Sit wenn trinket eu chinde nöme us de Flasche?

BAS

Wie hönders abgwöhnt?

AnDu88

Mim Bueb hanis denne mit öbbe 2,5/3 Jährig abgwöhnt womer au abgstillt hend znacht, er het denne nebstem stille no Schoppe gha ir Nacht und/oder ide früeche morgestunde.
Er het denne eifach nur no e Wasserfläsche mit is Bett becho.

Ig has ihm denne ganz eifach erklärt und ihn i sine Gfüehl begleitet…klar isch er truurig/frustriert gsi aber i bi denne eifach konsequent gsi und ha dä ablösigsprozess mit ihm duregstande. Bim ihm hets 3 Nächt duuret. Bir Tochter isches länger gange 😅

Mamelo

Also meinsch milch oder allgemein?

BAS

Milch am abog vorem schlafe

Mamelo

Met 3 no emmer aber solangs vorem zähnoutze esch stört mi da ned, esch jo en chline ufwand

Sonnenblümchen

Bi euis au mit 3 immer na. Morge und abig. Hans mal mit de MüBe besproche, sie händ gmeint eifach sii lah er wird eines Tages cho und keine meh wele. Eifach nachher zähputze und dänn isch guet

Ginkgo

Mir hend ihre mit ca. 20Mönet gseit, dass sie zum Zmorge und zum Znacht echli warmi Milch chan ha aber es kei Fläschli meh git und dass isch de ok für sie gsi 😊

Miette

Mine het mit 14 monet entschide dasers kei shoppe meh brucht. Het denn mim gotti es tässli chänne ga uslese & sithär wird zum znacht nur us dem tässli trunke. Hätt ihms sicher au lenger gä, weders gwünscht hätti. 😉

Celeste

mir häntz wie @Ginkgo gmacht: mit öppe einehalb sind de nuggi und de schoppe wegcho. halt au wäg de zahstellig, das isch mir wichtig gsi. isch ebefalls problemlos gange 👍🏻