Baby abstillen/verweigert Flasche

nina1991

Hallo zusammen

Da ich leider bald wieder arbeiten muss, muss ich schwerenherzens mein Baby abstillen. Hab noch 2 Monate zeit zum glück. Gestern habe ich mal Mittags eine Flasche probiert, weil ich langsam langsam damit anfangen möchte. Diese hat sie jedoch verweigert. Hab Mam Flasche, Philips und die von Medela( extra Stillfreundlich sagt man) Habt ihr Tipps, wie ich das besser machen oder verbessern könnte? Leider muss sie ja irgendwann damit anfangen. PS: Papa hat es auch probiert funktionierte leider auch nicht..

nina1991

Sie ist übrigens 3 Monate

Nadine91

Hallo nina
Meine Hebamme hat immer gemeint, es sollen zuerst alle anderen probieren die Flasche zu geben ausser du. Also Partner, Oma, Opa, … weil dich verbindet das Baby mit der Brust. Mein Sohn hat die Flasche auch lange nicht genommen. Wir haben es immer und immer wieder probiert, bis es geklappt hat. Viel Erfolg

Nadine91

Auch bei uns musste der Papa immer wieder probieren. Es git längere Zeit

enelaa94

wür gern mitlese..isch bi mir demnöchst au so wit..

AnDu88

Aso muesch abstille, oder wettsch vo dir us abstille? Oder hesch s gfühl du muesch wills nid andersch goht?

Ig ha woni wieder ha afo schaffe nid abgstillt und ha au nid gross müesse pumpe. Wenns het afo spanne ide Brust binis im WC go usstriche (Pumpe hani bim gross denne nid chönne) Wenni am schaffe bi gsi hei si PuMi gschöppelet und wenni hei cho bi heimer normal witer gstillt. 😃

I würd witer probiere mit de Fläschli und süsch chame au Becherle, isch bitz ufwändiger aber au e alternative.

Lilamama

Mini tochter het d fläsche au nöd gnoh und denn hemmers immer wieder probiert und irgendeinisch isch gange. Ich ha sie aber nie geh, immer nur min fründ.
Ich pumpe bim schaffe ab. Du häsch ahspruch uf bezahlti still-/pumpziet. Duens doch mal google wennds nonig häsch unds etv. öpis für dich isch.
Viel glück, chunt sicher guet!

Zireael

@AnDu88 Genau so hanis au vor, hoffe es klappt🙈

AnDu88

@Zireael Das wird sicher klappe 👍🏼 i kenne es paar Fraue wo das so gmacht hei. Aber am schluss entscheidet de s Bebe 🤪 und i dänke es chunnt au no bitz druf a wieme de nachher schaffet und wie lang/oft me nid da isch. Ig ha denne 40% gschaffet uf 2 ganzi Täg verteilt.

Zireael

@AnDu88 Danke🥰🙏Ich schaff nur 20%, ha aber no dHoffnig das sie mit 6 Mönet recht guet Brei Esse duet und es richtig Natürlichem abstille gaht das wär so min Wunsch🤣 und dasi i de Nacht witerhin Brust geh chönti😄Aber ebe am schluss entscheidet sBaby🤣

enelaa94

@Lilamama Derfi fröge welli Fläsche ihr gha hend? Mini isch au sonen Favorit wos verweigeret🤣

bireweggli

Vell Glöck! Ech has be bedne chind ned gschafft das sie s Fläschli nämet. Ha 50% gschaffet und be zwöschedöre go stille hei oder sie hend eifach gwartet bes ech chume. Däne wenns scho 6 mt esch god das secher guet nur no morge obig und ide nacht stille, de mösstisch ned abstille, ussert du wetsch nömme stille.
Mine mini esch jz 12 mt und ich stille immer no und schaffe 40%. Wenni di hei be trinkt er meh umd söscht weniger.

Zireael

Ich ha agfange ihre 1 Brustmahlziit dur 1Fläsche zersetze, was bi mir guet klappt het isch das ich ihre zerst Brust geh han den Fläsche und immer hi und her und am Schluss isch sie glaub nüm drus cho und isch bi de Fläsche blibe und schön drunke😂viellicht hilft dir au🤣

Lilamama

@enelaa94 mer hend zerst d avent glas schoppe gha und denn die vo medela wo grad mit de pumpi zäme passed

SarahWiniker

Ich cha au us Erfahrig säge, sie trinket scho wenn sie hunger hän und schaffe isch kei Grund zum abstille. Im 1. Lebensjohr darfsch du dir vom Gsetzt här Zit zum stille und abpumpe neh. Ich ha au nach 5. Mönet wieder ahgfange schaffe. Bis hüt nimmt sie kei Fläschli mit Mumilch. Sie trinkt Wasser und isst Altersgerächti Sache wenn ich nit ume bi. Wichtig isch dass du bi dem ganze es guets Gfühl hesch. Ich still immerno und ganz normal wenn mir zämme sin und sie iech jetzt Jährig.❤️

enelaa94

Hallo Nina
Und hets klappet bi eu?
Mir sind sitmene Monet dra aber kei Chance sie schreit verkrampft sich . Sie will d'Fläsche eifach nöd aneh. Am 1.März muessi wieder afange schaffe aber sie weigeret sich total. Het susch öpper Tipps?

snowangel

Wie alt isch dini chli @enelaa94
Han nöd alles gläse da ine..
Ich ha zwar nonig müesse abstille aber ha mich auch scho mal chli informiert.
Chasch ja becherle... Oder je nachdem wie alt sie isch löffeln oder e snabeltasse?
Han gläse de flaschesuger nöd grad is mul stecke sundern so mache wie mitem nippel, eifach a de lippe here tue..im dunklem zimmer, halbe schlaf... Wenns hungrig isch aber nöd zu sehr... De suger grössi und löcher form ändere?

enelaa94

@snowangel sie isch 4 1/2 Monet . Ja das mit em Becher hani mer au denkt. Muess das mal probiere. aber wie klappet das ide Nacht denn? Im Moment möcht sie ide nacht immer no all 3 Stund gstillt werde🙈Oder nimt sie denn ide Nacht d'fläsche? Schnabeltasse hani mer au scho überleit aber isch sie nöd zchli defür? Die einte seget eifach sie lah sie wird denn trinke. Aber wie sölli bim schaffe konzentriert sie wenni weiss sie trinkt nöd:-( ich glaub jedes Mami verstaht das

snowangel

Ich denke es isch es usprobiere, teste was für eu beidi passt... Vlt eifach am abig witer stille?
Und tags über mite schnabeltasse? Sie lernets recht schnell...
Falls gar nöd wet stille denn im dunklem zimmer bevor sie ufwacht zbsp scho de schoppe geh falls sie de nuggi nimmt... Muesch luege es het vo mam en schoppeufsatz wo en schlitz het und da tropft milch nöd eifach use sunder nur wenn sie suget.. ähnlich wie dbrust... Vlt isches ihre ja au zviel wenns flüsst und flüsst....
Wenns während schlaf nöd klappt denn chasch ja mal bis sie de schoppe vertraut eifach mal glich dbrust geh und sobald de milchischuss häsch chasch heimlich de schoppe ine tue so dass sie es gar nöd merkt.... Hebt sie viel dini brust bim trinke? Mine hebt mini brust als wärs en quetschi 🤭 han ahgfange en nuschi i sini hand tue so dass er denn nöd brust suecht wenni denn afange schoppe geh...
Ich bin mir au ziemlich sicher dass er se shoppe wird ablehne am afang willich im halbe schlafe statt am grosse wasser schoppe am chline geh han und de chline het mich so ahgluegt wie... : Ehm... Wasn daat bitte? 🤣 Vieeel kraft und hoffentlich findsch es lösig...❤️

liyakata

Hoi züme mini Tochter isch ez 28 Wuche alt... und nimmt bis hüt nöd de Schoppe..🙃😞 han alles versuecht schnabeltasse ect nüt het funktioniert weis mir selber au nöme zhelfe ... de Nuggi nimmt sie ebefalls nöd

Lg und viel spass bim üebe 😂

Füxli

i schaf sit sklinre 4 Mönet alt isch. davor hemers nie testet mit em Schoppe wel es cha jetzt klappe und in 2 Woche nüme.
i schaf jrtzt scho 7 Mönet wiedr pumpe 2 mol ab bim schafe und schoppe wird gno. immer no de 0er ufsatz. die erste paar mol het mes mir brocht zum stille und zmol hets mit em Mumi schoppe klapt.
i find wen meh stille wet findet meh en weg. abr es muss für jede stimme.
i wür au mol am bapi de schoppe geh und user sichtwis go und luege dases nöd grad super fest hubger het