Fencheltee bei Babys

BAS

Hallo,

Mini Hebamme seit derf mer löffeli wiis geh, was meinet ihr?
Mis baby isch 6 wuche alt.
Hät aber rechr buchschmerze.

minggi

Hm hani leider kei erfahrig. Ich han BiGaia tropfe geh und jetzt sind d buchchrämpf wäg...

SHAYENNE

Ich wür eher sälber Fencheltee trinkä wenn stillsch. Wenns bi 2-3 Löffel am Tag bliibt isches bestimmt nöd schlimm. Aber vo meh wird so viel ich weiss hüt abgrate.

Crystal

Genau wid Shayenne seit👍🏻

BAS

Ich stille ebe ned und darum frögi.

BAS

@minggi höt bigaia schnell gwürkt?

Crystal

So viu i weiss chönntisch dr Schoppe mit ganz liechtem Fänchutee mache, auso ds Teebütäli nume ä Minute la zieh u eis Bütäli uf Ei Liter Wasser. Süsch Tricks het dir dini Hebamme sicher o gseit/zeigt?

BAS

Sie hät gmeint 7 min lah zieh u 1 löffel geh. Weiss aber ned obich dem chs vertraue

minggi

@BAS isch scho 3 täg sicher gange bises besser worde isch...

snowangel

Ich han min chline vollgstillt... Und er het am afang recht buchkrämpfli ka und so viel luft .. flatulex het nöd ghulfe ka... Fencheltee het leider au nöd ghulfe.. ha denn Stillberaterin vom spital und mini Hebamme gfrögt wasi no sell mache, und han ihn Bigaia geh... Aber ebe es isch nöd vo hüt uf morn guet... Nach 1 monat Bigaia isch es ihm guet gange.... Obs wüükli a de tröpfli glege isch...?! 🤷‍♀️ Das weissi nöd... Vieli seget wenn mer stillt muess mer kei Bigaia geh etcetc, ich han no zwiebel und Milchprodukte vermiedet.... aber ich (ich red vo mir) 😁 find es schadet nöd probiere... Find das du dass selber chasch entscheide obs wetsch probiere 🥰 hoffe dis baby sini buchkrämpfli sind bald weg... 🙏😓

snowangel

Ps. KinderArzt und Mübe hend mir Bigaia au empfohle ka.

Zireael

Ich find Bigaia sbeste, mir hets au de KiA und Mübe empfole. Es het au schnell ghulfe. Und vo det ah nie meh es so es problem gha wie i de 4-6 Wuche.

Angii85

Also mir hend d pulvermilch eifach statt mit wasser mit fencheltee geh.. git aber extra en schwache vo hipp.. und das het üs d hebamme au so empfohle

Behappy22

mer händ eusem chline au e dem alter fencheltee geh 1dl of 24std verteilt,ehm hets sehr guet to för sin buch