August-Babys 2023🍀🌸✨🐣🦁

selin

Hoi zämä, wer erwartet im August es Baby🤗 hanvor paar Täg derfe positiv teste bin aber no sehr vorsichtig, will ich schomal e fg gha han. Chans garnöt richtig gnüsse🫣 drum freui mi umso mehh zum mich mit eu ustische🥰

selin

Ustusche*

Min ET Termin: 06.08.2023

Kosmea

@selin ha dir e pn gmacht 😉

budii11

Hey Selin, gratuliere 🥳🤍 bi mer wirds ned August sondern Juli 🫢 wie gods der bis etz? Wenn hesch en Termin bim FA? ☺️

selin

Hoi @budii11🤗Danke vielmal. Gratuliere dir au🙏🏻Mir gahts guet, mini Brüst ziehnd sehr und sust isch mer amigs flau im Mage. Sust merki nüt. Wie gahts dir?

Min Termin isch am 14.12🥰

budii11

Mir gahts sit de 6ssw schlecht.. Kreislaufprobleme, Übelkeit, flaue Mage 🙈 ha Medis gege Übelkeit becho und mit dene esch bitz besser. Ha morn mine Termin, bi mega gspannt ob alles guet esch☺️

lin19

Hey selin - ❤️-liche Glückwunsch zur SS🥳

I ha am Wuchanend au dörfe positiv teste, freu mi mega, aber bi au no kli ängstlich, weili im Summer a FG gha ha.. i hoff fest für üs, dass damol alles guat goht🍀🙏🏼

selin

@budii11

Alles guetti für din Termin! Chunt sicher alles guet. Meld di denn🥰😍

@lin19Danke viel mal dir au herzlichi Gratulationn!!❤️Ich verstahn di, aber mir münd positiv denke, denn chunts hoffentli guet🙏🏻🤗

budii11

@selin ha de Termin gester gha und es gseht alles super us. Hed sich sogar bewegt 😍 wie es Gummibärli heds usgseh 🫢 Übelkeit hani leider emmer no sehr stark und bin unglaublich müed. Hoffe so sehr, dasi es bald gnüsse cha. Momentan esch es leider ned so schön.. mage au kaum en Haushalt was mache😩😄

selin

@budii11 Mega cool! Freut mi mega für dich jezt chasch dureschnufe.
Ich bi ab de 20.00 scho KO und chönt schlafe🙈

Kosmea

Hallo zäme!
Wie gohz euch? 😊 ich ha hüt mini erst Kontrolle gha und würd mi freue, mich da chli mit euch usztusche 😊. Min ET isch de 7.8.2023.
Lg Kosmea

selin

@Kosmea

Mir gahts wieder besser, han e FG kah vor ca 8-9 Wuche.. bi mega down gsi wills die 2. fg gsi isch.. und denn isch es Wunder passiert & zack bini schwanger worde en Zyklus druf. Bin jezt bi 4+5🥹 & hoffe dass dasmal alles guet chunt..
Bin leider nüme im August chat sondern im September aber liese sehr gern bi eu mit🌻🥰

Wie gahts dir so? Wie wiit bisch jezt?

Kosmea

@selin ou näi, das tuet mir so wahnsinnig fescht leid für euch! Und was füres Wunder! Truur und Freud so nöch binand! Ich drücke dir vo Härze d Düme, dass es das Moll sich ganz fest festchrallt und bi euch bliibt! 💝
Mir het imfall das E-Book vode Rosa Koppelmann „Schwangerschaft nach Fehlgeburt“ immer sehr ghulfe, mim Körper Vertraue z schänke…
Wie gohz dir denn jetzt? Merksch scho wieder öpis?

selin

@Kosmea Danke viel mal🙌🏼🌸Ja hetts nie dänkt.. bin so down gsi.. mittlerwiile gahts mer besser d‘Angst isch natürlich wieder gross. Ich probier positiv zsi und mim Körper zvertraue.
Hoffentlich chunt den alles guet🙏🏻Danke für dini Empfehlig, wirdi mir sicher aluege❤️🥰

Wicky

Huhu zusammen...ich schleich mich mal kurz zu euch rein. Bei uns ist der Kinderwunsch abgeschlossen, daher hätte ich noch ganz viele Sachen wie Newborn,-BabyKleider für Jungs oder Unisex in Farbe weiss, gelb, beige von Grösse 50-86 günstig zu verkaufen. (CHF 2-3.- /pro Stück)
Maxi Cosi Autositz, Babytrage Bondolino, Spielzeug, Stillkissen, Lauflernwagen, Badwannensitz, etc. sind auch noch preisgünstig zu haben.
Wäre schön, wenn jemand ander noch Freude daran haben kann oder froh wäre um gut erhaltene preiswerte Occasionsartikel.
Bei Interesse einfach melden und PN schreiben.
Abholung im Aargau (Freiamt) oder per Postversand.