Hochsensible Kinder

Lorina

Hät öbber es hochsensibls Chind und möcht sich es biz ustuscha?
Mini Tochter isch 5 und mir vermuaten a hochsensibilität. Im Moment simer an de Chindergaeta igwöhnig, was sich gärnid so eifach gstaltet. si goht gern, aber het recht müa und brucht mi in der nöchi.

Mamelo

Halllo lorina
Chöne eus gern privat bez ustusche. Euses esch zwar no bez jünger aber de begriff hoch sensible brengi sett paar woche au nöme zom chopf us.
Lg

Sti

Hier ou, darfsch mir gärn schribä. Mir hei ou dr Verdacht, dass üsi 5jährigi hochsensibel chönnt si.

LaHappy

Ich kann euch dieses Hörbuch empfehlen, mir hat es sehr geholfen
https://www.audible.de/pd?asin=3955671704&source_code=ASSORAP0511160006&share_location=library_overflow

Mamelo

LaHappy schrieb: »

Ich kann euch dieses Hörbuch empfehlen, mir hat es sehr geholfen
https://www.audible.de/pd?asin=3955671704&source_code=ASSORAP0511160006&share_location=library_overflow

Danke före tipp

Lorina

Vielen Dank für eire Kommentare und auch den Hörbuch Tipp. Geht es in diesem nicht darum, dass die Mutter hochsensibel ist? ider ist es trotzdem hilfreich?

Mamelo

Es git i dem sinn jo kei diagnose so we i da verstande ha. Was get euch denn de verdacht?

Be eus esches vorallem:
- extreme Gruchsinn
- mönsche asammlige löse panik us
- es irrsinnigs gedächtnis
- lehnt körperkontakt ab wott aber das mer physisch ganz nöch esch

Lorina

bi üs isch es:
- es mega gedächnis
- extrem empatisch
- gruchssinn
- fremdi lüt
- gspührt alles bevor mers überhaupt fertig denkt hen
- chunt im Chindi alles mitüber, was si chönt belaste. zb. wenn zwei striten au wenn dia 10m entfernt stöhn

Mamelo

Hemmer jo doch paar gmeinsamkeite. D frog esch nor wie mer die chend am Beschte onderstütze cha

Lorina

ohhh jo, findes so schwirig. mir luagen, dass si so wenig wia möglich überforderet wird, aber trotzdem ab und zua a so gforderet, dass si merkt und lernt, dass es nid schlimm isch und si dia situatione guat schafft.
aber es bedütet recht vill für dia ganz familie. Corona und sehr wenig kontäkt isch ihra gad recht cho ☺️

LaHappy

@LorinaIn dem Hörbuch geht es zwar um die Mütter, aber auch um die Kinder. Da (meistens) hochsensible Kinder, hochsensible Mütter haben. Ich persönlich kann nur gutes berichten und mir hat es sehr geholfen gewisse Dinge besser zu verstehen.

Lorina

Danke für die Infos muss mir das Hörbuch auch mal anhören.

Mamelo

I han mer s Buech "alle antennen auf empfang" no zuegleit aber nonig gstartet, ha denkt i luege mol öb da zo eusere situation passt

Mamelo

We send denn euchi chend als babies gsi? Also wenn da met derm sensible ned nor en phase esch sondern sech wörkli so chli als stärchi und art usekristalisiert werd mer so einiges klar....

Lorina

üsi het als baby vil brüelet vorallem am obet. mit hen si sehr vil umatreit. si het aber au ganz chli sch uf veränderiga stark reagiert. zb wenn a person sich anderst agleit het, het si lang brucht bis si wieder zu dera person isch ( aso sehr nochstehendi persona)
fremdi lüt hen ihra nid dörfa z noch cho do het si gad panik übercho

aenderli

Euse Bueb 4i isch au hochsensibel. Er reagiert starch uf Reiz wie luuti Musig, vill Lüüt, vorallem Lüüt woner nid kennt. Er hett es mega gedächtnis, isch sehr empfindlich uf Grüch und Stoff uf sinere Huut.

Eus hilfts am meischte wenn er eifach en sehr greglete Alltag hett woner sich druf chan verlah. Wenns ihm z‘vill wird dörf er jederziit stopp säge und denn gaht er i sis zimmer oder zieht sich eifach zrugg mit sine Kuschelbäre ( die gänd ihm sicherheit und begleitet ihn überal ane).

Ich finds uu wichtig dassmer dene chind immer s‘gfühl git, sie sind guet so wie sie sind, au wenn ussestehendi oft s‘gfühl hend es sig nid so und das au so üsseret. Eigentlich isches es mega gschänk, aber mer muess ihne hälfe lerne demit umzgah… eus tuet d‘Kinesiologie guet als Unterstützig und d‘PSE woni selber praktiziere.

Lorina

wia schaffen ihr das, dass eueri chind allei im chindergarte bliben und si dete klar chömen.
i muass döte bliba und bim chlinschta wo für si schwirig isch brüelet si.
si chan unmöglich mit ere gruppa chind spila.
bin gad sehr verzwiflet

Mamelo

Lorina schrieb: »

wia schaffen ihr das, dass eueri chind allei im chindergarte bliben und si dete klar chömen.
i muass döte bliba und bim chlinschta wo für si schwirig isch brüelet si.
si chan unmöglich mit ere gruppa chind spila.
bin gad sehr verzwiflet

Duet mer sehr leid das es au grad de fescht belaschtet. Mer hend jetzt 2 johr vorem chindzgi met spelgruppe agfange ebe i de hoffnig es werd de es bezli es dra gwöhne si ond de chindzgiisteg werd ned grad vo null uf 100. I chas au ned alleige det loh es goht ned. I bliebe de am afang dete so en halb stund bes sechs es bez zrecht gfonde het. I ha oft s gfühl es muess sech au vo dem stung im enge garderobebereich erhole. Nach ca. Einere halbstond säge dasi chorz es auto go öppis go hole ond nachher wördis natürli weder cho abhole. Ond do halti mi natürli au dra. I be nonie hei gange sondern warte dosse. Sett wörkli mol öppis si beni grad ome ond uf das dörfs sech verloh.

Lorina

Danka für dini Antwort. Beruigt mi gad es biz, dass es nid nur bi üs es Thema isch. I frog mi ab und zua echt was i falsch gmacht han.
Spilgruppa hani eigentlich au wella, aber da isch üs corona derzwüsche cho. mir sin wege mehrene hochrisiko Persona wo mir Kontakt hen und au brucht hen, seeeeehr vorsichtig gsi.

Mamelo

Verstohni total.
Hm aber i ghöre vo vellne ond gsehs au emmer weder das es no för velli sehr schwerig esch metem chendergarte. Aber au abgseh vom sensibel si, de isteg i chindzgi esch mega hert.
Wa seit den d lehreri dezue?

Lorina

d Lehrerin isch super. si seit Zit loh das chunt schu.
aber jedes mol wenns wieder a schritt retour goht hani wieder zgfühl dass das nia klappet. 😢

Lorina

aber isch beruhigend z köra, dass es bi anderna au nid immer so eifach goht und mir nid dia einzige sin

Niggeli

Mir hend au e hochsendibli Tochter, sie isch ez 3.5. mer hend im Winter mit de Spielgruppe gstartet und wieder abbroche wells nid gange isch. Ez nach de Summerferie wieder gstartet (2x/Wuche bide gliche Frau) und ich bin mit de chline zeme immer det…ich gsen immer wieder chlini Schrittli wo besser gönd ide Gruppe oder für sie selber und bin den mega stolz.
Klar es stresst mi immer wieder dases eifach Chind git wo nach de erste Mal ganz allei blibed und ich eeewig mit „muen“..aber ich denke das brucht sie ez..
Ich han aber ez scho respekt vorem Chindsgi