Blaue Schatten

enelaa94

Hallo Zemme. Mir isch sit Tage ufgfalle das mini chli Muus 4 Wuche blau um d'Auge isch. und nasebereich? Würdet ihr das go zeige? Han am Mäntig eh de ersti Untersuech. Tuen no es Föteli hinzufüege

Thea

Das ufem Bild gseht für mich normal us, wenn Du allerdings s Gfühl häsch, de Beriich zwüsche Nase und Mund (das „Drüeck“) segi blau, das würi zeige. Chan uf en Surstoffmangel hidüte, mues aber nöd.

Crystal

Genau ä so wid thea würd is o sägä

enelaa94

@Crystalalso würet ihrs vorher go zeige?

Zireael

Ich wür sege das isch will dHuut so dünn isch und sie eher e helli isch gseht mer dAdere und ums Aug sinds denn so blaui Schatte well dHuut so dünn isch. Aber ebe zeige isch immer besser oder de Hebamme es Bild schicke.

Crystal

Chunnt d hebamme no vürbi? I würd gloub nid äxtra früecher zum dokter

enelaa94

@Crystal nei sie chunt nüme leider.

aenderli

Isch sie verchältet oder grad gsi? Mängisch gits das au vo dem.. wills sekret staut erwiiteret das d‘adere rund umd auge und die chönd denn so bläulichi schatte gäh. Oder wie au scho erwähnt wege de düünne fiine huut rund umd auge und em helle huuttyp

Miette

Ver mich gsehts jetzt nit besorgniserregend us. Mini chli 7 wuche alt het das au, we si chli chalt het. T‘hut isch so fiin bi de chline. Da schimmrend gfäss düre.
Wennt dier aber unsicher bisch, chasch ja dum KiA alüte. Denn bisch der sicher. 😉

enelaa94

danke eu allne viel mal😘ich lüte morn sicherheitshalber mal am
Kinderarzt a und fröge obi söll verbi gah.

enelaa94

@aenderli nei also nöd dasi wüsst weg de verkältig. sie nüst viel und chötzlet öppe die . aber hebamme het s'letscht mal gmeint das segi alles normal

benuim

ich weiss dass augering es zeiche vo isemangel chönnt si. für das müsst de chinderarzt aber en test mache. es chan aber au eifach si dass sie vo natur us die schatte het will sie ja e helli isch.😊