Wahl der elektrischen Doppelmilchpumpe

Juno

Liebi Fraue
Bin chli ratlos, ich bruch weg em schaffe e milchpumpi, weiss abr ned welli.
Mini hebamme meint söll e doppelpumpi vo medela neh, will elvie zwar super seg abr ned all fraue demit zurecht chömmed...
Söll das neh wo mi a spricht seged all guet.
Wird wohl swing odr flex odr hands free neh, aber eigentlich mösst mer das züg doch chönne usprobiere!?
Klar chame verglich lese und erfahrigsbricht abr da weissi ja nacher au ned wies sich bi mir a fühlt....
Wie händ ihr eu entschide odr wüssed ihr wo mer die us probiere chönnt?
(t kk zahlt mir 340 dra drum isch s geld keis grosses Kriterium)

Waschbär1993

I ha chli im google gluegt gha wege de Elvie und Medele freestyle flex ha denn im Facebook inere gruppe mol gfroget welli hend ihr vo dene zwei die einte hend medela die ente elvie und i ha vo beidne guets ghört.
I ha mir ez d‘elvie zue tue und find die mega super
+Bisch kabellos (bi beidne)
+chasch apumpe und umelaufe afoch in BH tue
+chasch überall abpumpe autofahre, spaziere, oder wennt öppis no muesch erledige am Laptop
+chasch mitm Handy stüre(elvie)
+pack sie amel i und nimm sie mit wenn mer länger furt sind

-ohni BH muesch mit de Händ hebe
-mi tüechts muess sie recht viel uflade…

Waschbär1993

@Juno Aber im grosse und ganze bini sehr zfriede😊

Waschbär1993

Und stillilage falls au no en Tipp bruchsch hani vo Lansinoh waschbar und einweg findes super

AmBir

ich han d‘medela freestyle flex becho. find sie nöd so praktisch wie überall gschriebe. Alles zämme isch halt scho viel zügs (Kabel, Motor, Brusthube, Fläschli etc.) und „monströs“. Ich han sie nur für dihei. Chönts mer nöd vorstelle mit de Medela uswärts abpumpe.

melanieF

I ha calypso vo de ardo. Bi z fride. Mängisch wär eini ohni kabu gäbig. Aber hami dra gwönet

Miette

Ich han au en medela freestyle (usem 2019). Mit dere bini sehr zfride. Ich han sie immer zum schaffe mitgno. Akkulaufzit supper & sugleistig au top. Nur isch sie echli lut 😂.

Vili chasch ja mal bi diner hebamme nahfrage. Vili hebamme hei pumpe zum usteste (mini 1. het en calypso fa ardo gha & mini 2. ebe die medela). Han die ardo törfe usteste vor hebamme.

Juno

Merci vill mal eu allne
Ja mini hebamme het ebe nix zum usprobieren.
Lüt etzt morn mal anre still beratig ah, mal luege
Tendieren aktuell zu dere medela hands free isch wie die kabellos elvie.
Klär mal mit de kk ab obs au ok wär vo dütschland z chaufe, det wär się bi baby Walz aktuell "nur" 315 Euro....

enelaa94

Ich benutze d'elvie milchpumpe aber nur eini vo minere Schwö becho. Vorher hani d'Medela us de Apothek gha. D'Elvie isch zum schaffe super. Muesch fast nüt mitneh und gsesch mitem Handy au wie viel d'Abpumt hesch. Bin mega zfriede und eini langet vörig

Mamelo

I ha en ardo calypso ond d elvie. I fende d ardo vell besser ond ha debie eifach s bessere gfühl. Da i ned stille cha ond nor pumpe rettet mer d elvie aber echt d milch weli so halt flexibler be. Fende d elvie esch meh es spelzüg, denke do hend anderi hersteller we ardo oder medela secher meh ahnig was en gueti milchpumpi usmacht. Da esch nämli meh als die spelerei metem app...