Kind ständig krank wegen Kita

Swissmom

Hallo liebe Mamis

Unser Sohn (20-Monate) ist seit er 8 Monate alt ist 3x pro Woche in der Kita. Leider ist er vor allem während den Wintermonaten ständig krank.
Hat jemand von euch eine ähnliche Erfahrung, bzw. kann ich damit rechnen, dass dies nach einer bestimmten Zeit besser wird?

Kürzlich habe ich damit begonnen, ihm abends mit der Milch Bio-Strath zu geben.

Danke für euer Feedback!

Sonnenblümchen

Wir sind nun den 3. Winter in der Kita und dieses Jahr ist es zum ersten Mal nicht mehr ganz so schlimm. Haben zwar seit Oktober durchgehend Schnudernase aber kein Fieber, Kind ist fit. Die ersten zwei Winter waren aber schlimm.

Nalan83

🙋🏻‍♀️ hier auch…mis chind isch au ständig chrank sisch abartig si goht sit mai is kita zweimol i de wuche, jetzt isch si innerhalb vo 7wuche 3mol chrank gsi mit hohe fieber…hueschte de isch nie wegg mal meh mal weniger.. naselauft au ! ärztin het gseit das johr sigs gstöhrt, brutal viel kranki kinder wie nonie und heil phase goht schinz mega lang als süscht, wenn 4täg erkältig gha hesch hesches jetzt ergentwie 8 täg und so het si gmeint sisch recht hartnäckig..!
bi au voll am verzwifle 😔,ha si scho wele us de kita näh, aber si goht so gern..!

Sti

Hier ou so gsi. Beid Ching ir Kita gsi, beid ständig chrank. Di älteri isch iz ir Tagesschule. Dert isch iz fang chli besser. Dr Chli bringt ou immer no viu hei vor Kita.

Eline22

Das isch leider normal. Mer seid es brucht es jaht bis sichs immunsystem a die kittavira gwönnt het. Es wird besser 🍀Und wenn de kindergarte chunt fangs wieder vo vore a 🫣

AnDu88

Mini Chinder sind nie ide Kita gsi, aber Spielgruppe und KiGa isch dasselbe spiel 😂 do muess me düre. Mi Bueb isch im erste KiGa johr au seeehr oft chrank gsi und het praktisch s ganze Jahr dure ghuestet und gschnudderet. Ig bi deswäge au gfühlt ständig vercheltet gsi, sini chlini Schwöster genauso. Jetz im zweite KiGa-Jahr isches scho vill besser worde. Hoffe üsi chlini isch de chli vor-abghärtet wenn si mit de Spielgruppe startet im Summer.

Guets dürehebe 🙈

snowangel

Min 2,5 jährige isch au i de Spielgruppe und sit November und genau sit november ischer chrank. Ebefalls kei fieber aner schnudernase und hueste..
De grosse het au den chlinste 6 mnt und mich ahgsteckt... 🤭

Wür mal sege jetzt wo maskepflicht und corona regelig abe isch gönd vire schneller ume und mir sind da dure nüme so gstärkt.. ich rege mich auch jedesmal drüber uf wenn de hueste wieder afangt stärker werde und de chlinste wieder mega fescht schlim het.. 😱

Swissmom

Danke für eure Rückmeldungen! Es geht also allen ähnlich.

Hat jemand deswegen sein Kind aus der Kita rausgenommen?
Hat man bei Betreuung bei einer Tagesfamilie weniger solche Probleme?

snowangel

Also iiich persönlich, wür min Sohn nöd useneh weg dem..

Schlussendlich wenns mitem Kidergarte afanget, gaht das theater witer. Bitt Immunsystem stärke ✨ isch nie schlecht 😁🤍

aber du kennsch din Sohn am beschte wenn du meinsch es isch dir zviel das ganze denn losisch besser uf din buchgfühl 🥰

Sti

Bir Tagesmuetter si si weniger chrank wordä. Aber dert isch ab und zue Tagesmuetter usgfauä oder ihri Ching si chrank gsi. Dert hani när säuber müessä luegä wägm Hüetä. Ds Problem het mä ir Kita weniger, dert isch immer öper umä.

Niggeli

Mir hend s gliche, wemer Glück hend hemmer mal e Wuche Pause dezeüschet, aber suscht beid (3.5 und 1) immer vercheltet meistens mit Fieber irgendwenn. Sie gönd nid id Kita nur id Spielgruppe. Ich würd s Chind nid useneh, s Immunsystem mues die Infekt sowieso dure mache, mit jedem wos het, hets öpis me dezue glernt. Anschinend sind 12 Infekt im Jahr normal.

Summer84

De Gross isch sit 3.5 Jahr ide Kita und es isch immerno so. Ich mach grad igwöhnig mitem chline und mir sind jetzt all 3 verchältet…aso sorry nei, es isch noni besser😩

Tanja87

Eusi Tochter gshd sid 1,5 Jahr id Kita und isch fang 3 (Tag)mal chrank gsi, dass sie ned id Kita hed chönne (1 Tag devo hemmer sie mūesse go hole will sie Fieber becho hed).
S isch doch ned bi allne Chind so;-)
Schnuderi und hueste isch fang normal über d Wintermonat, leider. Und au durch die letste zwei Maskejahr, hend eusi Chind natûrli viel weniger Abwehr.
Allne guets durehebe und gueti Besserig🌺🌸

Thea

Mini Chind sind sit Oktober durchgehend vercheltet, jede Winter (die Ältist gaht sit drü Jahr, die mittler sit 1.5 Jahr, die Chlinst isch no dihei). Effektiv gfählt händs nöd so oft, aber mich schissed die ständige Vercheltige mit Hueste au ah 😆… meistens steck ich mich und s Baby dihei au no ah…