Babyschlaf, Baby 10 Monate

Lilamama

Hallo zusammen
Ich wollte mal fragen, wie das bei euch so mit dem Schlafen läuft.
Unsere Kleine schläft Abends zwischen 18:30-19:00 ein und wacht morgens um 5, wenn wir glück haben um halb 6 auf.
Danach braucht sie sehr bald wieder ein Schläfchen und kommt so auf drei Tagschläfchen à etwa 45-60 Minuten. Ich fände es toll, wenn sie morgens etwas länger schlafen würde und habe auch gelesen, dass in dem Alter eher 2 Tagschläfchen angesagt sind.. danke für eure Berichte😴

benuim

min sohn isch au recht lang en früehufsteher gsi und schlaft erst jetzt mit fast 2 jährig bis am 7ni am morge. ich han da eigentli nüt defür gmacht, es het sich automatisch ipendlet. ich glaub es git eifach mensche wo vo natur us früeh ufstönd.
generell würi sege, dass de letzti tagesschlaf de chürzist sött si und de grösst abstand sött ha vom nöchste schlaf. vilicht chasch sie ja bim 3. schlöfli scho vorher wecke und luege wies denn lauft!

SHAYENNE

Wenn ihre am 5i nomal en Schoppe gisch / stillsch schlaft sie nöd nomal i?

Mine isch 10,5 Mönet gaht am ca. 19:30 Uhr is Bett und staht am 7ni mängisch au 8ti uf. Denn brucht er ca. nach 3h wieder es Schlöfli wo 1,5 Stund dured. Und den am 15:30 Uhr nomal für ca. 1,5 Stund.

Wenn sie so churz schlaft brucht sie scho drü Schlöfli das sie uf ihre Tagesschlaf chunt. Schick der e PN willi da kei Fotis cha poste.

Lilamama

@benuim @SHAYENNE
Danke für eui antworte. Sie chunt mitem tagschlaf ebe nur uf öpe 2h und denn bini nöd sicher, obi sie denn no weniger lang söll schlafe lah.. benuim wie lang het denn dis chind i dem alter gschlafe am tag, weisch das no?
Und Shayenne, leider schlaft sie nöd so lang am stuck.. sie schlaft am tag au nur im wage. Und am morge wenn sie wach isch isch sie wach, de fangt sie ah brüele wenni sie no wott im bett bhalte und wott i dem moment nüt vo stille wüsse.. s isch irgendwie und tüfels-chreis wo mer nöd usechömed..

benuim

ich weisses leider nüme😅. aber ich denk es sind meh als 2h gsi. wie gseht denn sust ihri schlafumgebig us? schlaft sie bi dir oder im eigene bettli? im wage wür min sohn au nur wenig schlafe. vilicht würis glich mal mitem bett probiere und s zimmer ganz abdunkle. ich ziehn mim chline au für sin tagesschlaf sin pyjama ah, er schlaft so viel besser.

Lilamama

@benuim ich ha alles probiert demit sie im bettli schlaft.. bzw im bett mer hend es familiebett. Bi froh schlaft sie jetzt im wage, die erste 7/8 mönet ischs am tag nur ide tragi gange oder im bett mit sehr viel brüele vorher. Aber ja, s nächste projekt isch scho zum s nomal mitem bett probiere.. hoffe s klappt🤞

benuim

mir hend au es familiebett. es isch leider so dass paar chind meh müeh hend mitem schlaf, aber ich han nonie ghört, dass das für immer so blibt😊. es wird besser! aber vilicht het ja glich no öpper da en tipp für dich

minggi

@Lilamama oje, das chunt mr chli bekannt vor. Min sohn het bis ca 14mt am tag au nur ide tragi oder auto gschlafe. Den hani aber wieder e ss buch becho und ich hans wieder mim bett müesse probiere. Han das de nach chli üebe au gschaft. Aber er het de schlafsack müesse ah ha, zimmer dunkel, familiebett mit mier näbedra und sin schoppe mit wasser. So hanis gschafft, gaht aber scho 30min bis er schlaft. Ez mit 20mt bringi ihn am tag wieder nüm zum schlafe im bett. Jedes chind isch anderst. Und ich ha das ufgäh de kampf ums schlafe. Entweder schlaft er ez am tag oder ich lah ihn eifach...

Lilamama

Oje @minggi, das isch sicher au hert gsie! Ja wirds ide nächste täg mal mitem bett versueche..🤞ich freu mi uf die ziet, wo sie nüm so viel schlaf brucht.. duet nur scho guet z läse, dass es au bi anderne nöd so easy peasy lauft mitem schlaf, bsunders momentan wo auno de endgegner "Schnupfe" im huus isch..😑Danke für eui antworte!