Baby, 6 Monate, schläft plötzlich schlecht

liyakata

Hoi Zäme
Bruche umbedingt hilf vo eu...
Mini Tochter schloft ez sitt 2 Nächt mega unruhig verwacht all std brüelt... chan mir vlt öpert sege ob ihr das scho gha hend, wieso das chönt sie und was ihr unternoh hend degege???

Würd mi mega freue wenn mir nebert chönt helfe...

Sti

Evt. drückä di erschtä Zähn?

liyakata

Hmmm... han ebe nöd würkli sgfühl han irgendwie nöd gseh das döt näbis isch

AnDu88

So phasene gits immer wieder und isch ganz normal. Es isch sehr asträngend.
Es cha si dass si zahnet, süsch en Schub het, schlecht träumt, Buchweh/Verdauigsproblem het oder si wird vilicht chrank…

Mini Tochter isch 2,5 und het das hüt no zwüschine, dass si stündlech brüelend verwachet. Oft muessi ihre denne de Buch massiere und de schloft si danach wieder i. Oder ebe wenn si vercheltet isch oder a öbbisem ume macht..

I bimer sicher das wird bald wieder besser, guets dürehebe ❤️

Lilamama

D nase isch nöd verstopft? Isch bi eus amel de grund für so nächt..

liyakata

@Lilamama Mol da het sie ez sit gest obig schleimigi nase...

liyakata

@AnDu88Danke viel mol hoffe wird bald besser ❤️

liyakata

@Lilamama Was hend ihr denn gmacht?! Sind ihr zum Arzt gange gad? Oder?

blue

Bi eus isches meistens so wenn en zahn chonnt,denn verwachet sie praktisch all std schreiend

snowangel

I dem alter fanget die chline ja distanz kenne lerne.. also das mami und papi weg gah chan so viel ich weiss.. vlt brucht sie eifach dini nöchi..?
Und wie Andu seit es git so Phasene und die chömet immmer wieder...
Zahne, schube.....

Weg verstopfti nase würi nöd zum Arzt wenn sie tagsüber zfriede isch, chasch ja näsli mit naprep oder so spüele oder usesuge, hilft guet.....
Viel Kraft 🌼✨

SHAYENNE

Gäge verstopti Nase hilft e ufgschnittni Zwieble übere Bett hänge. Unter Matratze en Ordner lege, das de Chopf chli höchglagered isch. Und mit NaCi spüele.

Lilamama

@liyakata also wir machen jeweils:
Zwiebel aufschneiden und nebens bett legen (auf kopfhöhe)
Einfacher Salznasenspray mehrmals täglich
Viel frische Luft tagsüber
Und absoluter Gamechanger ein Keilkissen (für 17.- bei Galaxus bestellt)

Hoffe das hilft und dass ihr bald bessere Nächte habt!

Machst du Einschlafstillen? Wenn ja, leg dir oberhalb des Keilkissens eine gefaltete Decke und dein Kissen hin. Dann legst du dich mit auf das Keilkissen und stillst