Habt ihr in der Stillzeit zugenommen?

nina95

Hallo Zemme

Bin ich eigentli die einzig wo so zuegno het ide Stillzit?Die meiste hend abgno und seit mer ja au mer nimt ap🤣han nach de Geburt 10 Kilo verlore und sit her 5 kilo zuegno . und ja sit 6 Monate stilli. Han ständig hunger🤣hend ihr evtl tipps?

Sova

Guggus o das kenni... i han noch dr geburt direkt 15 kilo weg ka.... denn innert chürzister ziit 10 kilo zuagnoh trotz voll stilla.... han au immer hunger ka und vorallem irgendwia keis sättigungsgfühl meh 🤷🏻‍♀️. lohn di nid stressa, dia kilos purzlend denn scho wieder

Mayla

Wie isch den din durst? Währetem stille viel wasser trinke, also i het den kei hunger sondern durst 🤷‍♀️

nina95

Beides🤣Durst und hunger.
Alles mögliche also bin würkli nur am
esse so glüst hani nöd emal ide schwangerschaft gha🤣

minggi

Aso ich nim ai nid wirklich ab. Han nimä grad so hunger we ide ssw aber merke au dasi mit 2kids gar nid so ziit ha mich z bewegä oder vernünftig z ässe...

Bibi83

ich ha au immer i de stillziit zuegnah.. was sells🤣nachher ischs ami wieder abe.

melanieF

Ig bi iz nach 9 mönet wider uf mim gwicht vor de schwangerschaft. Due no 3 mau am tag stille.
Ha ou sehr langsam gwicht verlohre und immer guet gässä.
Mä söu ou guet ässä, mi körper brucht ja ou energie zum miuch mache und ig für mi bruche ouno energie. Mini tante isch stillberatere und si seit wenn mä vou stillet sötme nur 1/2kilo im monet verliere weu z entschlakte chunt gad it miuch.
I ha zwar wider mis gwicht aber weni mi aluege würdi sägä gfaui mer noni ganz🙈. Aber liebi froue. Üse körper het viu gleistet u mir sötte dankbar u stouz si. Für mi isches ou ni immer eifach aber i probieres so häräznä. Für sport hani ke zit (ga 1 ide wuche is zumba). Schaffe iz wider 40% und dert loufi de ganz tag.

Isse witerhin zimmli viu. Probiere z süessä chli ussela oder das wenn müglech säuber z mache u de isch niso viu zucker dinne.

👌

dixi90

Ich han ca. 1 Johr noch de Geburt sGwicht dunde gha (20kg) und bin mittlerwile 1.5 Jihr noch de Geburt, nach wie vor stillend, rund 3kg Liechter alsvpr de 1. SS. Han aber nie wirkli Sport gmacht und nid ufs Ässe gluegt.