Schwangerschaftsdiabetes mit Wert 5.1

Angii85

Hallo

Het öpper de wert au so knapp gha? Bi mir het mer de wert nach em nüechterntest gad so gnoh und mer het nöd wiitergmacht mit em grosse test.. jetzt mussi mit dem wert id ernährigsberatig... ich has etzt bitz übertribe gfunde.. bi bim erste kind au öppe uf dem gsi und nachm grosse test isch denn aber alles guet gsii... bi etzt nöd irgendwie übergwichtig oder so 🤷‍♀️
Was meinet ihr dezue oder wie isch das bi ru so gsi?

Miette

Jap ich.
Bim gross hani au keis diabetes gha, der gross Test isch ok gsi. Und bi der chli hani so knapp de nüchtern-Wert gha & nit mal de gross test chänne mache…
Leider chames nit „afechte“. Han nit mal de Test chänne wiederhole 😉

benuim

hey
ich han folgendes gfunde:
Wenn einer der drei folgenden Blutzuckerwerte erreicht oder überschritten ist, wird die Diagnose „Schwangerschaftsdiabetes“ gestellt: nüchtern: 5,1 mmol/l (92 mg/dl) nach einer Stunde: 10,0 mmol/l (180 mg/dl) nach zwei Stunden: 8,5 mmol/l (153 mg/dl)

die wert sind bi verschiedene quelle die gliche oder recht ähnlich. schwangerschaftsdiabetes het nüt mit übergwicht ztue, das chan au schlanki und sportlichi fraue betreffe drum wird au jedi frau druf testet. es isch au recht guet z behandle wemer ufd ernährig luegt😊.

Angii85

Ok denn isch das aso normal so und mussi etzt eifach akzeptiere 😅
D

Juno

Isch bi mir genau glich gxi. Ha denn Termin bi de endokrinologin /diabetologin becho und 4x am tag de bluetzucker müässe mässe. Da het mi am afang recht gstresst, hami abr denn druf iehgstellt. Mit chli luege was und wänn ässe hani au immer gueti Wert gha, ohni druf luege sinds abr voll ufe, drum bini froh gxi dass mers entdeckt und dadurch in Griff becho het.
Hoffe du chasch en guete wäg finde demit umzgah und dini schwangerschaft trotzdem gnüsse

Angii85

Ok danke 😅
Ich muss etzt eifach mal zum ernährigsberater 🤷‍♀️

Saani

Hoi ich han SS-Diabtes gha. Min Wert esh au eso gsi. Ich be de au id Beratig gange und ha müesse jede Tag min Bluetzucker selber teste. Leider het sich de Wert ned verbessert und ha müesse Insulin sprütze.

Angii85

Ou nei grad eso... ja denn ischs wohl schlau wenn mer das alles suber kontrolliert