Kleinkind schenkt Mami keine liebe

Crystal

I fragä nid für mi, aber geits öperem o ä so u cha mir tipps gä? Ds eijährige ching vo mire fründin zeigt sini liebi nid am eigätä mami u geit lieber zu aunä angere aus zu ihre. We si nä nachem schaffe geit ga abhole bi dä grosseutärä wott är nid zu ihre ufd arme u lächlät si o nid a oder so. Si het eifach ds truurige gfüu das si nid ä so ä gueti bindig zu ihm het u äs fruschtet sä sehr u macht sä truurig. I weiss nid was ihre sägä das si das besser cha erträgä. O dahei geit är lieber zum papi aus zu ihre

Eline22

https://www.instagram.com/reel/ChnLlqMpXu5/?igshid=YmMyMTA2M2Y=

Joyce

Cha guet e phase sii nöd? Oder isch es scho immer so gsie?
Es isch nie z spat, e bindig ufzbaue, falls es wüki a dem liit. Git au fachpersone zb emotionelli ersti hilf

Crystal

Äs isch scho immer ä chli so gsi aber jtz wo är d ärmli afaht entgägä streckä fauhts haut no viu meh uf…danke füre tipp Joyce

Danke füre link i leitäs gärn witer

Glöö

Mm.. es tönt bitzeli härt oder so.. ich weiss nöd wie ich si wird ih dere situation aber ich denk man darf ih dere situation nöd egoistisch si und denke, „mis chind muess mich liebe“ oder das zeige. Wie ih dem video gseit worde isch, dis chind liebt dich 100%… nur mal het man meh lust mit öperem si und mal nöd…

Und ich denk wenn s‘chind einem weniger brucht, isch es e chance zum e chli „pause“ ha vom chind. Denn wenn s‘chind dini ganzi ufmerksamkeit wett/brucht, isch das au sehr energieraubend!

snowangel

Da stimmi am Glöö zue.. 😊

Ha au oft ghört vieli hend am afang e person vo da familie wo sie (nöd am liebschte hend) sundern wie wend vo deri person ghulfe werde etc etc.. min Sohn het das au ka.. er het alles nuuur mit mir welle und nüt mitem partner... Mir hend eus beidi denn ahgfange mit dem thema zbeschäftige und am chline dra gwöhne dasses au Papi so guet chan wie mami.
De Arzt het eus empfohle ka, damit ich ebe au mal e "pause" han wills halt ebe wükli energieraubend isch, dassi mal usm hus gahn und de Partner mit eusem Sohn alleige lahn. Und das paarmal mache bis de sohn merkt, heyy papi chas ja au..


Es het rechr ghulfe, jetzt wet min Sohn vieles nur allei mitem papa mache und wet nöd dassi debi bin 😅.

Hofffe es hilft dineri kollegin..

Crystal

Danke öich zwöi fürd tipps. Si chas haut nid aus dankbari pouse aluege ( i wär froh gsi weni mau hätt pousä gha, miner zwe si richtigi mamichläbi gsi i däm auter ) si machts eifach nume truurig wüu si ds gfüu het das är si äbä nid so „liebt“ u si nid a erschter steu steit bi ihm

Eline22

Kennsch du die 5 Sprache vo de Liebi? Evtl. zeigt ihres Kind dLiebi eifach anderscht. Damit mer vom Kind nöd gliebt wird resp. kei Bindig het muess mer sehr sehr sehr viel falsch mache.

Crystal

@Eline22, nei kenni nid. I ha nid ds gfüu das si öpis fautsch macht, si het ä sehr dramatischi geburt gha u ds bebe nid bi sich chönne ha, villäch fäuht eifach irgendwie das glich geng no…i ha o nid ds gfüu das är si nid liebt, aber är bevorzugt haut eifach angeri ( papi, grosseutärä ) u das di das aus mami truurig cha mache vürstah i