Ängscht

Waschbär1993

Hallo zämme evt gotz de einte oder andere au so..???

Ich ha sit öppe guet 5 Johr mit Ängscht z‘kämpfe am Afang isch es sehr schlimm gsi und het sich ez besseret.

Jetzt bini sitm 5. März Mami vonere Wundervolle Tochter. Ich liebe sii über alles es isch soo krass wie fescht me so e Kind cha liebe echt unbeschrieblich.
Au min Maa und mich hets wieder meh zämme gschweisst und au ihn lieb ich über alles❤️💕Sit döt sind die Ängscht wieder intensiver worde und s‘ume Studiere und nohdenke au😔

Was isch wenn ihre öppis schlimms passiert oder wer luegt uf di chli wenn mir öppis passiert.???
Ich weiss me sött die Ziit i volle Züg gnüsse aber wenn me so viel am studiere isch, isch das mega schwer🥺Ich wött immer und die ganz Ziit für mini chli Familie do sii❤️

Sorry het afoch mol müesse usse😔🥺Weiss au nöd wasi mir dur das erhoffe…
Danke fürs läse 🙂

Gotz de einte oder andere au soo?
Evt chame sich über das ustusche?

Wie hend ihr‘s gschafft zum weniger dra ume studiere oder gar Ängscht weg bringe?

Gitz irgend es Buch wo guet isch wo me so Ängscht cha verarbeite?

AnDu88

I glaube es goht sehr villne Müettere eso…jedes Mami het Angst, dass ihrne Chinder öbbis cha passiere.
Bi minere Tochter hanis schlimmer gha, ha immer gluegt ob si no schnuufet…ha so oft dänkt oh nei was isch wenn si plötzlich eifach tod im Bettli liet. Horror! I weiss nid wasi gmacht ha, aber die Ängst si immer weniger worde…je meh si gwachse isch.

Ha au hüt no oft de Gedanke, es darf mir joh nüt passiere, i muess für mini Chinder do si…eifach au willi s gfühl ha, dass niemer anders besser zu mine Chinder cha luege als ig… ig halte do alles zäme und luege für alles… und mi Maa wär mit dene zwei allei heillos überforderet 🙈
I probiere das eifach z verdränge, z säge es isch alles ok… und meistens klappt das au.

Grossi hilf bini der nid, i weiss 😂🙈

Waschbär1993

@AnDu88I finds guet cha me sich usstusche somit isch jede kommentar irgendwie e hilf😊

sArA91

Goht mir glich und ich han eh Angststörig entwicklet bin aber bim psycholog und das hilft sehr au atemüebige und meditiere oder yoga ☺️ holl dir süsch hilf bime psycholog☺️