Kaiserschnitt Babys sind unruhiger?

BAS

Ist das wahr? Wie sind eure Erfahrungen? Siehr ihr Unterschiede zwischen Kaiserschnitt und Normalgeburt Babys?

AnDu88

Ig ha zwei KS gha, Chind 1 isch sehr unruhig gsi, het oft brüelet, schlächt chönne ade Brust trinke und het seehr vill körperkontakt brucht, ablegge isch nid gange au ide Nacht het er nur uf mir chönne schlofe.

Chind 2 isch s pure gägeteil gsi, sehr es ruhigs und zfriednigs Baby wo vo Geburt a super trunke und immer 4h am stück pfuuset het. Ha si au guet chönne anelegge und si het sich selber beschäftigt.

Aso würdi behaupte dases nid unbedingt öbbis mit de Art vor Geburt ztue het. Chunnt au chli druf a wied Schwangerschaft und Geburt abgloffe isch und au um alli andere Umständ.

Miette

Ich schliess mich da der @AnDu88 a (@AnDu88 du bringsches eifach immer ufe punkt 😊). Han au zwei chind per KS gebore & beid chind si total entspannt & zfriede. Abgesehen vo de buchchrämpfli wo beid gha heind, si sie sehr ruehigi babys (gsi). Cha also nit bestätige, dass durch de KS zbaby unruehiger isch als bider vaginal Geburt.

snowangel

Bi mir au wie bi de @AnDu88

Mimar

Ich han au 2 Kind per KS gebore und beidi sind sehr ruhigi Babys gsi wo praktisch vor Geburt ah dure gschlafe händ😊

Zireael

Mini chlii isch au e ruhigi und perKS gebore😄
aber chönt mer vorstelle das wenn für dich de KS e Belastig isch und du nacher gstresst/ traumatisiert bisch das es Baby das gspührt und den au unruhiger isch.

minggi

Also miis spontan geborene chind isch alles anderi als ruhig. Es energiibündel, ständig uf trab und en schlächte schläfer. Glaub meh charakter sach statt en frag fudr geburtsart🙈

BAS

Nei gar ned eher belastig vor normalgeburt. Au scho bim 1. Mal en schlimme geburt ka u denn es schreibaby

Niggeli

Würi au nöd unterschriebe. Ich han zwei Mal e spontan Geburt gha. Ersti Geburt sehr guet gsi und nacher es High need Baby. Zweiti Geburt seehr schnell mit churze Apassigsschwierigkeite und es dütlich entspannters Chindli😊

simi99

Han zwei KS gha und han zwei sehr ruhigi babys