Bis wann Babymilch?

Tamara Z

Liebi Froue..

Bis wenn heit ihr eurem Baby/kleinkind Babymilch, dr Schoppe gäh?
Bi gah nache läse wennme zulang Babymilch git chönte sie ca. ab 5jährig mit Übergwicht u fettleibig zkämpfe ha..stit das?
Üsi chlini isch iz 19monet u möcht gärn immer no z Aptamil 18+
1 bis max 2 Fläschli am Tag.. 🙈

Crystal

Hallo, i ha ab Jährig umgsteut uf Chuemiuch, si trinke no hüt am Abä nachem Znacht äs Tassli Miuch we mir ds Kafi trinke, u zum Zmorge o. I ha denn umgsteut wüui ke Sinn meh ha gseh no witer PuMi ds gä. Öb si würklech zu meh Übergwicht neigä weissi nid🤷🏻‍♀️ aber chönntsches ja langsam usschliche u Schritt für Schritt afa ersetzä?

Miette

Mine chli het sich mit 10 monet selber abgstillt. Er het denn eifach Tagsuber no chli PRE übercho (max 200 ml am tag het er gno). Mit 12 Mönet het er denn gar nüm dervo welle wüsse. Ich han ihm denn immer no es glas Milch/Milch-Shoppe abote, aber das het er nur selte gno. Min KiA het mier denn erklärt, dass ab 12 Mönet kei PRE/Milch me nötig si, we sie gnueg Protein (calzium) zu sich nehme. Das mit dem Ubergwicht hani jetzt no nie ghört. Muess aber au sege, dasi mi nie so genau informiert han gha 🫣. Vili chasch ja mal mit der Vater-Müeterberatig luege? Die hei recht gueti fundierti Infos & tips (ich han uf jede fall immer gueti erfahrige gmacht).

Eline22

Es wird empfohle i de erste zwei lebensjahr d stille oder Pre zgeh. Mir hends und wedets nomal so mache und zu übergwicht neigt die gross definitiv ned. Eher s gegeteil.

snowangel

Mine het ai bis 18 mnt milch trunke und er so en fine kerl 😃

Adorable

Mi gross hed bes 3 no Pre welle (morge und obe) und er esch es Flügegwecht, am Essverhalte hed sech bes jetzt nüd gändered öb mit oder ohni, drum denki ned das er med 5 Übergwicht hed 🙈Mini chli hed mit 17mt. ke Pre meh gha und esch e chline „Mocke“. 🤣 (sie esst au gued)

I glaube ned dass das e uswirkig hed..hani au no nie ghört.

Pallas

Mini isch jetzt 8,5 Mönet alt und chunt schoppeMilch nur als Milchbrei über sie will kei Schoppe, ich Stille no 2 mal am Tag. Wird ihre aber nacher gar kei Babymilch meh geh sondern uf Joghurt käs Kuehmilch (ab 12Mönet) oder halb Milch us de Tasse etc umstiege. Milch dient ja wie scho gseit denn nur na als Kaltium lieferant und ob mer das esse oder Trinke duet spielt kei rolle. Drum hoffi das sie sich au selber abstille duet.