Erfahrungen mit schlechtem Sperma

Bibi_

Liebi Fraue

Min Partner und ich hend jetzt sit 2 Jahr erfolglos versuecht schwanger z werde. Nach diberse untersüech isch jetzt klar das be mir alles in ornig isch und be mim schatz leider d spermie sehr schlächt sind, wohl wägeme testosteronmangel.
Gits da Fraue wo au i dere situation stecked?
Be üs laufts wohl uf e icsi use, wie sind da d erfahrige?

Danke für eui inputs und erfahrigsbricht.😊

Crystal

Hoi, mi Maa het o äs schlächts Spermiogramm gha aber bi üs het ä Insemination glängt, heit dirs vo däm o scho gha öb das öpis wär?
Isch zwar ä Schock gäu aber glich guet ds wüsse würum dases nid klappet het bis jtze, oder wi geits dir drmit?

Bibi_

be üs ischs spermiogramm so schlächt dases sich ned lohnt zum e iui z versueche, leider.
Irgendwie find ichs mängmal chli schwierig, das be mir alles guet isch und be ihm ned und ich ned chan hälfe d situation z verbessere. Wie isches dir @Crystal demit gange?

Zireael

Ich ha au e Icsi/Ivf gha bi eus isches aber kei. grund gfunde worde. Wett der aber Muet mache. Bi de Kollegin wo de Maa es extrem schlechts Spermiogramm gha het, hets mit de Icsi bim 3 Transfer klappt.

Bibi_

Zireael schrieb: »

Ich ha au e Icsi/Ivf gha bi eus isches aber kei. grund gfunde worde. Wett der aber Muet mache. Bi de Kollegin wo de Maa es extrem schlechts Spermiogramm gha het, hets mit de Icsi bim 3 Transfer klappt.

Danke dir viel mal fürs muet mache, mer hend im april de erst termin zum bespräche.

Crystal

Bi üs isch äbä nid nume mi Maa „tschuld“ gsi, i ha Pco (gha) u somit müesse stimuliere das Eili wachse. U weisch was? Ds zwöite mau bi i ganz natürlech ohni Hiuf schwanger worde…mini Fründin het o Icsi brucht für schwanger ds wärdä u äs het bim zwöite Transfer klappet, i schicke dir o viu Muet u das du dim Maa nid bös bisch…är cha ja nüt drfür, u glich närvts gäu. Wünsche dir/öich ä gueti Besprächig u das dir öich guet berate u ufghobe füehlet. Äs isch haut scho ä sehr belaschtändi Phase das ganze

Bibi_

Crystal schrieb: »

Bi üs isch äbä nid nume mi Maa „tschuld“ gsi, i ha Pco (gha) u somit müesse stimuliere das Eili wachse. U weisch was? Ds zwöite mau bi i ganz natürlech ohni Hiuf schwanger worde…mini Fründin het o Icsi brucht für schwanger ds wärdä u äs het bim zwöite Transfer klappet, i schicke dir o viu Muet u das du dim Maa nid bös bisch…är cha ja nüt drfür, u glich närvts gäu. Wünsche dir/öich ä gueti Besprächig u das dir öich guet berate u ufghobe füehlet. Äs isch haut scho ä sehr belaschtändi Phase das ganze

Danke viel viel mal für die liebe wort.

Liraa

Hoi zämme

Ich bin ganz neu da und han au mal was welle dezue schribe.
Min Mah und ich sind jetzt scho über 2 Jahre dra a de Kinderplannig aber leider ohne Erfolg.
Mir sind inere Kinderwunschklinik Koppeli und hend hüt eusi zweiti Insemination chönne füehre. Min Mah het leider Diagnose becho dass er über 90 Prozent Antikörper bi Spermie het - so isch wahrschinlichkeit ufem normale weg sehr tüf.
Het öpert erfahrig i dem berich?

Danke für Rückmeldige.

Crystal

Hoi Liraa, i drücke ganz fescht d Dümä dases klappet het hüt✊🏻 i bi bir zwöite Insemination schwanger worde

Bibi_

Hoi Liraa
Be üs chunt leider nur e icsi in frag, drum chani der leider ned wiiterhälfe bi de sach mit de insemination. Hoffe natürli ganz fest für euch dases klapped. Drücke d düüme.😊