Thule Veloanhänger

Celiine

Heii zäme
Mer chaufet üs gra en Thule Veloahänger ond ech han mal welle froge,ab wenn ihr mit eurem Baby mit em Velo unterwegs gsi sind.

Eline22

Es wird ab ca. 12 monet empfohle mit em velo zfahre. Vorher isch gfahr z gross bezüglich de erschütterige. Kopf und nacke vom baby sind ned usgrichtet defür. Staht sicher au i de gebruchsawisig. De veloahänger chasch vorher eifach als kinderwage bruche.

landmäädchen

Üsi Tochter ish ca. 9/10 Mönet gsii, womer de Thule 1. mol gnutzt händ 😊

Miette

Mini tochter isch 6 mt. Und ehrli gseit hani dene scho mehrfach brucht (babyhängematte inkl. Velohelm). KiA het sogar gmeint sigi keis problem, da terschüttrige im chinderwage meist sogar no stercher si 🙈. Han extra nomal nahgfragt gha. Mini Hebamme het sogar gseit, ab geburt. Aber das isch mer denn doch zheikel gsi. Mier fahre aktuell nur uf nit befahrne strasse & churzi distanze. Meh hani mi nit getraut.

snowangel

Also ich ha jetzt scho papis gseh mit kiwa jogge uf chiessweg.. und kiwa gseht amigs aus als würs zemme breche 🤭 denke au wie miette seit im kiwa isches nöd besser...

Ha jetzz vorallem viele mamis gseh mit neugeborene - 4 mnt im de hängimatte dine 😊

minggi

Also ich fahr mit minere chline ez au. Isch 3mt alt. Han aber en qeridoo mit dr passende schale. Mit dem isches au offiziel an 1mt erlaubt. Fahr au nid uf chieswäge und im ahpasste tempo nur churzi streckene. Lut kia keis problem so. Bim thule darfsch eig nid fahre mit hängematte. Weiss nid gnau wie die befestigt isch, resp we guet z chind gsicheret isch wenns de ahänger ufs dach cheert? Wichtig isch das d hängematte den immer nu so guete halt bietet das ds chind kei kontakt mim bode chan ha. I mim ahänger isches glich gschützt i dere schale wie imne maxi cosi. Falls d hängematte au guet gsicheret isch wünschi gueti fahrt