Geburt einleiten

1995

Het epper vo eu au müsse d Geburt ihleite? Wie fühlt sich das ah? Was chunt da uf einem zue, wie lauft das gnau?

Isch mini ersti SS und bin recht nervös🙈🙈

Sandy37

Hallo 😊
Ich bi damals im März 2022 ihgleitet worde, will ich Streptokoke B positiv bin und mini Fruchtblase ihgrisse isch.

Ich persönmich han kein verglich zunre nöd ihgleitete Geburt aber ich wür ufejdefall vieeeeel Geduld mitbringe..

Ich bi am Samschtig Abig ihgleitet worde und am Zieschtig Morge isch min Sohn da gsi.

Trotz dene viele Stund würd ichs als eh schöni Geburt bezeichne. Es chan hald eifach sie das de Körper länger brucht bis „Geburtsrelavanti Wehe“ chömed.

Bi mir ischs viele Stund gsi wie starckli Mensschmerze und wi d Fruchtblase den ganz Platz isch, sind richtigi „Wehe“ worde. Den heds bk mir den eh PdA ah geh nach über 60 Stund ohne schlaf😅🙈

enelaa94

Ich han au müesse ileite will nüme usreichend Fruchtwasser vorhande gsi isch und mis Bebe nüme zuegno gha het. bin am Mäntig abig igleitet worde und am Mittwuch am 11 i Morge isch sie denn gebore ( Zangeburt) Ide Nacht uf de Mittwuch hani denn au müesse e PDA neh, han nüme
möge.
Han jensti Wehemittel becho weiss au gar nüme alles.

Ich has als sehr schlimm empfunde MM het sich eifach lang nöd göffnet und so starchi wehe gha. Han 2 Täg nüt
chöne esse ( alles ussekotzt) und au nöd schlafe eifach Horror. Han denn au en Damm und Scheideriss gha. Und es isch mini erst Geburt gsi.

snowangel

Ich ha bi de erst ssw au müesse ihleite wegem zwenig fruchtwasser und verdacht uf plazentainsuffizienz. Nach 2 stunde ileite isches los gange mite wehe han am Schluss irgendwenn nach 9 std, Sturm wehe ka und de puls vol bebe isch nüme guet gsi.. denn hämmer ihn müesse per kaiserschnitt hole. Ich han die erst Geburt nöd schön gfunde und ha wükli die letscht 6 Stunde vo de geburt nur brüellet und Elend/schwach gfühlt..
Wuchbett isch denn no schlimmer gsi...

Dafür die zweit Geburt tip tope wuchebett ka.

Ich han guets und schlechts vo ileite ghört... Ich glaube es git au verschiedeni arte zileite.. kenne sie aber nöd..🙈🙈

Ich verstah dich mega dass nervös bisch, aber das het da im babyforum au scho mal öpert erwähnt und ich seges gern nomal, es lauft bi jedem anderscht und jede gsehts entweder als schön oder weniger schön..

ich ha mich afang au wie du welle über allles informiere und han mer dadure sooo fest öpis in kopf gsetzt dassi am schluss seehr entüscjt gsi bin, weni zruck denke isches bitz min fehler gsi mir alles zu schön und eifach vorgstellt und plant.
🤭

Am beschte isches wükli mite ärzt rede sie chönd dich da mega guet all vorgäng erkläre wie sie bi dir vorgönd und was chan passiere und was nöd und und... und das git es besseres gfühl 😍 das hani bi mir gmerkt woni bim zweite sohn is spital bi go frage stelle woni ka han stahtt google 🙈 ich han viel mee es sichets gfühl ka..

Du schaffsch das guuuet 💯💯🤍 mir sind sooo stark was mir chöönd für eusi chinder.

Lilamama

Ich het au fast müese ileite, termin scho gha. Ha denn de wehetee vode ingeborg stadelmann trunke und en ilauf gmacht. No am glieche abig ischs losgange. Wer weiss, was es schlussendlich gsie isch aber: nützt' nüt schad's nüt😉

1995

Danke eu vielmal für eui bericht, bin ziemli nervös…🙈

Crystal

Musch nid närvös si, du schaffsch das✊🏻 würum muesch de ileite u wenn? I ha bir erschtä Geburt o müesse wüui zweni Fruchtwasser ha gha. I ha äs vaginals Zäpfli/Gel übercho am Abä spät, när hei mir ( mi Maa het bi mir im Zimmer dörfe ) dörfe probiere schlafe u öpe am vieri am morge nomau ä Gel u denn isch am sächsi d Fruchtblase platzt u de ischs langsam los gange mit Wehä, ha aber när wäg schlächtä Härztön ä Keiserschnitt müesse mache. Im Gägäsatz zur zwöite, natürleche Geburt si mini Wehä bir Ileitig schneuer schmärzhafter gsi, bir natürlächä ischs langsamer geng schmärzhafter worde…i wünsche dir aues Guete

mira457

I ha beides mol müesse ihleite bim erste will d fruchtblose gsprunge isch und nüt me vorwärt gange isch dört sis vom ihleite bis er do gsi isch 12 stund gange bim zwöite hani müesse will i bi Et 14 gsi dört sis vom ihleite ah 4 Stund gange bis er do gsi isch. Ich ha beidei als schöni geburte erläbt ohni komplikatione

julii

Ich han mösse nach ET+10 iileite. Es isch mini erst geburt gsi und ha darum au kein vergliich. Han viel ghört und gläse und grosse respekt devor gha. Darum verstohni dich guet. Aber es isch wie mit allem.. es isch soo individuell! Ich luegs als es sehr positivs erlebenis ah. Ich wött dir fest muet mache. S‘Baby und du schaffet das!

So isch dä Ablauf gsi:
Am abig am halbi 8i hani Vaginal s‘medikament über cho. Min Maa hät die ganz ziit chöne bi mir si. Langsam hani dänn wehe gspührt und öpe am halbi 12i isch dä MuMu schochli offe gsi und ds’ CTG hät Wehe ufzeichnet. Darum hani kei zweiti Dosis brucht. Öpe am halbi 2 simmer in Gebärsaal.. dänn nochli id Badwanne und am halbi 5i ischs Baby da gsi.
Jaa es isch es wahnsinnigs erlebnis und weiss natürlich nöd wies gsi wär ohni ds‘iileite. Aber hey! Wie snowangel gschriebe hät. Mir Fraue sind so wahnsinnig stark und du schaffsch das! Nach de Geburt wirsch so stolz uf dich und dis baby sii. Glaub fest a dich. Wünschder ganz viel Power! 🤍

1995

Danke eu vielmal fürs muet mache❤️ D ihleitig isch nechst wuche und de grund defür isch da s baby nach de messwert grösser isch und scho 2 wuche „vorus“ isch vo de grössi, isch entschiede worde besser früener ihleite demit mit enere natürliche geburt ned zu grossi verletzige entstönd. Aber mal luege wies chunt🙈

snowangel

Mir freuet eus uf din bricht denn 🤍 toi toi toi!! Du schaffsch das!

LillyFee

@1995 wie gross schätze si denn dis bany das si vor ET ihleite? will du chasch guet druf beharre das bis ET willt warte
Grössi bzw gwicht ellei isch nit wirkli sooo relevant ob natürlich chasch gebäre chopf umfang chan bime chleine baby grösser si als bime grosse;)