Bode pisle ?

Maryon

Hallo zame

Üsi Tochter ( 3 J. und 3 Monät ) hat sit 4 Tag deheime kei windle meh ah. Sie het immer Panik gha ufs Klo und het au nie welle ufs Töpfli sitze. Alles ok und guet..mer hend ihre au Zit welle geh. Letschd Wuche het mi Maa de eifach zu ihre gseit...wemmer probiere mal ufs Töpfli sitze bzw uf de Ufsatz ufm Klo und de het sie vu sich us gseit sie welli druf und finds sit dem richtig cool. Deheime het sie de immer welle druf aber pisi isch nume mal einisch chli cho...sie het de sit dene 4 Tag immer nur uf de Bode pislet..au hüt wieder 2 x....klar sie müend da au lerne aber isch sie acht nani so wit dasi nani cha sege mami i muess pisle oder selli ihre d windle lieber na azieh? Bi chli unsicher was mache und wie witer fahre?.
...mer hend dusse aber d windle emmer aloh

Mayla

Ich denk es brucht zit, wenn sie freud dra het unds für eu so möglich isch würis no länger so loh. Üsi het irgendwenn gmerkt dass öpis nass wird, chöne stoppe und den ufem wc de reste ieloh. Mit de zit het sie gnueg früeh gmerkt, dass sie mues und het den für ufs wc glanget, sie fangt sogar ah zums länger verhebe wenn öpis anders interessanter isch.

vilo

Mir sind grad au in dere Phase. Unseri Tochter isch 2 1/2 und vor 10 Täg hämmer d Windle au eifach mol weg glo (mol nur dehei) und denn hett sie während 3 Täg uf de Bode pislet, wills nid ufs Töpfli glängt hett. Nach dene 3 Täg hett sis gseit und me hett sie denn aber innerhalb vo es paar Sekunde müesse ufs Töpfli due. Nach 3-4 witere Täg hett sis denn schön chönne verhebe bis ufs WC oder Töpfli und jetzt lömmer d Windle sogar dusse weg.
Bim pisle seit sis immer schön aber wenn sie gross muess, denn fangt sie momentan no afo schreie, macht aber nid ind Unterhose. Han au s Gfühl sie fühlt sich nid eso wohl, wenn sie ufem Töpfli kackelet, obwohl pisi kei Problem isch. Isch das bi öperemnau so gse und was händ ihr gmacht?

momofgilrs

mini sin zwar jünger gseh, aber ha bi beidne girls denn agfange wo si vo sich us hän welle uffs wc… dh si hän afo sage ich muess bisle und denn sin mr zum wc, windle ab, bisle und wieder windle aa (ha denn amigs pants gno, denn gohts schnäller)
und denn wo das scho biz gange isch hän mr denn uff unterbose gwächslet, zersch nur dehei und dusse no windelpants und wo die denn dusse au troche bliebe sin (wills glängt het zum e wc/baum sueche) mit unterhose…
und znacht hani erscht uf unterhose umgstellt wo si über meheri wuche jede morge trockeni windle gha het…
fürs gaggi het die gross zerscht no es paar mt e windle verlangt, dh unterhose agha und sobald si het müesse gaggi mache het sis gsäit, windle azoge, gaggi gmacht, putzt und wieder unterbose 🤷🏼‍♀️ irgendwenn het si vo sich us uffem wc gmacht…
ha eifach alles ohni druck gmacht und so lang / viel windle azoge wie si das hän welle und so hän mr sogar chum unfäll gha….

Tanja87

Hans bi beidne Chind so gmacht wie d @momofgirls und es hed sehr guet klappt. Plus hend mier no es "Belohnigssystem" ibezoge.
Kläberli uf es Tolls Plakat chläbe, wenns ufs WC bislet/ gaggeled hend😉