Wo schind ablegge (mit chlichind dihei)

BAS

Bald chunnt denn euses 2. Baby.

Chan mich im moment nonig entscheide wo mer s2. Baby ablegge settet wenns zb ned schlaft aber au ned umbedingt treit muess werde.
Bi eusem 1. Sohn hämmer ihn eifach ufs sofa gleit. Das gaht jetzt nöme mit chlind 3.5 jährig.

Stubebett? Laufgitter? Babybjörn wiege? Oder was meinet ihr?

AnDu88

Wenns gärn duet ligge und au blibt, denne Laufgitter. Ig ha üses zweite chind im Laufgitter abgleit wenn si zfriede isch gsi. So isch si au bitz gschützt gsi vom grosse wenner umetobet isch.

minggi

Aso ich han ai s Laufgitter dänkt für das. Für ide Chuchi d newbornschale fum trip trap. Den hani nu en wippe woni überall chan anestelle...

Miette

Mier hei zTripp Trapp & es Laufgitter. Die chli (3 mt.) isch so guet gschützt vorem wildfang 😉.

mira457

Mir hei au es laufgitter wo me cha d höhi verstelle so het dr chli zwüsche dure au sini rueh vor em grosse

Mamelo

Mer werde au s tripp trapp ha ond es laufgitter

Füxli

also bi üs isches stubewagw gsi, im bettli teiptrap schale odr kinderwage. i han si au viel in de teragi ka am ahfang wel si nu so gschlofe het. evt. es Dondolo

Nalan83

hend au tripp trapp new born, und laufgitter…isch am beschte..

Manowela

ich han bi beidne jüngere en babybjörn wippe gha (ab ca 3mt) und es stubewägeli.
han aber sehr fiini älteri gschwüstertichind und hanen drum au mal eifach ufne dechi a bode gleid oder jetzt mit 4mt unter de spielboge.
(mier wohned uf 3 stöck, drum bini so oder so froh ums stubewägeli)

Manowela

ah ja und newbornschale isch au gold wert

momofgilrs

ich has dritte am afang uffem sofa gha mit stillküssi rundumme und sobald er biz agfange het drähie uff ere decki am bode.
die grosse (sin bi geb. knapp 2j und 3.5j gseh) sin immer fiin gseh…

SHAYENNE

Mir händ öppe de glich Abstand. Definitiv s Laufgitter, det ihne isches gschützt vom Grössere. Und es Babyneschtli hani au sehr praktisch gfunde. S Baby hani chöne überall ablegge/mitneh zB. wenni mit de Grosse ufem Bode gspielt ha oder i ihrem Zimmer. Und es isch schön weich und kuschlig gläge.

Summer84

Kletteret eui Grosse nöd is Laufgitter?

AnDu88

Nö, mi bueb isch eifach sehr oft am Rand ufe gstande so daser si het chönne striichle und ihre vorsinge 🥰
Aber ine chlättere hätti er nid selber chönne am Afang.

Summer84

Ja euse isch 4, de schafft das ebe locker…ha chli
angst dass er denn uf de chli gheit

AnDu88

Mine isch denne au grad 4i worde nach de Geburt vor Chline und ine klätteret ischer würklech nie, hets au nid probiert. Has aber trotzdem immer wieder erklärt, dass er das nid darf mache will er scho z gross und z schwär isch für die Bodeplatte und das cha gfährlich wärde. Er isch aber immer ganz vorsichtig gsi mit ihre. Ersch wosi mobiler isch worde, het er meh „ufdräit“.

SHAYENNE

Mini isch au 4i. Und nei sie hets nöd gmacht. Isch e klari Regel xi; S Laufgitter isch nur für s Baby.

SHAYENNE

Und au so begründet wie d AnDu88