Geplanter Kaiserschnitt

samyra

Mich würs interessiere wer alles en plante Kaiserschnitt ka het und was d erfahrig gsi isch. Ich ha mich für de KS entschiede und bereus gar nöt. Es isch alles beschtens gloffe und würs jederzit wieder eso mache. Mini Fraueärztin het mir au gseid wenn sie ehrlich isch seg das effektiv dä sicherschti Weg fürs Baby und Muetter, aber das dörfi mer halt nöt lut sege. A dere stell bitte nöt falsch verstah ich finds au völlig ok und guet wemer e natürlichi Geburt het aber finde jedi Frau muss und söll sich selber dörfe entscheide was sie will.

simi99

Ich han au zwei planti KS gha han aber au müsse bi d schmal bauet… aber ich muss sege ich han zwei so gueti erlebnis gha. Praktisch kei schmerze nachem zweite KS binich sogar en Tag speter heigange willich nix gmekrt han aso ich bereus au kei minute isch definitiv e schöni geburt gsi zweimal.

BAS

Icha bald min 1. Geplante kaiserschnitt nach normal geburt.
Bin gspannt druff und finds grad guet positivs dazue zghöre:)

Zireael

Ich ha au en Plante gha und min FA het sgliche gseit wie dini. Ich has mega easy gfunde und e Natürlichi Geburt chämt für mich gar nüm in Frag. Aber mer muess au gseh isch e grossi OP. Ich seg au immer en Plante KS cha mer nöd vergliche miteme Notfall KS. En Plante isch sowas vo sicher!

samyra

@Zireael ja das isch definitiv eso…en Notfall-KS isch bestimmt unschön und cha traumatisiere. Ich kenne es paar Fraue wo eine ka hend und diä brichtet natürli nur negativs. D Schmerze sind viel meh wills ja schnell mönd ufschnide. Bim plante KS hingege hends gnueg zit zum schonend vorzga. D Angst voreme Notfall-KS isch eine vo de verschiedene Gründ gsi wieso ich mich für dä planti entschiede ha. Es isch aber definitiv e grossi OP womer wie du seisch nöd ganz sött unterschätze. Schlussendlich erlebts jedi Frau andersch.

samyra

@BAS alles gueti für din KS du wiersch gse es gaht mega schnell ume d OP und es isch en mega schöne Moment. ☺️

Zireael

@samyra Gseh das wie du. Ich muess au sege dasi nachem KS nöd sgfühl gha han weniger gleistet ha. Das hend ja au viel Fraue nachem KS. Ich bi mega stolz gsi dasi en KS ghs han und de so essy gmeiszeret ha 🤣 Ha au sThema KS uuu spannend gfunde.. bi da aber evtl chli spetziell 😂

Nalan83

i gseh dss so wie @samyra i ha en not kaiserschnitt gha sisch de horror gsi, und ich kenne sehr vieli wo e plante kaiserschnitt gha hend und die hends viel besser gha sisch würkli en unterschied schins…!!

PaM

Ig schliesse mi ebefaus ar Nalan83 u Samyra a

snowangel

Ich ha au beides ka, en sekundäre Kaiserschnitt und en gplante Kaiserschnitt bimene gplante Kaiserschnitt hanis für mich guet gfunde obwohl ich 24 stunde wehe ka han, aber ich has easy gno und bi langsam am abig is Spital ohni stress ( ich ha au denkt des sind üebigswehe bissi denn gmerkt han sie werded stärker am abig..) willich eso langsam han chöne psychisch vorbereite ufs wuchebett. Es verlauft alles sanfter, ärzt sind nöd eso hektisch unterwegs und dir wird alles in aller ruhe erklärt und mite ärzt lache wills sies so schön versuechet zmache.. bi dem sekundäre Kaiserschnitt hani nur brüellet die ganzi zit nach 9 stunde wehe.
En Notkaiserschnitt wird sowit ich weiss bi vollnarkose gmacht wenn smami oder schind in gfahr isch oder vorzeitigi plazentalösig... Das hani zum glück eso nöd erlebt.

Wetsch es denn gern plane?

Behappy22

Hallo Zäme

Klar mues jede selber wösse waser wet mache,-
aber fendes no wechtig das ehr scho au wössed das Kaiserschnitt ned eifach emmer nome guet usechont. be eus het de chli zb während em kaiserschnitt fruchwasser ihgschnuufet und het de of neonatologie müesse und da cha öfter be kaiserschnitt wie be normaler gebort passiere,welsi wie z schnell ad loft chömed und de z schnell afönd schnufe-iwot niemertem angst mache-aber fende mer set scho au de teil erwähne..

Zireael

@Behappy22 duet mer leid das du schlechti erfahrige gmacht hesch. De Planti KS isch luut Ärzt e sehr e sicheri OP. Passiere cha überall leider öbbis au bi de normale Geburt. Eigentlich alles wo mer macht cha irgendöbbert treffe wos schief gaht drum isches au nie zu 100% sicher das giltet für alles leider.

Behappy22

guete morge
das glaubi dases eher secher esch-es het mi npme donkt es esch sehr positiv und easy dröber gschrebe worde und i fend mer set halt beid aspekt erwähne darom hani mini erfahrig no dri gschrebe:)

Zireael

@Behappy22 eigentlich sött mer ja guet über KS OP ufklährt werde😄 Ich ha zB im USZ müesse alles go aluege und mich ufklähre la. Davo hani e KS ufklährigsgspräch gha mit eme Arzt und Anästhesisten. Da sind all Risikos mir bewusst gsi und ha gwüsst was cha passiere mir oder mim Baby.

Behappy22

das tönt guet😊👌