Bis wann gearbeitet in der Schwangerschaft?

leo__28

Hey zämme 😊Ich erwarte mis erste Chind und bin jetzt i de 20. SSW (19+5). Mich wür interessiere, bis wenn ihr jewils gschaffed händ. Händer bis zum ET chöne oder sinder scho vorher teilwiis oder voll chrankgschriebe gsi?

_Flor

Ou, da lisi sehr gärn mit. Bi i dr 18. SSW u bi gspannt wie lang i cha schaffe. 😅🙈
Spannend wär aube o we dir öie Bruef drzue schribet. Dä isch recht wichtig findi. 😇

leo__28

Und villicht au no, i wellere Jahresziit eues Chind zur Welt cho isch, will han scho ghört, dass es je nachdem im Summer recht astrengend sii chan mit de Wärmi/Hitz.

AnDu88

I ha bi beidne Schwangerschafte bis ca. zur 36. ssw gschaffet. Und bim erste bini abem 7. Monet 20% chrank gschribe gsi. Bim zweite bini sowieso nur 40% am schaffe gsi.

Zireael

Ich ha bis zur 25ssw 100% gaschaft, denn 50% bis zur 36ssw mini chlii isch letzte Summer im Juni 2022 if dWelt cho.
Ich han müeh gha 8h am stuck stah und au die 10 min Pause hend mer nüt gnüztz bi 50% isches besser gsi. DHitz letzte Summer het mer recht zuegsetzt.

Ha en Buchgurt gha de het mer chli ghulfe dMuetterbämder schmüre zlindere. Aber de Verkauf isch echt hert als Schwangeri.

benuim

Ich schaffe im Büro und han bim erste chind bis zum 7. monet 100% gschaffet. abem 8. monet bis zude geburt bini denn voll chrank gschriebe gsi weg de beschwerde.
momentan bini mitem 2. chind im 7. monet und schaffe normal 60%. mal luege wie lang ichs dasmal schaff😅

Zireael

Und die neui Freiziit zum alles ihrichte Vorbereite hani denn schön chöne gnüsse🥰mer weiss ja au nie gnau wens Baby chunt und finds wichtig sich Mental chöne vorbereite und sich da chöne Ziit für sich zneh☺️

fabe

Ich bin MPA, mini Tochter isch im September uf t‘welt cho und ich bin 100% ahgstellt gsi, han ab endi 7 Monet 50% gschafft (jede Tag nume en halbe tag) bis zu de 38 ssw, mini fraueärztin hät mich wele viel früener 100% krankschribe lah aber ich han nöd wele, mit schaffe gaht t‘zit schneller ume und ich han e megaa cooli arbeitsstell und es supper team kah 🙈

Angii85

Ode 1. Ss hani bis zu de 31. Ssw gschaffet, als innedekorateurin... ha denn aber mega vill wasser im körper gha und en 3h arbetsweg und ha das de au nüm möge mache und si hend mi denn sowiit aber au nüm brucht 🤷‍♀️
Und etzt bini aktuell.ide ssw 26 im verkauf mit 8h stah und es gaht bis etzt no aber isch scho sehr asträngend.. aber jetzt schaffi au nur 40-60%... am abig bini denn eifach fix und fertig willi nur 15min pause zum sitze ha.. ha im märz min nächste termin und de luegemer denn wiiter

simi99

ide erschte ss bis wuche 20 100% nacher 50% 3 wuche und den 100% krankgschriebe🙆🏻‍♀️

Gröipschi

bi Radiologiefachfrou im Schpitau. ir erschte Schwangerschaft hani bis zur 36. ssw vou gschaffet, när 2 wuche 50% u när isch dr chli ir 39. wuche cho.
ir zwöite bis zur 35. mini 50% vou gschaffet, när wider für 2 wuche 50% reduziert.
es isch summer 17 u 19 gsi, ouso brätsch heiss.

Zireael

@Angii85 bi 8 h pro Tag schaffe cha mer doch all 2h zuesätzlich 10minute Pause mache das wär vom Gesetz us so greglet.

Angii85

Gaht nöd mer sind meistens 2. Oder allei also liits leider nöd dinne 😅

Mayla

Im büro bis zur 37 0 ssw immer 100% den ferie, bi 39 0 isch sbaby cho. Dfraueärztin het mi nöd wele krankschriebe (schwangerschaft isch kei krankheit), ha recht müeh gha mit wasserilagerige.

Mamelo

Mini hebamme het gseit si empfehle ab ssw36 schluss zmache.
I ha emmer bes 38 gschaffet well i schösch eifach nor no am omehypere gsi wär, so hani en schöni abwechslig gha. 😊

1995

Ich schaffe im Büro 100% und bin ab nechste Mittwuch 100% chrank gschriebe (36+3). Het aber au scho chene früener uf 50% reduziere hans aber nonig welle.

Himmugüägäli🐞

Ig ha damals bis 1 Monat vor de Geburt gschaffet

aenn

Ich schaffe im baugwerb im büro. Bi aber regelmässig uf baustellene unterwegs. Bi ez 21+3.
Bi gspanne wie lang ich schaffe mag🙈

Tanja87

Bim 1. Chind hani bis zum 7. Monet 100% gschaffet ide Pfleg denn ca 1 Monet 50% und die leste 4 Wuche bis zu de Geburt bini 100% chrankgschriebe gsii (ha 10 Tag übertreid) Geburt 29. Oktober.
Bim 2. Chind hani 50% gschaffet bis 1 Monet vor Geburt, Pfleg und Büro, abem 7. aber nur no im Büro. Geburt 17. Februar.

Siina96

Schaffe ide Spitex (Pfleg) ha di erste 6 Mönet 100% gschaffed und sit det 50%. Bi ez ide 28. Wuche und muss vo Tag zu Tag luege wie min Körper mitmacht 😁

LaHappy

Arbeite im Service, in einem Restaurant mit vieeeeelen Treppen. Ich habe bis zum 7 Monat 100% gearbeitet und dann auf mein Wunsch hin, auf 80% reduziert. Habe bis 11 Tage vor dem geplanten Kaiserschnitt gearbeitet. Muss aber dazu sagen, dass ich eine traumhafte Schwangerschaft hatte und mein Frauenarzt meinte, solange keine medizinischen Grund gibt, er mich nicht krank schreibt.

dixi90

Han im Büro bis 3 Wuche vor ET gschaffet. Hät gliner chönne vor Frauearzt us, aber han ä neue Job gha und nid wöue. Aber han rächt glitte (Wasser, Symphyse, härte Buuch ezc).

eatblackmilk

Bi de 1. Schwangerschaft 100% bis zum ET gschaffet ka im Verkauf/Service und bi de 2. Schwangerschaft es Pensum vo 40% au bis zum Schluss gschaffet ka bim gliche Arbetgeber 😊

LillyFee

Bis zum schluss 100% gschaffet.
Schaffe im Büro

taniia

I ha bis zur 37. Wuche no 100% gschaffet im Verchouf u Service. Drnah no 50%. 3 Täg vor ET hani de ufghört schaffe. Uf d Wält cho ischer de bi ET 11

katefox1983

Han bis i di 32 SSW 100% im Büro gschafft, dänn bin i 50% chrankgschribe gsi und han vermehrt Homeoffice dörfe mache. Ab de 36 SSW bin i dänn 100% chrankgschribe gsi.
Alles Gueti dir!

katefox1983

Btw. mini Tochter isch im September uf d Wält cho

katarina

Ich bi ab de 19 SSW 50% krankgschriebe gsi. Und ab de 30 SSW 100% krankgschriebe. Hans extrem mit dem rucke gha bi beidne SS und schafge im Verkauf jöcheri Position han au nöd würkli chöne guet luege au schwer glupft gha immer und han aber bi 50% krank trotzdem immer meh gschaffe welis han nöd chöne si loh. Denn isch es am beste gsi gar nüme goh susch heti nüm chöne laufe.

LillyFee

Han am Tag voner Geburt no garbeitet.
Han em schluss au rüggeweh gha und extrem müed, aber isch gange ☺️