Kind isst einfach nicht gerne.

Angii85

Hoi Zäme
Min Sohn 2Jahr 3 Mönet isch eigentli e völlig z fridbes energiebündel, nur er isst eifach nöd gern 😅
Zmorge isch nöd so es problem meischtens, zmittag isst er je nach lust und luune und bim Znacht das selbe... ich mach für ihn sogar eigentli immer öppis woni weiss daa ers gern het, will so öppis neus probiere vo dem wo mir au ässet find er nöd cool...
Frücht zum zvieri usw.. das isst er au wieder alles super..
Wie bringt mer s chind ächli nächer as ässe? Es iach übrigens scho immer es thema gsi, nöd erst neu so..
Kennt öpper das au und ab wenn hets besseret?
Mich störts eigentli nöd so, s problem isch halt denn au meh, vorallem wenner nur wenig znacht isst, das er au nöd mega guet schlaft denn...
Shoppe nützet nüt, hetter sich mit 11 Mönet abgwöhnt und niemeh eine welle... 😅

minggi

Hallo, das chönt doch glatt min sohn sii. Er isch 1.5 jährig und het z gliche verhalte. Ich tue da gärn mitläse🙈

Mayla

Hoi zeme. Da isch bi üsre tochter au scho sit immer e thema gsi. Bin ihre oft bim spiele mitem esse nohkroche.. do sie au liecht isch und nöd lang sitze bliebt hemer irgendwen agfange, dass sie dörf en video luege.. ich oute mich jetzt mol.. es isch sus immer en mega druck gsi wegem gwicht, obwohl ihre nüt fehlt (hemer alles abklärt). Jo toll findemers nöd, aber so bliebt sie länger sitze, isst e gueti mengi und au vo de uswahl viel meh, was jo au nöd schlecht isch wens vom gschmack her an verschiedenes gwohnt sind. 😐 ohje, bi au gspannt wen sus öper tipps het, es git jo vieles wamer cha geh zum meh kalorie drunder mische oder bim koche scho probiere loh, aber mengemässig isch da den au nöd weltbewegend..

Angii85

Ja ebe, das isch es ja gad... und etzt gad het er eifach wider e verkeltig und isst no weniger und denn h3nds eifach gad eh scho kein vorrat meh ume 😅
Luut kinderarzt isch bi üs au sus alles i.o. und er isch wüki es mega enrgiebündel aber ebe... mer senkt doch immer: cgum iss doch mal chinnd 😅🤣

Angii85

Mine isst übrigens de zmittag meistens ide stube, sus gahts gar nöd.. bim znacht wenn au de papi ume isch, sitzt ee gern au am tisch (was nöd heisst das er denn au was isst) 🤣

Mayla

Jo vorigs hens den nöd viel, aber e knochegstell isch sie nöd eifach fiin. Mir hen 2x bluettest und 1x stuehlgang teste loh. Sie isch au fit und gschied 🤷‍♀️. Ich hoff spöter wird sie au normal esse und mit üs anesitze und schwätze 🙂

minggi

Aso ich glaub es git eifach so kind. Üse isch mit über 4kg ufd welt cho und sit den ischs ässe es thema. Er ghört ez eher zude chlinere liechtere. Het jetzt 10kg mit über 1.5 jährig. Fleisch, gmües, härdöpfel isst er gar nid. Milchprodukt sehr guet aso käs joghurt. Und er liebt alles süessi. Ich choch für ihn eig nid äxtra. Bluetwärr sprich iise hät er gnueg. D kinderärztin het gmeint sie holet sich scho das wos bruchet. Ich hans chli akzeptiert das er halt mängmal z mittag meh ah bode rüert statt was z ässe. Er het 1x milchschoppe am abig. Mit druck gahts nu viel schlächter. Er sitzt bi üs am tisch wemer ässet. So lernt er wie meh sich am ässtisch verhaltet und de umgang mim ässe. Ich biete ihm alles ah, er muess aber gar nüd...

Sonnenblümchen

Isch bi euis au so. Ich han am afang mega müeh gha und bin ihm au immer hinedri mitem ässe, hauptsach er isst öpis, mittlerwiile hanis ufgäh und vertraue druf dass sin Körper weiss was er brucht. Es git täg da isst er nur Chohlehydrat, es git Täg da isst er nur Frücht/Gmües, dänn gits wieder Täg da isst er praktisch gar nüt und dänn wieder Täg wod chum nache chunsch mit ässe bringe. Ich akzeptiere das jetzt so und ‚go with the flow‘ 😄 abgseh dävo dass er mega abgstürzt isch uf de Perzentile isch er sust top däbi, körperlich und au mental ehner wiit. Also wirds ihm a nüt fehle 🤷🏻‍♀️ er isch jetzt halt ehner en chline und fiine.
aber ich weiss es isch als Mami schwierig zum das eifach akzeptiere, verstahn dich voll ♥️

Angii85

Ja isch wüki schwierig.. mir sind mit de milch damals immer überall z oberst gsi ide perzentile und wo er kei milch meh het welle isch d grössi zwar immerno ganz obe aber s gwicht recht unde.. also uf sini 90cm hetter 11.5kg 😅

AnDu88

I kennes au, Junior het zwar alles gässe aber immer nur mini Portiönli mängisch au nur 2 Löffel voll und hami wäge däm immer müesse rächtfertige und d Schwigi het jedes mau gseit das sig doch nid normal und er sig sicher chrank 😐 aber er het eifach nid meh brucht und ig hami uf das verloh. Mittlerwile ischer 6i und isst au eher chlineri Portione und au nid immer glich vill.
Sini Schwöster isch 4 Jahr jünger und verschlingt praktisch meh als s Dopplete vo ihm…dr ganz Tag ghöri nur „Mami ig ha hunger“ vo däm Momänt a wosi am morge d Auge ufmacht 😂 das isch würklech s aller erste wosi zu mir seit 😂 es isch ächt asträngend die ganz Zit ässe parat zha und vorallem weiss si de glich nid was si wott und steit vorem küehlschrank bis si de sich ändlich entschiede het 🙈

Eh ja, i kenne beidi Sitene und cha säge es isch beides uf sini Art und Wiis asträngend.
Aber d Chinder näme sich das wosi bruche und i verloh mi uf mis Buchgfüehl ❤️

Angii85

Ich gseh, ich stah nöd allei da.
Als mami denkt mer oft das mer doch villicht öppis falsch macht 🤷‍♀️

Mayla

Jo i denk au me chas nöd ändere und dhoffnig dases anderst wird.. naja wens mit 6 no so isch 😅. Den muesme die best lösig für sich finde. Bi mir beruhigts mit luege dass sie 1-2 hauptmohlzite richtig isst und i so au gseh, dass sie mit de nährstoff abdeckt isch 🤷‍♀️

LillyFee

Meh bringt de Chinder oft bii, eifach z ässe wenns ässenszit isch.
Das heisst z.b em 8ti z früähstuck em 12i Zmittag und 6i z nacht.
Rein biologisch her z dümmste was meh chan mache, will z baby im buch glernt het, denn z ässe wenns hunger het. Der natürlich instikt bhalte einige chinder bii und ässe eifach denn wenns ihne paast. chan guet mögli si, das euri chinder zu de gruppe khöre, was eigentli sehr postiv isch. Si oft chinder wo schlank blibe und extremi leistige hervorbringe
aber cha natürlich au x anderi Gründ hä🤷🏼‍♀️ beobachte und au em chind mal über en lengeri ziit chance gäh sis ess verhalte usläne würdi säge
aber klärets doch au mal bime arzt ab

Angii85

Ja ufe art hesch sivher recht, wiedrrum hend mit nöd so fixi essensziite, ich lueg da scho sehr was er seit wenn er esse will..
Ich denke eifach au i dem alter i dem moment liget au eifach d intresse vo de chline bi anderne sache und si gsehnd im esse kei wichtigkeit..
So wie ich gseh ha hends die meiste ja scho ärztlich abkläre lah 🤷‍♀️😊

momofgilrs

mini kids ässe au nid viel und sin au biz heikel…
dh gits am morge wenn si sage si möchte zmorge ihr jogurt & biz saft… denn „snacks“ dr ganz dag denn wenn si sage si bruche was (zb div. frücht, weggli, salzstängeli, crackers, mol es guetzli odr was au immer)
und am obe koch ich denn richtig und mir ässe alli zämme mit mim maa wo denn vom schaffe heichunnt znacht. so ässe si meischtens super znacht ☺️an däg wo mr zb unterwägs sin mit anderne und si irgendwo uswärts was „warms zmittag“ hän ässe si sehr wenig vo däm warme und zobe denn au nomol wenig vom znacht…
si bruches glaub eifach nid zweimol…
und solang si noni „fixi zyte“ wägem schuelsystem hän lön mir das so… passt für uns eifach am beschte.