ICSI

rayshel

hallo mitenand
bin recht neu da .. hani denkt frage direkt mal
bald staht mini ersti ICSI ah wegem schlechte Sperma vo mim Partner .
bin 24 & er 28.
hender vlt Tipps oder hets bi öpertem vo eu bim erste mal klappt ? bin froh um jede Tipp 😄🤍

Zireael

Viel Glück 🍀
Bi mir hwts bim 3te mal klappt und isch jetzt 5 Mönet alt🥰♥️ Wens nur am Sperma liit stönd eui Chance mega guet.machsch sLange Protokoll? Oder wie wiit bisch i de Vorbereitig?

rayshel

hey hey dörfi frage was bi dir sproblem gsie isch wenns für dich nöd unangnehm isch.
wie meinsh du genau slange protokoll?
ich würdi im januar starte .. vorbereitige sind eigl micj gnueg gsund ernähre bevori afange und gnueg magnesium neh. weiss nöd öb das denn würklicj hilf hihi 🌸danke viel mal & wow wie schön hets klappt bi dir glückwunsch 😍❤️

Zireael

Danke🥰 sie hend bi eus nöd würklich en Grund gfunde nur bi mir e Eizellriefstörig(Follikel zlangsam gwachse) und e Gelbkörperschwächi).
Bim Langeprotokoll hani zerst e Pille müesse 1 Zyklus vorher neh da isch alles quasi inen Winterschlaf gschickt worde damit im nexte Zyklus kein spontane Eisprung stattfindet und alles uf de Tage Timte isch.
Falls Frage hesch chasch immer fröge🥰

Zireael

Am lange Protokoll seisch au Downregulation

Adorable

Aso i ha au im 2019 e ICSI gmacht, hed grad bim 1x klapped. 😊Im Maa sini Schwimmerli send au zlangsam gse und be mer esch 1 Eileiter ned so gued durchlässig gse.
Öb i s lange Protokoll gmacht han, weiss i gar nüme. Han vorher es Hormonpräperat mösse näh (Primolut N) 🤷🏻‍♀️

I wellere Klinik besch?

Zireael

@Adorable Ja genau Primolut N hani au gha das isch sLange Protokoll mit Doenregulation😊👍 ha nüm gwüsst wies heisst. Und nachdem mers absetzt chunt ja ca3-5 Tag spöter Mens und den muesch Kontrolle und Hormon neh

Adorable

Genau.. demfall hemmer au s lange Protokol gmacht.

Aber mer hend d wege Überstimulation d erscht im nöchschte Zyklus chönne starte (Auftauzyklus) und d heds grad klapped. 😊

Zireael

Ich ha au e liechti pberstimulation gha mit 21 Eizelle🙈ha aber den knapp doch no eine dörfe mache🙈bi den bi 1 und 2te Transfehr Schwanger worde isch aber leider nöd blibe😞dafür isches bim 3mal blibe☺️♥️

Ha den no Asperin bis zur6 Wuche mpesse neh und Progesteron bis 13ssw

rayshel

@Zireael
danke viel mal fürs antwort .
ah okei , ja sie het bi mir au gseit das es wahrschindlich guet cho wird , aber frage mich amel öpis epis geh wird wo wichtig wär( vlt hesch du oder ihr tipps)
ich glaube ich werde am 1 tag vode täg tablette becho so hett sie es mir erklärt also ich es glaub kei langeprotokoll.
Jedi Fraj macht ja was anderes , nimmt no epis für einistung, weissi ebe nöd ebi das au söll nahfrage .
was het bi eu gholfe oder was denket ihr oder du? ❤️

rayshel

@Adorable
guete tag
ich bin im fiore in SG und du?
was isch begründig gsie wieso eh langs protokoll bi dir?
sölli das ahspreche?
ich han biz bedenke das weni alles ie einem zyklus mache werde es nöd richtig einiste wird will es irgendwie zspot chönnti sie..

Adorable

@ZireaelI ha ebe au 25 Eizelle gha.. 🙈 Und mer hättets au chönne versueche aber sie hends üs abgrote und d hemmer halt nomol gwartet.. hed sech glohnt. 😊Ohjee d denksch hesches gschafft und d das.. aber demfall hesch no gnueg Eier aber gha und hesch ned mösse vo vore afoh.

I bi z Olte gseh.. Fertisuisse.
Weiss gar ned sie hends so vorgschlage, i glaub sie möcheds eifach so, esch warschindli vo klinik zu klinik verschiede , wie sie so d Erfahrige gmacht hend.
Frog doch mol noche id Klinik, d chönnds der secher uskunft ghä, wenn unsicher besch. 😊

Zireael

Ich bi da biz a dSatistik bunde und mer muess gseh grad i mim Alter dazemal (35gi)das es halt doch viel Gen schäde bi de Embryone git. Du bisch ja mo jung😊 viel mache chasch nöd. Am Arzt vertraue und uf sini Bruefserfahrig vertraue findi wichtig.

Ich ha eifach Hcg 3 mal nach Transfehr gsprützt und 3x200 mg Utrogestan und Bluetverdünnergno.

Aber am schluss isches eifach de gsundi Embryo gsi wos gschaft het🥰

Ich glaub meh mache chasch nöd als hoffe das de Embryo gsund isch.

Wasi wett sege ich glaub nöd dra das mit mach der kei Stress oder mach das und das oder nom die Vitamine etc witer chunsch. Mich het das meh gstresst🙈 und ich bi mitte im Wiehnachtsverkauf plus Lade Umbau gsi wos klappt het🤣

Zireael

Ich glaub au das es vo Klinik zu Klinik verschiede isch mit dene Protokoll jede het so sini eigeti Erfolgstrategie.

Zireael

@Adorable Zum Glück hani no gnueg im Kryo für snexte😁 woow 25 isch au happig🙈 wie alt bisch du ? Hesch au no Kryo?

Adorable

@ZireaelI bi 34gi. Jo i ha no gnueg/zvell 😂
Well bim 2. heds d eifach so letscht Johr,natürlich ohni Problem klapped. 🤷🏻‍♀️ Und föres witers werde mer nüm i klinik gha.. entweder klappts d oder mer hend üsi 2, da längt au. 😊

@rayshel

I cha d Zireaell nur Recht ghä, es klappt wenns klappt.. i ha mi au ned gschonend im Gschäft (au Verchauf) oder ergendöppis speziells gmacht vo d Ernährig her..

Zireael

@Adorable Soguet das es eifach klappt het bim 2 te🥰Mirhoffet au sehr das es bi eus au so isch. Lls nach 1Jahr es nöd klappt würed mer wieder id Klinik ga☺️👍

rayshel

danke viel mal für euri hilf tuet guet ghöre das mer sich nöd so en stress muss mache haha )
und wow sehr schön hets denn eifach eso klappt
das beruhigt mich grad mega au ghöre das es schnell klappt het und alles
danke namal 🌸❤️

sara008

@Zireael
Sorry, dass ich mich da eifach so drimische🙈
Ich fang ebe bald ä icsi a bide gynart z zh, min fründ sis spermiogramm isch leider nöd guet gsi (OAT). Ich ha PCOS, aber sit 3 Zykle regrlmässigi Zykle und au jewils en ES..
Ich ha mega schiss vor überstimulation und dass mini eizellene leer sind (schins chunt das vor bi pcos). Wie isch das gsi bim stimuliere und was sind d nebewürkige gsi?

Danke für d hilf!

Zireael

@sara008 Bi de Gynart bisch i de beste Händ! Bin au det gsi.

Ich ha praktisch nüt gmerkt und ha 21 rifi Follikel gha😄OP isch mega easy das gaht ganz schnell. Nacher hani biz e art Mensschmerze gha bi aber am nächste Tag scho wieder go schaffe.Du wirsch det guet kontrolliert und Medis werdet immer wieder apasst. E liechti überatimulation chas ge hani au gha, isch nöd schlimm. Viel viel würkli viel Wasser Trinke bis 3 Liter und viel Eiwiss esse.

sara008

@Zireael
Danke für dini ufmunternde wort:)

Wie lang isch bi dir total gange? Muess mer , wenns nöd gad klapped, warte bis d mens chunt oder wie isch das bi dir gloffe?
Hesch bim embryotransfer au hormon müesse neh?

Sorry für die viele frage🙏

Zireael

Bi mir hets bim 3te Transfer klappt. Ich ha nach jedem Transfer e Pause gmacht und ein Zyklus usgla.

Ja bim Transfer muesch au sprütze bis zum Eisprung, denn de Eisprung uslöse und am 5 Tag nach Eisprung hesch de Transfer. Und öbbe 10-14 Täg später de Bluettest ob schwanger bisch.

De Bluettest… de Tag isch de schlimst. Da muesch am Morge ga und am Namittag chunsch bscheid über das gasaaht so lang🥺🥺

Chasch so viel fröge wiet wetsch, ich finds es mega spannends Thema 🥰