Vo Aptamil PRE uf ds 1 gwächslet

nic10

Liebi Mamis
Sit das mir bi üsem Sohn (1 Wuche aut) ufs 1 gwächslet hei chötzlet är meh isch das normal? Muess är sich zersch dra gwane? Kennt das öber?

Trini

sovell ech mech no cha erenner , esch s aptamil 1 för die chline vell schweriger zom verdaue… min erschti sohn hed s erschte johr aptamil pre gha ond bim jetzige sohn (bald 1 monet) werdi au bim pre bliebe… was seid de dini hebamme?

nic10

Mini Hebamme het äbe gseit mir söue ufs 1 wächslä🤷🏻‍♀️ Muess i dämfau morn nomau mit ihre rede.

AnDu88

Hets de e bestimmte Grund wieso si der grate het ufs 1 z wächsle?

Trini

bi mer heds emmer gheisse, dassi ufe pre sell bliebe…

hesch de s gfühl das er vell chötzled? falls sie morn chond, de chond er secher weder uf d woog ond de gseht mer anhand vom gwecht secher au öbis… wörds uf all fäll met ehre nomol aluege ond wen onsecher besch bim chinderarzt nochefroge…

Schneewittli

Ha o gmeint, dass ds 1 no nid für Neugeborni isch, sondern dass me solang wie möglech bim PRE söu bliebe, aber we sie das extra empfohle het, steckt sicher e Überlegig derhinder. Frag se doch nomau u sie weiss när sicher ou grad öb sech d Verdouig zersch mues apasse oder öbs nachere Wuche haut wük no ds früeh isch…

nic10

Si het gmeint das ds PRE bi denä Babys guet sige wo no gstillt wärde u mä muess nacheschöppele… U da i nid due stille söu i uds 1 wächsle u de düeng ihn das o chli meh sättige u chunt ihr Nacht weniger. Zue näh duät är guet. Aber i frage sie hüt de nomau.

simi99

Aso ich han beid chind ned gstillt und mir hend s PRE bis 1 Durezoge sie chemmed weg dem ned meh ide nacht… sie schlafed trotzdem dure🙈 min Kinderarzt het eus do gseit uf Pre bliebe ich bi froh hemmers gmacht

Trini

ech ha mim erschte sohn emol s 1 ghä gha vorem erschte gebori ond ha kei ontersched gmerkt, be de weder ufs pre zrogg… ech ha s gfühl, dass au chli ufs chind drufa chond… jedes baby esch chli anderscht ond drinkt au anderscht… wie streng chond er de i de nacht? es esch en omstellig regelmässig gweckt z wärde, aber mer gwöhnt sech es betzeli dra ond falls dis erschte esch, chasch vellecht au emol döre tag härelege…☺️

AnDu88

Aso PRE chasch au gä wenn nid stillsch.
Due se doch nomau froge und säge daser dürs 1 meh chötzlet. Und wenn du selber s gfühl hesch s PRE längt für euch, de isch jo super und de isches jo eigentlich nid nötig z wächsle. Und wägem besser schlofe ide Nacht, das würdi jetz nid underschribe 🙈 ig ha zwar nur zuegschöppelet aber obi jetz PRE gä ha oder 1, er isch glich oft cho 🤪 Aber i ha ersch spöter s 1 probiert so mit ca. 6mt.

Isch mängisch scho interessant wied Ussage dur d Hebammene variiere. Mini het denne au gseit so lang wie möglich ufem PRE blibe.

Trini

@nic10 hesch d hebamme scho chöne froge?

nic10

I ha ids vori dr KA gfragt u die het gseit nid wächsle u d Hebamme het gseit eifach so Schritt für Schritt😄 Ids weiss i nod welere i söu gloube😂🙈

nic10

D Hebamme isch haut sones auts Froueli wo scho lang pensioniert wär mit viu erfahrig aber glich no duet. U de dänk i het sie vlich scho o rächt🤷🏻‍♀️

Miette

Gell, das isch immer so schwirig. Meinige vom KiA und vor Hebamme si huufig so underschidlich.

Mier hei si au gseit bi PRE bliibe, egal ob stille oder nit, will das der muetermilch am ähnlichste isch. Ich han bi mim sohn gstillt & mit PRE zuegshoppelet gha.

Schlussendlich muesses für euch passe. Es isch beides erforscht & sicher au beides super fürs baby. 😉

nic10

Ja äs isch würkli so schwirig…🙈

Mayla

Hmm also i tue stille und ha bim erste kind woni nöd gwüsst ha obs klappet mi informiert und au glese, nur pre geh wils am ähnlichste isch zu muettermilch.. de reste isch marketing 😐🤷‍♀️ ich würmer da nomel überlegge.. nu guet gmeint 🍀

Bibi83

mir gähnd nur PRE und wechsled ned (jetzt knapp 7 Monet alt) PRE isch de Mumi am ähnlichste. D folgemilch 1 oder 2 etc. hend eifach meh kohlehydrat drinn. aber mit 1 Wuche ufs 1 wechsle isch sicher z frühe. komischi hebamme..

Sonnenblümchen

Findi jetzt au en recht komische Tipp wegem wechsle. Bim 1 staht ja au ab 6 Mönet wännis recht im chopf han 🤔 mir händ damals grad öpe mit 6 mönet gwechslet will er vom pre nüm gnueg satt worde isch

Juli88

Finds au speziell, well me wörkli öberall liest, dass me solang wie möglich bim Pre söll bliibe, wells ebe de Muettermilch am ähnlichste seig.

nic10

Ds 1 chamä ab geburt gä steit drufe. Ds Problem isch no üse Junior nimmt nid zue😕 U da dänki isch ds 1 no besser wüus meh Fett het… Äs isch soooo schwirig wüu jede chli anderi Meinig het😩

AnDu88

Wie isch de d Gwichtsentwicklig vom Bebe? Me seit jo e zuenahm vo ca. 170-300g pro Wuche ide erste Mönet isch so d Norm.

Mi Bueb het am afang au sehr schlecht zuegnoh, i verstoh das du dir mega sorge machsch. Vorallem grad bim erste Chind.
Aber i bimer sicher du wirsch guet begleitet vo euem KiA und dHebamme (obwohl halt bitz älter 😁) macht sicher au e guete Job und wett nur s beste ❤️

nic10

Är isch mit 4530 uf d Wäut cho, miteme gwicht vo 4300 hei mir ds Spital verla u hüt isch är 4200 gwoge worde.
Äs isch nid mis erschte Chind i ha no ä zwöite Sohn aber dä het ging schön zuegnoh ka👍🏻 Mini Hebamme woni ha isch scho Hebamme sit 1978😂 U erfahrig het sie sicher sehr viu…

AnDu88

Ou, de hani das übersehe 😂🙈 sorry.

Guet de ischer jo rächt guet gstartet vom gwicht här. Und abnäh düe si am afang jo e bitz. Er wird sicher zuenäh, do bini überzügt.
Cha nur vo üs brichte.. er isch mit 3520g ufd Welt cho, bi ustritt ischer 3260g gsi. Am Tag nachem Ustritt ischer no 3160g gsi. De isches wieder ufe um 200g nachher hetter das wieder fasch alles abgno - isch eis uf und ab gsi 😞. Aber ebe er isch nid satt worde vo minere Muettermilch und seeehr trinkfuul gsi. Mir hei de mit zueschöppele ersch nach knapp 4 wuche fang s Geburtsgwicht wieder druffe gha 🙈 das isch e achterbahnfahrt gsi sägi dir 🙈

Mini Tochter hingäge s puure gägeteil 🤷🏼‍♀️

simi99

bi eusem zweite isches au es problem gsi am afang mitem zueneh er het trotzdem durchgehend PRE becho en Tipp vo mir zieh dim Baby sehr viel ah und evt sogar es käppli au drine so daser immer sehr guet warm hend mer seit das hilft ihne bim zueneh au mega will sobalds nur bitz afanget nimme so warm ha isch das u streng für de körper das het bi eus enorm ghulfe🥰🥰 viel kraft chunt guet😘

nic10

I ha ihm ids 2 Schöppe mit PRE gä ka u die si beid din blibe bis ids! D Hebamme chunnt när nomau u de säg i ihre das mir wieder ufs PRE wei wächsle. Merci für dä Tipp👍🏻 mir deckene ging we är am schlafe isch das är schön warm het.