Pille Qlaira Erfahrungen?

AnDu88

Het öbber erfahrig mit dere Pille? Bi grad vor FÄ cho, ha e Termin gha zur Besprächig vo Verhüetigsmethodene, da ig jo grundsätzlich mit de Kinderplanig abgschlosse ha. I würd mi eigentlech gern lo unterbinde aber ersch nachere 1-2 jährige bedänkfrist.

Da üsi bisherigi Kalender/CI Methode und gelegentlich Kondom für das zu unsicher isch und ig uf kei Fall möcht schwanger wärde, muessi wohl oder übel uf es Hormonpräparat zrügg griffe…obwohl ig das eigentlich nid wett 🙈

Jetz het mini Ärztin mir d Qlaira Pille verschribe, die sigi guet für Fraue wo süscht scho depressivi Verstimmige/Stimmigsschwankige hei.
Het öbber erfahrige mit dere Pille?

SHAYENNE

Ich cha der i dem Berich nöd hälfe. Aber e Kupfer- oder Goldspirale wäri kei Option?

AnDu88

Nei, vo dere het mer mini alti Fraueärztin abgrote und die neui au grad. Da d Fraue sehr oft starch und lang blüete. Mini besti fründin het au die lo mache und so starch blüetet dass fasch nüt me verhebt het und au zu allem häre no sehr lang 🙈 wäge dem isch das kei Option gsi für mi.

Crystal

Hallo, i ha ä Zitlang mit der Pille vürhüetet. Si het dr Vorteil das si am natürleche Zyklus apasst isch, äs het nid jedi Pille dr glich starch Inhautsstoff, hesch o ke Pillepouse, nimmsch immer eini wüu äbä nid i aune ds gliche isch. I ha sä denn gno wüui mit dä normale geng ha Chopfweh gha ir Pouse. Wäg dr Stimmig cha i nüt drzue sägä. Aber i würds mau drei Mönet oder so usprobiere…i ha o nüm jedes mau Periode gha u wenn de nume sehr schwach u churz, isch aber villech o bi aune chli angers

Nalan83

und wenn di partner sich duet lo unterbinde? also ich ha au definitiv abgschlosse mit chinder planig und wot kei hormone ect. näh mache due was au emmer😅 ha mim ma gseit so jetzt besch du mau dra cha au mau de ma öpis mache..und das esch vorallem am eifachschte und es esch sone chline igriff wo ambulant gmacht wird bide manne…!also mer hend eus für das entschede, er het sich zwar nonig getraut zgoh 😅 aber mer werdes so mache…

AnDu88

@Nalan83 Das isch mi erst Gedanke gsi aber das chunnt für ihn überhaupt nid in frog 😅 er selber würdi gärn no es 3. Kind ha aber i ha gseit für mi isch fertig, so nach 6 Johr durchgehend schwanger und stillend, hani endlich wieder mi Körper zrügg.. ha die Zit sehr gnosse aber bi au froh wenn die chlini jetz langsam selbstständiger wird und ig wieder chli meh zit für mi ha und freue mi zgseh wie si gross wärde ❤️ wäge däm würdi mi eigentlich süsch selber gern lo unterbinde lo, was er de aber au nid möchti, dasi das mache loh. 🙈

Lilamama

Ich ha die es zietli gha und isch ok gsie, nöd wük anders als anderi aber isch mer denn z tür worde.. bi no jünger gsie😉 btw: s isch din körper!

AnDu88

@Lilamama hmm stimmt, si isch eini vode tüürste Pille wieni gläse ha, aber das isch zweitrangig.
Ja da hesch du rächt, es isch mi Körper. Aber ebe mi Maa möchti eigentlich gärn no es 3. Kind, so wie er seit, vilicht sogar no meh am liebste(🙈) zudem meint er, ig wirde mini Meinig vilicht nomol ändere… Und wäge däm wär das mi Kompromiss, falls ig i 1-2 Johr immerno dä festi Entschluss ha, dasi keis witers Chind möchti, gohni dä Schritt vor Unterbindig… will ig wett sicher nid mis räschtliche Läbe lang müesse Hormon schlucke oder sorge ha, dasi unverhofft schwanger wirde.

LillyFee

Ha d Pille nie gno ha z Implanon kah isch aber au sehr umatritte
Wenn dine mah en Vasektomie macht, ischd as grundsätzlich au wieder möglich rückgänig z mache (nur so ☺️)

AnDu88

@LillyFee Ja d FÄ het mer diverses vorgstellt, was me chönnti als Verhüetig neh. Bisher heimer ebe e eher unsicheri Methode gwählt will mir gseit hei wenn e „Unfall“ passiert isches nid schlimm. Aber do stoh ig jetz ebe nümme drhinder.
Für d Unterbindig bir Frau isch mini FÄau eher kritisch gägeüber gstande, het au gseit bim Maa sigis e viiil chlinere und weniger invasive igriff. Aber ebe, einigi Männer si do düre speziell… für mi Maa chämti das überhaupt nid in Frog 😅 (chönnt jo abfuule oder so 🤪) schlussendlich isches au ihre Körper…

LillyFee

@AnDu88 Ja das isch eso
Weiss nur das vor Kollegin dr Mah beruhigt isch gsi, sobald är gwüsst het , dass är jederzit wieder Rückgängig chan mache ☺️