het mier min KiA erklärt. Denn muesst me öppis mache. Kopfgneis isch harmlos & cha immer wieder cho, muess aber nit. Wenns gfühl hesch, dass sies starch stört, würdi mal dem KiA es Foto schicke, der chan der denn direkt sage, wases isch.

JennyHelin

Ja Ihre bissts gar ned 😃👍 also sie störts au gar ned.

Ja de dueni mal gugge abr dänke eher es isch Gneis. Stinke duets au ned bim weg mache 👍

Merci viel mal für de Tipp

snowangel

Ich has bi min Sohn au eso gmacht wie Miette, han ihn halbstund vorem bädele mandelöl vo de apotheke here tah und währendde körper gwäsche han, en warme nuschi über de kopf denn isch de gneis ufgweicht gsi und has au chöne weg bürste. 💛