Gott u bätä erklärä

Crystal

Wie heit dir öinä Ching erklärt was bätä isch? Wär das Gott isch? We dir säuber nid glöibig sit? Mi Sohn het mi hüt mit denä Fragä überrascht u i ha nid so rächt gwüsst was sägä🙈

Mimi89

Puuh ich wird irgendwenn au mit däm konfrontiert,und lies do gärn mit:)

Stephanie1987

Mir sind au nid mega gläubig. Üsi tochter isch tauft und ich bätä mit ihre am abig es chindersprüchli. Mir wünsched üs jetzt e chinderbible uft wiehnachtä zum vorläsä, (sie liebt gschichtä losä am abig)das sie chli weiss um was das goht. Ich finds eifach schön wenns e chli ahnig hend vo all dem, was sie drus macht isch ihre überloh. Mir gönd eigentlich nie id chillä ussert taufi ,hochziit und beerdigunge aber isch doch schön wenns a öppis dörfed glaubä.

Lilamama

Ich wür säge dass es lüt git wo a es wese glaubed wo im himmel wohnt und dass wenn sie betet, sie versueched mit dem wese wo gott heisst z rede oder danke z säge für öpis

samira.

Finde endwieder erklärt mehs richtig oder garnid 😃 git mitlerwille vieli kinderfründlichi bücher und grundwüsse het ja glaub jede vo üs chli egal vo wellere religion git mitlerwile sogar apps wo vorlese vode bible wens dis kind intressiert ish doch schön♥️

snowangel

Mir hends mega herzig erklärt ich chan mich no sehr guet erinerre, mini Familie het mer immer gseit Gott isch euse Vater und mir sind alli sini chinder, er seg sooo gross dass mir alli in sini handflächi passet und er eus eso beschütze tuet 🤍🙏 das mir.denn bi ihm chönd bette für e bitte zbsp dass mir alli gsund blibet aber das mir eus au bedanket tüend. Mir tüend i de Nacht vorem schlafe bette und so öpis schöns am Gott chönd sege wo mir grad wend...
Ich wirds mini chinder irgendwenn denn au eso zeige willis eifach mega herzig gfunde han als chind und ich finds jetzt no..

Ich find es git aber vieli schöni Arte das dim chind zseige... Chunt halt au druffah.wie tüfgläubig me isch und was für es Glaube me het... Und unbedingt findi wichtig am chind die Entscheidog überlah ob er das wet oder nöd...
🤍

Crystal

Danke öich aune, bis jtze si keni Frage meh uftouchet vo Site mim Sohn☺️

@Samira. Wi würdsches de du richtig erklärä amnä Ching wo no nie öpis vo Gott ghört het? Är isch füfähaub. Mir si nid glöibig u dür das isches bi üs überhoupt kes Thema. Gar nid erklärä isch schlichtwäg nid müglech wüui mim Ching immer ä Antwort uf sini Frag wott chönne gä