Baby/Schlafrythmus

enelaa94

Hallo zemme.
möcht gern wüsse, wie ihr das so mit eune Babys handhabt.
Mini chli wird bald 3 Monet und ich frög mich, ob ihre Schlafrythmus normal isch. Sie Schlaft nie vor de 11 ni i. ich has scho oft probiert aber sie brüellt denn richtig wird hässig.
Sie schlaft denn bis am 10,11 i ihr denket sicher cool aber han au Termine Ostheo, Physio etc.. oder möcht mit ihre am morge mal a die frisch luft. Usserdem fangi bald a schaffe zwar nöd viel aber trotzdem. und vo Geburt a scho, het sie sich ide Nacht nie gmulde zum trinke( also nie brüellt) , sondern nur gschmatzt oder gstramplet im
schlaf. langsam hani angst dasi sie nüme
ghöre. wenni nöd uf ihri körpersprach wür achte, wür sie gar nöd trinke. 🙈wür gern mal eui meinig dezue wüsse..

Groan

Euse het sich ide Nacht au sehr selte gmulde, het aber immer guet zuegnoh, isch aktiv gsi am Tag und het au regelmässig bislet. Mini Hebamme het dezue gmeint, dass er sich sicher melde wür, wenn er Hunger het, ich sell kei Angscht ha, dass er sin Hunger „verschlaft“. (Aso wenner susch guet zweg isch.) Wennd unsicher bisch susch mal de Chinderarzt fröge!
Wegem Rhythmus, mier hends so gmacht, das mer langsam eifach immer 15 min früäner gmacht hend, am
Morge und am Abig. Oder chli früäner wecke und am Abig chli früäner is Bett.

Zireael

Ich wür sie nöd zfest in Morge ineschlage la, mal chlii hell mache etc sanft wecke. Den am Abig versueche immer i chliine schrittli afange so 15 min retour z.B statt 22:00 mal 21:45 afange miteme AbigRitual (Liecht dimme, Schlafsack azieh, Guetnachtliedli etc) e Umstellig cha 2-3 Wuche ga.

Lilamama

Isch bi eus au so gsie die erste mönet. Sie hend i dem alter no kein tag-nacht rhythmus, das muen sich zerst entwickle.. wür da nochli ziet geh, s wanderet denn automatisch immer meh füre. Eusi tochter isch jetzt 9 mönet und sit 1-2 mönet simmer jetzt bi 18:30 ahcho. Defür isch sie am 5i wach😬

sonkaa

ja, das wird sich schon nach kurzer Zeit wieder legen.

melanieF

Hoi zämä
Üse sohn isch haub jährig.
Er geit um ca 20.00 is bett u isch zwüsche 6 u 8 am morge wach.
Dürt nacht geiter öppe au 2 stung i rem schlaf woner de liecht umenuschet. Das köre ig u de u när düemer stille, windle wächslä u kuschelä.
Wie scho gseit worde isch, isches ä prozäss wosi erlerne mit dem düreschlafe und mit em rhytmus.

Jedes chind isch anders und jedi familie isch anders.
Bi gad z buech vode sybille lüpold am läsä. Ich will bei euch schlafe.
E mega empfählig.
Mängisch isches ou wichtig z wüssä wieso öppis isch wies isch um ni gad de chopf ih sand z steckä.

Eline22

Mins erste kind isch au so xi. Sie het vo 0:00-12:00 gschlafe 😅 Ich has zwar cool gfunde will ich so de morge für mich gha ha. Wenn mir termine gha hend. Hani sie gweckt oder schlafend in kinderwage packt 🙈 Irgendwen hani sie den eifach am 19:00 is bett tue mit öpe 4/5 mönet. Das setzt aber verus, dass du s kind am morge wecksch, es gnueg tagesschlaf macht / wachzite luegsch und müedikeitszeiche beachtisch.

Isches scho besser mit em schlaf? Und kei angscht dis kind mäldet sich scho gnueg lut dases du ghörsch 😉